Esekiyeli 32:23 - Mandinka Bible

²³ Ì la kaburoolu be dinka jaŋ baa kono duuma le. Asiriya kelediŋolu la kaburoolu le be a dandaŋo la. Itolu le ye silaŋo dundi nuŋ moolu la, bankoo kaŋ moo baluuriŋolu be daameŋ.

Esekiyeli 32:23 ပူးပေါင်းရင်းမြစ်များ

Esekiyeli 26:20

Wo waatoo la m be i samba la fureeduu le, i ye taa ka kafu wo moolu ma mennu faata i ñaa. M be i samba la laakira le, i ye taa sabati kasaara dulaalu to, aduŋ i te muru noo la naŋ kotenke ka naa dulaa soto bankoo to, moo baluuriŋolu be daameŋ.

Esekiyeli 26:17

Moolu be niikuyaa denkiloo le laa la i ye. Ì be a fo la i ye le ko: Tire, ite saatee too boriŋ baa le kasaarata teŋ baakono dookuulaalu be sabatiriŋ daameŋ to. Ite meŋ semboo warata baa kono, i niŋ i siilaalu, i dandanna moolu bee silata i la le nuŋ.

Jabuuroolu 27:13

N dankeneyaata le ko, m be Yaawe la beteyaa je la le, ñiŋ duniyaa baluwo to.

Esekiyeli 32:32

Yaawe ko: “Firawoona ye silaŋo le dundi wo bankoo kaŋ, baluuriŋolu be daameŋ. Wo kamma la, a niŋ a la jamaa moolu bee be taa la le ka kafu Alla lombaloolu ma, mennu faata keloo kono, ì niŋ ì ye tara laariŋ dulaa kiliŋ.” Maarii Yaawe le ye a fo.

Yeremiya 11:19

Niŋ wo nte, nte ka munta le saajii sooneeyaariŋo, ì be meŋ samba kaŋ ka taa a kanateyi. M maŋ a loŋ nuŋ ko, ì ka feeroo siti nte le kamma, ka a fo ko: “Ali ŋà ñiŋ yiroo niŋ a diŋolu kasaara. Ali ŋà a siyo kuntu ka bo baluwo to, fo moo hakili kana bula a la.”

Yesaya 38:11

Ŋa a miira le fanaa ko, n te Yaawe je la kotenke, baluuriŋolu kono duniyaa jaŋ. N te hadamadiŋ je la kotenke, waraŋ n niŋ moolu ye tara ñoo kaŋ, mennu be baluuriŋ ñiŋ duniyaa kono.

Jabuuroolu 142:5

Hee Yaawe, n kumboota i ye le ka m maakoyi. N ko ite le mu n na tankandirilaa ti. Ŋa ite le soto n na baluwo to.

Jabuuroolu 116:9

Wo to m be tara la taama la ite Yaawe le fee baluwo kenoo to.

Yuuba 28:13

Hadamadiŋo maŋ a taaraŋ siloo loŋ, aduŋ a buka soto duniyaa kono.

Nahumu 1:14

Yaawe ye ñiŋ ne yaamari ite Ninewe la kuwo to ko: “I te koomoo soto la meŋ be i too fintindi la. M be i la jalaŋ leseriŋolu kasaara la le, aniŋ i la nee jalaŋolu ka bo i la jalambuŋo to. Ŋa i la kaburoo parendi i kamma le, kaatu i maŋ jari ka baluu.”

Yesaya 14:17

kewo meŋ ye duniyaa ke keñewuloo* ti, a ye saatewolu turutumbuŋ, a maŋ soŋ a la mutamoolu ye seyi?”