Esekiyeli 32:12 - Mandinka Bible

¹² M be a ke la le fo kelejawaroolu ye moo jamaa faa ali kono niŋ ì la kelejooraŋolu la. Ñiŋ kelejawaroolu le jawuyaata duniyaa kono kelejawaroolu bee ti. Ì be Misirankoolu la kibiroo ke la ì ye kenseŋ ne ti, aduŋ ì la moo jamaa le be kasaara la.

Esekiyeli 32:12 ပူးပေါင်းရင်းမြစ်များ

Esekiyeli 28:7

Wo kamma la, m be banku moo doolu le wulindi la naŋ i kamma. Wo le mu bankoo ti meŋ jawuyaata aniŋ a tilimbaliyaata duniyaa bankoolu bee ti. Ì be i boyinkaŋ na keloo le la, ì ye i la wo dookuu ñiimaalu bee tiñaa, i ye mennu bee ke i la ñaameŋ baa la, ì be a bee horomantaŋyaa la le ka i malundi.

Esekiyeli 31:11

Wo kamma la m be a duŋ na maralilaa doo le bulu, wo bulu ye sii a la kendeke ko a la kuu jawoolu be ñaameŋ, nte faŋo le ye a bayi jee a la kuu jawoo kamma la.

Esekiyeli 29:19

Maarii Yaawe ye ñiŋ fo ko: “Saayiŋ m be Misira bankoo duŋ na Babiloni mansakewo Nebukanesa bulu le. Aduŋ a be Misira fankoo bee taa la le ka ke ñapinkaŋ feŋo ti a ye. Wo le be ke la a niŋ a la kelediŋ kafoo la joo ti.

Esekiyeli 30:11

Nebukanesa niŋ a la moolu, mennu la jawuyaañaa tambita duniyaa bankoolu bee la, m be wolu le naati la naŋ ka Misira bankoo kasaara. Ì be ì la kelejooraŋolu taa la Misira bankoo kamma le. Ì be ì la bankoo bee fandi la moo furewolu le la.

Esekiyeli 28:19

Wo bankoolu mennu bee ye i loŋ, ì jaakalita i la kuwo la le, kaatu i labaŋo maŋ ñiiñaa, aduŋ i nene te tara la keriŋ kotenke.”

Esekiyeli 31:12

Bantala banku* jawu baalu la kelediŋolu le ye a suŋo kuntu, ì ye a fili jaariŋ konkoolu kaŋ aniŋ wulumbaŋolu kono. A buloolu ye tara katiŋ-katindiŋ jiibuloolu kono taariŋ. Duniyaa moolu bee be bo la a dubeŋo koto le.

Yeremiya 46:12

Banku koteŋolu ye a moyi le malu kuwo meŋ laata i kaŋ, aduŋ i la wuuroo ye duniyaa bee beŋ ne. Kelejawara niŋ kelejawara seyinta ñoo la le, ì bee boyita ñoo la.”

Esekiyeli 32:18

“Hadamadiŋo, kumboo i ye lemba Misira jamaa moolu kunna. Kaatu ì niŋ wo moolu mennu bota banku sembemaa baalu to be faa la ñoo la le ka taa laakira, kaburoo kono duuma.