Esekiyeli 31:9 - Mandinka Bible

⁹ Nte le ye a dadaa ka a ñiiñandi wo ñaama ka jamfa santo ka tambi yiroolu bee la mennu be nte Alla faŋo la naakoo kono. Yiroolu mennu bee be Edeni naakoo kono ñaa bota a fee le.”

Esekiyeli 31:9 ပူးပေါင်းရင်းမြစ်များ

Esekiyeli 28:13

I be Edeni le nuŋ, Alla la naakoo kono. I ñarandita bere ñiimaa siifaa bee la, wolu le mu rubi beroo ti, topasi aniŋ emeradi, kisoliti, onisi aniŋ jasipa, safiiri, turuki aniŋ berili, ì kononkesemaa be sanoo kono. I daata luŋo meŋ na, ì bee be pareeriŋ i ye le.

Yesaya 51:3

Tooñaa-tooñaa, Yaawe be Siyoninkoolu* sabarindi la le, aduŋ a be balafaa soto la ì ye le, ì la saatewo tumbunta ñaameŋ. A be ì la wuloo ke la le ko Edeni naakoo, ì la keñewuloo* ye ke ko Yaawe la naakoo. Ì be seewoo niŋ kontaanoo soto la jee le, ì ye Alla tentu niŋ suukuulaa la.

1 Musa 13:10

Luuti ye a ñaa muruŋ-muruŋ, a ye a je ko, Yoridani Boloŋo kene fanuŋo bee, ka taa fo Sowari, wolu le ye jii jamaa soto. Jee ka munta le komeŋ Yaawe la naakoo aniŋ Misira bankoo. Ñiŋ mu waati le ti, janniŋ Yaawe ka Sodomu saatewo niŋ Komora saatewo kasaara.

Jakariya 11:2

Junipa yiroolu, ali woosii, sedari yiroolu boyita, yiri kallankewolu tiñaata. Basani tundoo yiri baalu, ali woosii, wula dibiŋo yiroolu bee teyita le.

Daniyeli 2:21

Ate le ka waatoolu niŋ jamaanoolu yelemandi, ate le ka mansoolu londi, aduŋ ate le ka ì bondi. Ate le ka ñaameŋo dii, aniŋ londoo.

Esekiyeli 31:18

“Ñiŋ yiroo mu ite Firawoona niŋ i la jamaa moolu bee le ti. Yiri nene maŋ soto Edeni naakoo kono meŋ na horomoo warata ko ite. Bari i be boyi la le i ye faa, i ye taa bankoo koto duuma, i niŋ wo Alla lombaloolu be tara la laariŋ dulaa kiliŋ ne laakira, i niŋ moolu mennu foloo faata keloo kono i ñaa.” Maarii Yaawe le ye a fo.

Esekiyeli 31:16

M be kijafara baa le laa la bankoolu kaŋ, ka bo niŋ a boyi kaŋo la, niŋ ŋa a fayi duuma, ka taa laakira, aniŋ moo doolu mennu taata a ñaa kaburoo kono. Aduŋ Edeni naakoo kono yiri ñiimaalu bee, mennu mu Libanooni yiri betoolu ti, woyoo daala yiroolu bee, ì ye mennu jiiboŋ kendeke, a be ke la wolu ye jusu ñaburaŋo le ti, laakira jee.

Esekiyeli 17:24

Yiroolu bee be a loŋ na le ko, nte le mu Yaawe ti, meŋ ka yiri jaŋo boyi, ŋa yiri sutuŋo jaŋayandi. N ka yiri kitiŋo norondi le, ŋa yiri nororiŋo kitiŋyandi. Nte Yaawe faŋo le ye a fo, aduŋ m be a ke la le.”

Esekiyeli 17:22

Maarii Yaawe ye ñiŋ ne fo ko: “Nte faŋo le be sedari yiroo turoo kuntu la, ŋa a tutu. M be yiri soroŋ mereŋo le kuntu la a turu neŋo bala ŋa a tutu konko jaŋ baa kaŋ santo.

Esekiyeli 16:14

I la darajoo janjanta bankoolu bee kaŋ, feŋ te fo i la ñiiñaa. Ŋa ñaroolu mennu dii i la, wolu le ye i la ñiiñaa yitandi.” Maarii Yaawe le ye a fo.

Yesaya 55:12

“Ali be finti la seewoo le kono, ŋa ali ñaatonkayaa kayiroo kono. Konko baalu niŋ konkoriŋolu be wutu la suukuwo ti, aduŋ yiroolu mennu be kunkoolu to si buloo kosi.

Kawandilaa 4:4

Ŋa a je le moolu ka kata kuu baalu mennu ke, ka dookuwo ke fo ì buloo ye koyi a to. Kaatu ì ka tara lafiriŋ ñiŋ ne la ka tara ñoo ñaato. Ñiŋ fanaa maŋ ke feŋ ne ti, a ka munta le ko foño bayindoo.

Kuma Kotoomaalu 27:4

Kamfaa jawuyaata le, jusuboo ka kasaaroo le ke, bari jumaa le niŋ kiiliyaa si tu noo?

1 Samuweli 18:15

Kabiriŋ Sawulu ye a je ko, Dawuda mu kututeyilaa le ti, a silata a la baake.

2 Musa 9:16

Bari ka n semboo yitandi i la, ŋa i bula le i baluuta, fo n na darajoo si janjaŋ noo duniyaa bee kono.

1 Musa 37:11

Bituŋ a faadiŋolu naata a haasidiyaa, bari a faamaa, wo ye kuwo ñiŋ muta a kono le.

1 Musa 26:14

A ye saajii jamaa soto, baalu niŋ ninsoolu, aniŋ dookuulaa jamaa. Wo kamma la, Filisitinkoolu naata haasidiyaa a fee.

Esekiyeli 36:35

Ì be a fo la le ko, ‘Ñiŋ dulaa meŋ kenseŋyaata nuŋ, a fele, a naata ke ko Edeni naakoo. Aduŋ wo saatee tumbundiŋolu fele, ì naata ì tatoolu lookuu aniŋ ì be faariŋ moolu la ñaameŋ!’