Esekiyeli 31:8 - Mandinka Bible

⁸ Hani sedari yiroolu mennu be Alla la naakoo kono niŋ a te laa noo la. A niŋ junipa yiroolu buloolu faŋolu te laa noo la. Hani arimoni yiribuloolu faŋolu la ñiiñaa maŋ a sii. Yiri te Alla la naakoo kono a niŋ meŋ si muluŋ.

Esekiyeli 31:8 ပူးပေါင်းရင်းမြစ်များ

Esekiyeli 28:13

I be Edeni le nuŋ, Alla la naakoo kono. I ñarandita bere ñiimaa siifaa bee la, wolu le mu rubi beroo ti, topasi aniŋ emeradi, kisoliti, onisi aniŋ jasipa, safiiri, turuki aniŋ berili, ì kononkesemaa be sanoo kono. I daata luŋo meŋ na, ì bee be pareeriŋ i ye le.

Yesaya 51:3

Tooñaa-tooñaa, Yaawe be Siyoninkoolu* sabarindi la le, aduŋ a be balafaa soto la ì ye le, ì la saatewo tumbunta ñaameŋ. A be ì la wuloo ke la le ko Edeni naakoo, ì la keñewuloo* ye ke ko Yaawe la naakoo. Ì be seewoo niŋ kontaanoo soto la jee le, ì ye Alla tentu niŋ suukuulaa la.

Jabuuroolu 80:10

A dubeŋo ye konkoolu muuri le, a buloolu ye sedari* yiri baalu muuri.

1 Musa 13:10

Luuti ye a ñaa muruŋ-muruŋ, a ye a je ko, Yoridani Boloŋo kene fanuŋo bee, ka taa fo Sowari, wolu le ye jii jamaa soto. Jee ka munta le komeŋ Yaawe la naakoo aniŋ Misira bankoo. Ñiŋ mu waati le ti, janniŋ Yaawe ka Sodomu saatewo niŋ Komora saatewo kasaara.

Esekiyeli 31:18

“Ñiŋ yiroo mu ite Firawoona niŋ i la jamaa moolu bee le ti. Yiri nene maŋ soto Edeni naakoo kono meŋ na horomoo warata ko ite. Bari i be boyi la le i ye faa, i ye taa bankoo koto duuma, i niŋ wo Alla lombaloolu be tara la laariŋ dulaa kiliŋ ne laakira, i niŋ moolu mennu foloo faata keloo kono i ñaa.” Maarii Yaawe le ye a fo.

Esekiyeli 31:16

M be kijafara baa le laa la bankoolu kaŋ, ka bo niŋ a boyi kaŋo la, niŋ ŋa a fayi duuma, ka taa laakira, aniŋ moo doolu mennu taata a ñaa kaburoo kono. Aduŋ Edeni naakoo kono yiri ñiimaalu bee, mennu mu Libanooni yiri betoolu ti, woyoo daala yiroolu bee, ì ye mennu jiiboŋ kendeke, a be ke la wolu ye jusu ñaburaŋo le ti, laakira jee.

Jabuuroolu 37:35

Ŋa moo jawoo je le, meŋ tilimbaliyaata, aduŋ a ye buŋ ka jaŋ, komeŋ Libanooni sedari* yiroo.

Lankenemoo 2:7

“Meŋ ye tuloo soto ka moyiroo ke, a si a moyi, Nooroo be meŋ fo kaŋ Yeesu la kafoolu ye. Meŋ keta noorilaa ti, m be siloo dii la wo la le ka domoroo ke ka bo yiroo to, meŋ ka baluwo dii. Wo yiroo be Alla la naakoo le kono.

Suukuwo 5:15

A siŋolu be le ko bere samasiŋ ñiimaa, meŋ be looriŋ sani looraŋo kaŋ. A alihaaloo be le ko Libanooni Konkoo, a be bambandiŋ ko sedari* yiroo.

Esekiyeli 31:3

A fele, m be i misaali la le ko Libanooni sedari* yiroo meŋ buloolu niŋ a jamboolu ñiiñaata, ì ñukuñukuta ka dubeŋo dii sutoo kono, a suŋo jaŋayaata santo, fo a turoo be naa minaayoolu maa la.

Esekiyeli 31:7

A suŋo la waroo niŋ a buloolu la jaŋayaa le ye a ñiiñandi baake. Kaatu a suloolu dunta le fo duuma, ì taata fo duuma jii woyoolu kono.