Esekiyeli 31:7 - Mandinka Bible

⁷ A suŋo la waroo niŋ a buloolu la jaŋayaa le ye a ñiiñandi baake. Kaatu a suloolu dunta le fo duuma, ì taata fo duuma jii woyoolu kono.

Esekiyeli 31:7 ပူးပေါင်းရင်းမြစ်များ

Esekiyeli 31:6

Kunoolu mennu bee ka tii santo ka ì la ñaŋolu laa ate le kaŋ. Wulakono daafeŋolu bee ka wuluu a suŋo le koto, duniyaa banku moolu bee ka tara a dubeŋo le koto.

Esekiyeli 31:8

Hani sedari yiroolu mennu be Alla la naakoo kono niŋ a te laa noo la. A niŋ junipa yiroolu buloolu faŋolu te laa noo la. Hani arimoni yiribuloolu faŋolu la ñiiñaa maŋ a sii. Yiri te Alla la naakoo kono a niŋ meŋ si muluŋ.

Daniyeli 4:12

A jamboolu be ñiiñaariŋ, a diŋolu be siyaariŋ, aduŋ niilamaa feŋolu bee ka domoroo soto a bala le. Daafeŋolu ka sabati a dubeŋo koto le, kunoolu ka ñaŋo ke a buloolu bala, aduŋ niilamaa feŋolu bee ka i baluu a la le.