Esekiyeli 31:4 - Mandinka Bible

⁴ Jiyo meŋ be siyaariŋ a suŋo koto le ye a ñiiñandi. Duuma jiyo le ye a tinna a jaŋayaata. Baawo jiyo le ka woyi dulaa bee to, sutoo kono jee, aniŋ wo woyoolu le ka bori yiri juwolu bee koto, sutoo kono jee.

Esekiyeli 31:4 ပူးပေါင်းရင်းမြစ်များ

Lankenemoo 17:15

Bituŋ malaayikoo ko n ye ko, “Baajiyolu, i ye mennu je, cakamusoo be siiriŋ daameŋ to, wolu mu bankoolu le ti, sii jamaalu, nasiyoŋolu aniŋ kaŋolu.

Lankenemoo 17:1

Wo malaayika woorowuloo mennu ye booli woorowuloo soto, kiliŋ ko n ye ì kono ko, “Naa! Ŋa cakamusu baa la kiitiyo yitandi i la, wo saatee baa, meŋ be siiriŋ baajii jamaalu daala.

Esekiyeli 17:8

“Bari sontiŋ foloo ye a fii daameŋ nuŋ mu banku kendiŋo le ti, jiyo siyaata daameŋ, fo yiribuloolu si soroŋ a bala, a ye diŋ, a ye ke yiri juu kendoo ti.

Esekiyeli 17:5

“Bituŋ sontiŋo ñiŋ ye yirindiŋ mereŋo bondi naŋ Banisirayila bankoo kaŋ, a ye a tutu banku kendiŋo le to. A ye a tutu jii daa le la ko juŋo.

Kuma Kotoomaalu 14:28

Niŋ moo siyaata mansa nooma, wo le ka a so semboo la, bari niŋ mansa maŋ moo soto, a si kasaara noo le.

Yeremiya 51:36

Wo kamma la Yaawe ye ñiŋ ne fo ko: “A juubee, m be loo la ali la kuwo la le, ŋa juloo joo ali ye. M be Babiloni baajiyolu jandi la le, ŋa ì woyoolu jandi.

Esekiyeli 17:7

“Bari sontiŋ baa doo le fanaa be jee, a dampaŋolu warata, a tiyolu siyaata. Saayiŋ ñiŋ yiroo yelemata, a ye a suloolu tiliŋ wo sontiŋ doo maafaŋo la, ka bo wo kankaŋo kono, ì ye a fii daameŋ, a ye a buloolu fayi ka tiliŋ a la fo a si jiyo soto noo a bulu.