Esekiyeli 31:3 - Mandinka Bible

³ A fele, m be i misaali la le ko Libanooni sedari* yiroo meŋ buloolu niŋ a jamboolu ñiiñaata, ì ñukuñukuta ka dubeŋo dii sutoo kono, a suŋo jaŋayaata santo, fo a turoo be naa minaayoolu maa la.

Esekiyeli 31:3 ပူးပေါင်းရင်းမြစ်များ

Daniyeli 4:10

“Kabiriŋ m be laariŋ, m be siinoo la, ŋa yirisuŋo le je looriŋ duniyaa teema, meŋ turoo jaŋayaata.

Esekiyeli 17:22

Maarii Yaawe ye ñiŋ ne fo ko: “Nte faŋo le be sedari yiroo turoo kuntu la, ŋa a tutu. M be yiri soroŋ mereŋo le kuntu la a turu neŋo bala ŋa a tutu konko jaŋ baa kaŋ santo.

Kiitindirilaalu 9:15

“Ŋaniŋ suŋo ko yiroolu ye ko, ‘Niŋ a ye a tara ali lafita nte le toloo la ka ke ali la mansa ti, wo to ali naa ali faŋ karafa n dubeŋo koto. Niŋ wo nte, dimbaa si bo m bala, a ye Libanooni sedari* yiroolu bee mala!’

Jakariya 11:2

Junipa yiroolu, ali woosii, sedari yiroolu boyita, yiri kallankewolu tiñaata. Basani tundoo yiri baalu, ali woosii, wula dibiŋo yiroolu bee teyita le.

Sefaniya 2:13

Yaawe bulu be laa la maraa la maafankoolu kaŋ ne, a ye Asiriya kasaara, a ye Ninewe kenseŋyandi, a ye jee jandi ko keñewuloo*.

Daniyeli 4:12

A jamboolu be ñiiñaariŋ, a diŋolu be siyaariŋ, aduŋ niilamaa feŋolu bee ka domoroo soto a bala le. Daafeŋolu ka sabati a dubeŋo koto le, kunoolu ka ñaŋo ke a buloolu bala, aduŋ niilamaa feŋolu bee ka i baluu a la le.

Esekiyeli 31:16

M be kijafara baa le laa la bankoolu kaŋ, ka bo niŋ a boyi kaŋo la, niŋ ŋa a fayi duuma, ka taa laakira, aniŋ moo doolu mennu taata a ñaa kaburoo kono. Aduŋ Edeni naakoo kono yiri ñiimaalu bee, mennu mu Libanooni yiri betoolu ti, woyoo daala yiroolu bee, ì ye mennu jiiboŋ kendeke, a be ke la wolu ye jusu ñaburaŋo le ti, laakira jee.

Esekiyeli 31:6

Kunoolu mennu bee ka tii santo ka ì la ñaŋolu laa ate le kaŋ. Wulakono daafeŋolu bee ka wuluu a suŋo le koto, duniyaa banku moolu bee ka tara a dubeŋo le koto.

Yesaya 37:24

Sennakeribu ye a la dookuulaalu le kii ka nte Yaawe neŋ, aduŋ a ko, ‘N niŋ n na keleraŋ sareeti* jamaalu seleta konkoolu kaŋ santo le, ka taa fo Libanooni bankoo daŋo to. Ŋa jee sedari* yiri jaŋ baalu boyi le, aniŋ junipa yiri ñiimaa baalu. M futata a konkoolu daŋo ma le, ka taa a sutu yiriwaariŋolu kono.’

Jabuuroolu 92:12

Moo tilindiŋolu be yiriwaa la le komeŋ teŋ suŋo, ì ye faliŋ komeŋ Libanooni sedari* yiroolu.

Yeremiya 17:8

A maarii ka munta le ko, yiroo meŋ tututa woyoo daala, a ye a suloolu duŋ woyoo daala. A buka sila niŋ kandoo naata, aduŋ a jamboolu ka tu jambakereriŋ ne, a buka dewuŋ niŋ jaa keta saŋo meŋ na, aduŋ a buka i foño diŋo la.”

Yeremiya 50:18

Wo kamma la, Yaawe Alihawaa Maariyo*, Banisirayila la Alla ye ñiŋ ne fo ko: “M be Babiloni mansakewo niŋ a la bankoo jarabi la le, ko ŋa Asiriya mansakewo kuluu ñaameŋ.

Esekiyeli 19:11

A buloolu bambanta le ì ka ke noo mansa dokoo ti le faŋ. A suŋo jamfata fo a be naa saŋo maa la, a buloolu warata. A la jamfoo niŋ a yiribuloolu la siyaañaa, moo bee le ka a je noo.

Esekiyeli 31:5

Wo le ye a tinna a jaŋayaata ka tambi yiroolu bee la, wuloo kono. A buloolu ka wara le, ì ye jamfa. Jiyo meŋ be a suŋo koto le ka a biirendi wo ñaama.

Esekiyeli 31:8

Hani sedari yiroolu mennu be Alla la naakoo kono niŋ a te laa noo la. A niŋ junipa yiroolu buloolu faŋolu te laa noo la. Hani arimoni yiribuloolu faŋolu la ñiiñaa maŋ a sii. Yiri te Alla la naakoo kono a niŋ meŋ si muluŋ.

Esekiyeli 31:10

Maarii Yaawe ye ñiŋ ne fo ko: “A buloolu jaŋayaata le fo a be naa futa la minaayoolu ma. Wo le ye a tinna a ka kibiri, aniŋ a ka a faŋ wara.

Esekiyeli 31:17

Wolu mennu bee be a dubeŋo koto nuŋ aniŋ a deŋñoolu mennu be duniyaa kono, ì niŋ a taata ñoo la kaburoo kono le ka kafu wo doolu la mennu faata keloo kono.

Esekiyeli 32:22

“Asiriya be jee le, a niŋ a la kelediŋ kafoo la kaburoolu be a dandaŋo bee la, mennu faata a fee keloo kono.

Jakariya 11:1

Ite Libanooni bankoo, i la bundaalu yele, fo dimbaa si i la sedari* yiroolu jani.

Daniyeli 4:7

Bituŋ ì ye batuutaatiyolu, juubeerilaalu, lonnaalu, aniŋ kumfanuntewolu samba naŋ. Bituŋ ŋa n na siiboo fo ì ye, bari ì maŋ a fasari noo n ye.