Esekiyeli 30:5 - Mandinka Bible

⁵ “Kusinkoolu, Putinkoolu, Ludinkoolu, Araabuduunkoolu, Libiyankoolu, aniŋ n na laahidi banku moolu, ì niŋ Misirankoolu bee be faa la wo keloo le kono.”

Esekiyeli 30:5 ပူးပေါင်းရင်းမြစ်များ

Yeremiya 25:20

aniŋ sii ñaamiriŋolu mennu be sabatiriŋ ì kono, Usi bankoo fanaa mansoolu bee, ka taa Filisitini bankoo mansoolu bee, mennu be Asikeloni, Kaasa, Ekironi, aniŋ too meŋ tuta Asidodi,

Esekiyeli 27:10

“Perisiya, Ludi, aniŋ Puti kewolu le be i la kelediŋ kafoo kono, aduŋ itolu le mu i la kelejawaroolu ti. Ì la koteeroolu* niŋ ì la keleraŋ nee naafoolu ka tara dendiŋ i karoo bee le la. Wolu le ka i ñiiñandi.

Yeremiya 25:24

Araabuduu mansoolu bee fanaa, ka taa sii ñaamiriŋolu la mansoolu bee, mennu be siiriŋ keñewuloo* kono,

Yeremiya 50:37

Hawusaroo be naa a suwoolu kamma le, aniŋ a keleraŋ sareetoolu, aniŋ a la banku koteŋ kelediŋolu bee kamma, fo ì si lamfu ko musoolu! Hawusaroo be naa a naafuloolu bee kamma le, fo ì si ke ñapinkaŋ feŋolu ti!

Yeremiya 46:9

Acaa, suwoolu ye kirimbaasi! Keleraŋ sareetoolu ye saŋara bori! Kelejawaroolu ye taa ñaato: Kusi* aniŋ Puti kewolu, mennu ye ì la koteeroolu cafu, aniŋ Ludinkoolu mennu kalanta kala fayoo la.

Yeremiya 44:27

A juubee, m be ì koroosi kaŋ ka kasaaroo le naati ì kaŋ, a te ke la kuu betoo ti. Yahuuda moolu mennu bee be Misira, hawusaroo niŋ konkoo le be ì kasaara la, fo ì ye baŋ.

Yesaya 20:4

Asiriya mansa be Misirankoolu niŋ Kusinkoolu samba la mutoo kono le, dindiŋ, keebaa, ì bala kenseŋo niŋ ì siŋ kenseŋo, ì juwo ye tara banta. Wo be ke la Misira la maloo le ti.

Yesaya 18:1

Kooni, wo bankoo, meŋ na basakuluŋolu be tariyaariŋ, meŋ be Kusi* boloŋolu kankuŋ doo la,

Esekiyeli 38:5

Perisiya, Kusi*, niŋ Puti bankoolu fanaa be laariŋ i kaŋ ne, ì bee niŋ ì la koteeroolu niŋ ì la nee naafoolu.

Daniyeli 11:43

A be sanoo niŋ kodiforoo, aniŋ feŋ daa jawoolu bee taa la le, mennu be maaboriŋ Misira bankoo kaŋ. A be Libiya niŋ Kusi* bankoo fanaa muta la le.

2 Taarika 12:3

Mansa Sisaki naata, a niŋ a la kelediŋolu, keleraŋ sareeti* wuli kiliŋ keme fula, suutii wuli taŋ wooro, aniŋ sinna kelediŋolu, moo te mennu yaatee noo la, ka taa bula Libiya, Suki, aniŋ Kusi* kelediŋolu la.

Sefaniya 2:12

Alitolu Kusinkoolu* fanaa, Yaawe ye ñiŋ ne fo ko, “N na hawusaroo* le be ali faa la.”