Esekiyeli 30:18 - Mandinka Bible

¹⁸ Wo luŋo be ke la luŋ dibiriŋ ne ti Tapanesi saatewo kono, niŋ ŋa Misirankoolu la kaŋo niŋ ì semboo bee tiñaa ì bulu, ì ye mennu soto bankoo doolu kunto. I si a je, ì la faŋ waroo meŋ ye a tinna ì ka kibiri, si daŋ. A be ke la diboo waatoo le ti Misira bankoo kaŋ, aniŋ a wo moo toomaalu ye taa mutoo kono.

Esekiyeli 30:18 ပူးပေါင်းရင်းမြစ်များ

Esekiyeli 30:3

Yaawe la luŋo sutiyaata naŋ ne. A luŋo siita naŋ ne, a be ke la tooroo luŋo le ti. A be ke la diboo waatoo le ti. Wo le be ke la duniyaa bankoolu la kasaaroo luŋo ti.

Esekiyeli 29:15

Itolu le be ke la mansamarali banku ti meŋ semboo be dooyaa la bankoolu bee kono. Aduŋ ì nene te sembe soto la ka ì faŋ selendi banku doolu kaŋ kotenke. M be ì semboo talaa la le, i si a je, ì nene te banku doo mara la.

Yeremiya 2:16

Misirankoolu, mennu bota Memfisi, aniŋ Tapanesi saatewolu to, wolu ye ite Banisirayila kunkoloo teyi le.

Yesaya 10:27

Wo luŋo la, ì la dunoo be bo la ali sañoolu kaŋ ne, ì la yookoo* ye bo ali toŋo to. Yookoo be kati la le, kaatu a be a tara la le, ali nunkujawuta.

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

Yoweli 3:15

Tiloo niŋ karoo si dibi, looloolu ye i dahaa maloo la.

Esekiyeli 31:18

“Ñiŋ yiroo mu ite Firawoona niŋ i la jamaa moolu bee le ti. Yiri nene maŋ soto Edeni naakoo kono meŋ na horomoo warata ko ite. Bari i be boyi la le i ye faa, i ye taa bankoo koto duuma, i niŋ wo Alla lombaloolu be tara la laariŋ dulaa kiliŋ ne laakira, i niŋ moolu mennu foloo faata keloo kono i ñaa.” Maarii Yaawe le ye a fo.

Yeremiya 46:14

“Ali a fo Misira bankoo kaŋ, ka a kankulaa Mikidoli saatewo kono jee, ka a kankulaa Memfisi, aniŋ Tapanesi. Ali a fo ko, ‘Misira, wuli i ye loo kuuke ka i paree keloo la, kaatu hawusaroo be kasaaroo naati la i kaŋ karoo bee le la.’

Yesaya 19:1

Kiilaariyaa kumoo fele Misira la kuwo to. A juubee, Yaawe* tariyaatoo le ka naa Misira, a ka naa niŋ saŋ tawaloo le la. Misira jalaŋolu be jarajara la a ñaatiliŋo la le, Misirankoolu kijoo ye teyi.

Yesaya 14:25

M be Asiriya kelediŋ kafoo kasaara la n na bankoo kaŋ ne, ŋa ì doriŋ-doriŋ n na konkoolu kaŋ. Ì la yookoo* be bo la n na moolu toŋo to le, ì ye dunoo meŋ laa ì sañoolu kaŋ, fanaa ye bo.

Yesaya 14:11

I niŋ i la saña wulindoo taata kaburoo kono, i la kontiŋolu maakaŋolu deyita, tumboolu ye i muuri, cooraŋolu jurumita i koto.

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.

Yesaya 9:19

Yaawe Alihawaa Maariyo la kamfaa kaŋ, bankoo bee be jani la le, moolu ye ke dimbaa malaraŋo ti. Moo te yamfa la a baadiŋo ye,

Yesaya 9:4

Yookoo* meŋ ka ì mantoora, i ye a kati le, aniŋ dokoo meŋ be laariŋ ì sañoolu kaŋ. Ì mantooralaalu la busoo, i ye a kati le, ko i ye Midiyani la busoo kati nuŋ ñaameŋ.

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

3 Musa 26:13

Nte le mu Yaawe ali la Alla ti, meŋ ye ali bondi joŋyaa kono, Misirankoolu bulu, ŋa ali bondi naŋ ì la bankoo kaŋ. Ŋa ali la joŋyaa yookoo* kati le ka bo ali toŋo to, ŋa ali kuŋo wulindi, ka ali firiŋ.

2 Musa 10:15

Ì ye bankoo bee muuri le, fo a finta. Feŋ-wo-feŋ tuta jee, kabiriŋ samberoolu jiita, ì ye a bee le domo, aniŋ feŋ-wo-feŋ be kunkoolu to aniŋ diŋolu mennu be yiroolu bala. Hani feŋ jambakere kiliŋ ne maŋ tu yiroolu niŋ fiifeŋolu bala Misira bankoo bee kaŋ.

Yeremiya 27:2

Yaawe ye ñiŋ ne fo n ye ko: “Julukesoo niŋ dokoolu taa, ka yookoo* dadaa, i ye a ke i toŋo to.

Yeremiya 28:10

Wo to le Hananiya ye yookoo bondi nte Yeremiya toŋo to, a ye a katiŋ-katiŋ.

Yeremiya 28:13

n si taa a fo Hananiya ye ko, a ye babara yookoo kati le, bari Yaawe be nee yookoo le seyi la wo noo to.

Yeremiya 30:8

Yaawe Alihawaa Maariyo* ko: “Wo luŋo la, m be joŋyaa yookoo* kati la le ka bo ali toŋo to, ŋa ali la joŋyaa juloolu kuntu, ali te ke la luntaŋolu ye joŋolu ti kotenke.

Yeremiya 44:1

Yaawe* la kumoo naata nte Yeremiya kaŋ Yahuuda moolu bee la kuwo to mennu tarata siiriŋ Misira bankoo kaŋ. Ì tarata Mikidoli le, Tapanesi, aniŋ Memfisi saatewolu to, ka taa Patirosi tundoo kaŋ.

Niikuyaa Suukuwolu 2:1

Ayiwaalii! Maariyo la kamfaa kamma la, a ye tawali dibiriŋo le wanka Siyoni* moolu kunto. A ye Banisirayila darajoo jindi bankoo to le, ka bo naŋ saŋo santo. A ye Siyoni muta le ko, a siŋ looraŋo le mu nuŋ, bari saayiŋ a ye a hakiloo bo a kaŋ ne, a la kamfaa waatoo la.

Esekiyeli 30:23

M be Misirankoolu janjandi la duniyaa bankoolu bee le kaŋ, ì ye tara janjandiŋ bankoolu kaŋ taariŋ.

Esekiyeli 32:7

Niŋ ŋa i fintindi naŋ banta, m be saŋ fatoo bee muuri la le, looloolu bee ye dibi, ŋa tiloo muuri niŋ minaayoolu la, aduŋ karoo te mala la.

Esekiyeli 34:27

Yiroolu mennu be wuloo kono be diŋ betoolu diŋ na le. Bankoo be neemafeŋolu fintindi la ka siyaa, aduŋ n na moolu be tanka la ì la bankoo kaŋ ne. Ŋa yookoo* kati meŋ be laariŋ ì toŋolu kaŋ, aniŋ ŋa ì kanandi wo moolu bulu mennu ye ì joŋyandi. Wo to le ì be a loŋ na ko, nte le mu Yaawe ti, ì Maariyo.

Esekiyeli 38:9

Ite Kooki, i niŋ i kafuñoolu aniŋ i la kelediŋ kafu baa be taa la le ka kirimbaasi wo bankoo kaŋ, aniŋ ka ñapi ì kaŋ ko turubaadi baa, ka wo bankoo bee muuri komeŋ minaayoo.”