Esekiyeli 3:17 - Mandinka Bible

¹⁷ “Hadamadiŋo, ka bo saayiŋ na ŋa ite le tomboŋ ka i ke Banisirayilankoolu ye koroosirilaa ti, ka n na kumoolu lamoyi, ka ì sindi ì ma, aniŋ ka ì dandalaa.

Esekiyeli 3:17 ပူးပေါင်းရင်းမြစ်များ

Hiburunkoolu 13:17

Ali soŋ ali la ñaatonkoolu ma, ali ye ì la yaamaroolu muta. Ì be ali niyolu le kanta kaŋ badaa-badaa baluwo ye, aduŋ ì ñanta ì faŋolu kontibo la le Alla ñaatiliŋo la. Ali siloo dii ì la ka wo dookuwo ke seewoo kono, ali kana ì sunundi, kaatu wo te ali nafaa la.

Yesaya 62:6

Hee Yerusalaamu, ŋa saatee kantalaalu le londi i la tata sansaŋolu kaŋ santo. Suuto tili la ì te tara la deyiriŋ muumeeke duwaa la. Alitolu mennu ka duwaa daani Yaawe bulu, ali kana i foñondiŋ.

Yesaya 52:8

Ali i lamoyi! Fo ali maŋ ali la kantarilaalu kaŋo moyi baŋ? Ì ye ì kaŋo sikandi santo le, ì ye suukuwo laa ñoo la seewoo kono, ì be a je la ì faŋo ñaakesoo le la, Yaawe be muruŋ kaŋ Siyoni.

2 Taarika 19:10

Niŋ ali mooñoo kiitindirilaalu mennu be sabatiriŋ saatee doolu to, ye kiitii kuwolu landi ali ñaa koto ka ì maakoyi, mennu be dendiŋ moofaa la, fitinoo, Alla la yaamaroo, aniŋ a la luwaa koteŋolu, ali si ì dandalaa ì kana boyidaa soto. I si a je Yaawe la kamfaa te jii la ali niŋ ì kaŋ. Niŋ ali ye ì dandalaa, ali te boyidaa soto la.

Kolosankoolu 1:28

Ntolu ka ate le la kuwo bankee ka moo-wo-moo dandalaa, aniŋ ka moo-wo-moo karandi ñaameŋo bee la, fo ǹ si moo-wo-moo yitandi ko, ì menta Kiristu kono le.

Yeremiya 6:17

Ŋa kantarilaalu le bula ali kunna, n ko, ì si i lamoyi binoo kumakaŋo la, bari ì ko ì te wo ke la.

1 Tesalonikankoolu 5:14

Baadiŋolu, m̀ be ali wakiilindi la, ali si moolu dandalaa, mennu maŋ lafi dookuwo la. Ali jooteentuŋolu wakiilindi, ali ye moolu maakoyi mennu lamfuta, aduŋ ali si ke muñalaa ti moolu bee ye.

2 Korintinkoolu 5:20

Wo to ntolu mu Kiristu la kiilaalu* le ti, aduŋ Alla ka a la kumandiroo ke ka bo niŋ ntolu le la. Ǹ ka ali daani Kiristu tooyaa la ka soŋ, ali niŋ Alla ye diyaa.

2 Korintinkoolu 5:11

Baawo ŋà Maariyo ñaasilaŋo loŋ ne, wo le ye a tinna ǹ ka a kata ka moolu sondi ate ma. Ntolu mu mennu ti, wo koyita Alla ma le, aduŋ n jikita ko, alitolu fanaa ye wo loŋ koyirinke ali sondomoolu kono le.

1 Korintinkoolu 4:14

Kumoolu m be mennu safee kaŋ ali ye, ì daliiloo maŋ ke ka ali malundi, bari n lafita le ka ali dandalaa ko n na dindiŋolu, ŋa mennu kanu.

Habakuki 2:1

M be sele la n na kantari dulaa le to, ŋa tara kantaroo la jee. M be tara la batundiroo le la, ka a je Yaawe* be naa meŋ jaabi la, n na woosii diyaamoo kuwo to.

Yesaya 58:1

Yaawe* ko: “Sari kendeke, kana i kaŋo jii. I kaŋo sikandi santo i ye sari ko bina kumakaŋo. N na moolu la balaŋo kankulaa ì ye, i ye Yaakuba koomalankoolu la junube kuwolu koyindi ì ma.

Yesaya 56:10

Banisirayila la ñaatonkoolu finkita le, ì bee maŋ londi soto, ì keta wulu mumunewolu ti, ì buka hawuroo ke noo. Ì ka tu laariŋ ne doroŋ aniŋ ka siiboo, siinoo diyaata ì ye le.

1 Korintinkoolu 12:28

Alla ye kiilaalu* le foloo tomboŋ Yeesu la kafoo kono, fulanjaŋo kiilaariyaa kumafolaalu, sabanjaŋo karandirilaalu, wo koolaa moolu mennu ka kaawakuwolu ke, moolu mennu ka kendeyandiroo ke, maakoyirilaalu, maralilaalu, ì niŋ mennu ka diyaamu kaŋ koteŋolu la.

Yeremiya 6:10

N si diyaamu noo jumaa le ye ka a dandalaa? Jumaa le be i lamoyi la n na? Ì tuloolu sukita le, ì te i moyi noo la. Ì ka jutu Yaawe la kumoo la le, a buka ì kontaani.

Yesaya 21:6

Bituŋ Maariyo ko n ye ko: “Taa koroosirilaa ke jee, a ye a fo i ye, a ye meŋ je.

Yeremiya 31:6

Luŋo be naa le kantarilaalu be lenkaroo ke la Efurayimu* konkoolu kaŋ ko, ‘Ali wuli, ŋà taa Siyoni* Konkoo kaŋ, Yaawe, ǹ na Alla yaa.’ ”

Yesaya 21:8

Koroosirilaa sarita, “M maariyo, suuto tili n ka loo kantari buŋo santo le. N ka sabati n na kantari dulaa to le.

Suukuwo 5:7

N niŋ saatee kantalaalu benta, biriŋ ì be saatee muruŋ-muruŋo la, ì ye n lipa fo ì ye m barama. Ñiŋ saatee tata kantalaalu, ì ye n na bitiraŋ faanoo wafu n na, ì ye a samba.

Suukuwo 3:3

N niŋ saatee kantalaalu benta, biriŋ ì be saatee muruŋ-muruŋo la, ŋa ì ñininkaa ko, “Ali maŋ n kanuntewo je n ye baŋ?”

Matiyu 3:7

Bari kabiriŋ a ye Farisewolu* niŋ Sadusewolu* jamaalu je, ì ka naa batisewo* la, a ko ì ye ko, “Alitolu daŋari koorewo, jumaa le ye ali dandalaa ka bori kamfaa ma, meŋ ka naa?

Esekiyeli 2:7

I si n na kumakaŋo fo ì ye. A si ke noo ì ye i lamoyi i la, waraŋ ì te soŋ na ka i lamoyi i la. Kaatu ì mu moo muritiriŋolu le ti.

Esekiyeli 11:4

Wo kamma la, hadamadiŋo, kiilaariyaa kumoo fo ì ma, ka ì jalayi.”

Esekiyeli 11:25

Bituŋ Yaawe ye kuwolu mennu bee yitandi n na jeroo kono, ŋa ì bee saata wo mutamoolu ye jee.

Hakayi 1:13

Hakayi ye Yaawe la kumoo futandi moolu ma le, ka a fo ì ye ko, “Yaawe le ye ñiŋ fo ko, a be tara la ali fee le.”

Yeremiya 1:7

Bari Yaawe ko n ye le ko, “Kana a fo ko i mu dindiŋo le ti. Taa ŋa i kii mennu bee kaŋ, aduŋ ŋa i yaamari ka feŋ-wo-feŋ fo, i si a fo ì ye.