Esekiyeli 3:15 - Mandinka Bible

¹⁵ N taata mutamoolu yaa Teli-Abibu saatewo to Kebari Boloŋo daala. Bituŋ n sabatita ì fee jee fo tili woorowula, n niŋ jaakaloo.

Esekiyeli 3:15 ပူးပေါင်းရင်းမြစ်များ

1 Musa 50:10

Kabiriŋ ì futata Koreni-Atadi, meŋ be Yoridani tilibo kara maafaŋo la, ì ye saŋawoosii baa le ke jee. Yusufa ye a faamaa la kuwo woosii jee le fo tili woorowula.

Yuuba 2:13

Ì siita a fee bankoo to jee fo tili woorowula, aniŋ suuto woorowula, moo maŋ hani kuma fo a ye, kaatu ì ye a je le ko, bataa kuwo meŋ be a kaŋ, wo semboo warata baake le.

Jabuuroolu 137:1

Babiloni baa jenjeŋolu la, ǹ siita duuma jee le ka kumboo, biriŋ ǹ hakiloo taata Siyoni* kaŋ.

Yeremiya 23:9

Ŋa ñiŋ ne fo faniyaa annabiyomoolu la kuwo to ko: N sondomoo toorata le, hani fo n kuloolu bee baabaata. N ka munta le siiratoo, ko doloo ye moo meŋ siira, Yaawe la kuwo kamma, a la kuma jankuriŋo kamma la.

Esekiyeli 1:1

Sanji taŋ sabanjaŋo, kari naaninjaŋo tili luulunjaŋo la, wo ye a tara nte Esekiyeli be mutamoolu le kono, mennu be sabatiriŋ nuŋ Kebari Boloŋo daala, Babiloni bankoo kaŋ. A fele, saŋo daa yeleta n ye, Alla ye n jerindi feŋolu la.

Esekiyeli 1:3

Wo luŋo la le, Yaawe* la kumoo naata nte Piriisi* Esekiyeli kaŋ, Busi dinkewo, Kebari Boloŋo daala, Babiloni bankoo kaŋ. Yaawe la semboo jiita n kaŋ jee le to.

Esekiyeli 10:15

Kerubu malaayikoolu wututa ka taa. Itolu le mu daafeŋ baluuriŋolu ti, ŋa mennu je nuŋ Kebari Boloŋo daala.

Esekiyeli 3:23

Bituŋ n naata wuli, n taata wo kene fanuŋo to. Ŋa Yaawe la kallankeeyaa* je jee, a be malamala kaŋ, ko ŋa a je nuŋ ñaameŋ, Kebari Boloŋo daala. Bituŋ ŋa m fayi bankoo to, m bitita n ñaadaa kaŋ.

Esekiyeli 43:3

Ŋa jeroo meŋ je teŋ ka munta le ko ŋa meŋ je nuŋ, kabiriŋ Yaawe naata ka Yerusalaamu kasaara. A ka munta le ko ŋa meŋ je nuŋ, kabiriŋ m be Kebari Boloŋo daala. Bituŋ ŋa m fayi bankoo to, m bitita n ñaadaa kaŋ.

Habakuki 3:16

Kabiriŋ ŋa ñiŋ moyi, n kija le bota. N daaturoolu ka fadi ñoo la, maakaŋo ñiŋ kamma la. M baloo bee le lamfuta, n siŋolu faata n koto. Bari hani wo, m be muñariŋ ne ka luŋo batu, luŋo meŋ, maasiiboo be boyi la moolu kaŋ, mennu ñapita ǹ kaŋ.