Esekiyeli 28:5 - Mandinka Bible

⁵ Ka bo niŋ i la ñaameŋ baa la, julayaa to, i ye i la fankoo lafaa le ka wara. I naata ke kibiri moo niŋ faŋ wara moo ti, i la fankoo kaŋ.”

Esekiyeli 28:5 ပူးပေါင်းရင်းမြစ်များ

Jabuuroolu 62:10

Ali kana jiki nakaroo la, waraŋ ka faŋ waroo ke suuñaari feŋo kaŋ. Ali la naafuloolu si lafaa ñaa-wo-ñaa, ali kana jiki ì la.

Jabuuroolu 52:7

“A juubee, kewo fele meŋ maŋ soŋ ka tankoo ñini Alla bulu, bari a jikita a la naafuloo la siyaa le la, ka fankoo ñini kuruŋyaa kono.”

Hoseya 13:6

Ŋa ali daañini fo ali konoo faata. Ali konoo faata doroŋ, ali ye ali faŋ wara, bituŋ ali ñinata n na.

Esekiyeli 28:2

“Hadamadiŋo, a fo Tire maralilaa ye, Maarii Yaawe ye ñiŋ ne fo a la kuwo to ko: I ye sondome waroo le soto, i ka tintiŋ meŋ na, i ka a fo le ko, ite mu alla le ti. I ko, i be siiriŋ alloolu la siiraŋo le kaŋ, baa teema. Bari i maŋ ke alla ti, hadamadiŋo doroŋ ne mu i ti, hani niŋ a ye a tara ite ye a miira ko, i ñaamenta le ko alla.

Kuma Kotoomaalu 11:28

Moo-wo-moo ye a jikoo loo a la naafuloo kaŋ, a be kasaara la le, bari moo tilindiŋolu be firiŋ na le ko teŋ firoo.

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

Roomankoolu 12:16

Ali ke ŋaniya kiliŋ ti ñoo ye. Ali kana faŋ waroo soto, bari ali niŋ moolu si kafuñooyaa mennu maŋ ì faŋ siyaa moo ti. Ali kana a miira ko, alitolu le ñaamenta.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Yesaya 5:21

Kooroo be wo moolu ye, mennu ñaamenta ì faŋ fee, ì hakiloo diyaata ì faŋ fee.

Kuma Kotoomaalu 26:12

Fo i ye moo je le, meŋ ye a miira ko, a ñaamenta le? Jiki jamaa be tara la toolewo le ye, bari ate nte.

Jakariya 9:3

Tire ye tatoo loo ka a faŋ sansaŋ, a ye kodiforoo jurumi ñoo kaŋ ko bankumunkoo sanoo, ko mbeedi kaŋ buutoo.

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Esekiyeli 16:49

Saayiŋ i doomaa Sodomu la junube kuwo keta nuŋ ñiŋ ne ti, a niŋ a dimmusoolu ye ì faŋ wara le, ì konoo faata, ì baloo fanaa firinta. Ì buka fuwaaroolu maakoyi, aniŋ mennu suulata deemaaroo la.

Yesaya 23:8

Jumaa le ye ñiŋ feere Tire kamma, saatewo meŋ ka mansoolu toloo? A la safaarilaalu mu mansariŋolu le ti, a la juloolu keta buuñaa moolu ti duniyaa kono.

Yesaya 23:3

Ka siimaŋo naati niŋ kuluŋo la ka bo Sihori, aniŋ katirifeŋo meŋ ka bo Nayili Boloŋo to, wo ye ali ke jula baa le ti duniyaa daa-wo-daa.

Kuma Kotoomaalu 30:9

Niŋ wo nte, a si siyaa m bulu noo le, ŋa ñina i la kuwo la, ŋa a fo ko, “Jumaa le mu Yaawe* ti?” Waraŋ n si ke noo fuwaaroo ti le, ŋa suuñaaroo ke, aduŋ n te n na Alla too horoma la.

2 Taarika 25:19

I ka ñiŋ ne fo ko, ‘A fele, ŋa Edomu bankoo noo keloo to le.’ Bituŋ i sondomoo kufanta. I si daŋ i yaa. Muŋ ne be i duŋ na kooroo ñiniŋo to ka i faŋ kasaara, i niŋ Yahuuda bankoo bee?”

Yeremiya 49:4

Muŋ ne ka i kibirindi i la wulumbaŋolu la, i la wulumbaŋ yiriwaariŋolu, ite diŋ muritiriŋo meŋ jikita i la naafuloo la, ka a fo ko, ‘Jumaa le si naa nte kele?’

5 Musa 8:17

Wo to, ali ali hakiloo tu, ali kana ñiŋ miira ka a fo ko, “Ǹ na katoo niŋ m̀ birisoo le ye ñiŋ sotofeŋolu sii m̀ ma.”

2 Mansoolu 14:10

Tooñaa le mu, i ye Edomu bankoo noo keloo la le, aduŋ i kufanta. I si daŋ i yaa, i ye i la nooroo ŋaañaa. Muŋ ne be i duŋ na kooroo ñiniŋo to ka i faŋ kasaara, i niŋ Yahuuda bankoo bee?”

Jabuuroolu 62:11

Alla diyaamuta seneyaarinke le. Ŋa ñiŋ ne moyi n tulu fuloo la ko, semboo mu ite Alla le taa ti,

Esekiyeli 28:17

I naata i faŋ wara baake i la ñiiñaa kaŋ. I la ñaameŋo bee keta i ye kenseŋ ne ti i la sembe waroo kaŋ. Wo to le ŋa i fayi naŋ duuma. Ŋa i tu wo mansoolu ñaatiliŋo la, fo i si ke ì ye felefeŋo ti.

Daniyeli 11:12

Niŋ a ye ñiŋ kelediŋ kafu jamaa baa noo fokabaŋ, a be a faŋ wara la le, ñiŋ kamma la a ye kelediŋ wuliwuloolu mennu faa, bari a la nooroo te labaŋ na.