Esekiyeli 28:4 - Mandinka Bible

⁴ Ka bo i la ñaameŋo niŋ fahaamuroo la, i naata fankamaayaa. I ye sanoo niŋ kodiforoo kafu ñoo ma, ka ì ke i la maaboridulaa to.

Esekiyeli 28:4 ပူးပေါင်းရင်းမြစ်များ

Kuma Kotoomaalu 18:11

Fankamaalu fee, ì la naafuloo mu saatee bambandiŋo le ti, aduŋ ì ye a miira le ko, a ka muluŋ sansaŋ jaŋo le la.

Habakuki 1:16

Ì ye sadaalu* bo ì la jaloolu ye. Ì ye seera feŋ diimaalu siisindi ì ye, ko wolu le ka a tinna ì ka mutaroo ke kendeke, aniŋ ka domori kendoo soto.

Esekiyeli 29:3

A fo ì ye, Maarii Yaawe ye ñiŋ ne fo ko: Firawoona, m buloo be laa la i kaŋ ne, ite Misira mansa, ite meŋ mu bamba baa ti, meŋ ka tara laariŋ Nayili Boloŋo kono. I ka a fo le ko, ñiŋ Nayili Boloŋo mu ite le taa ti, aduŋ i ye a dadaa i faŋo le ye.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Yesaya 10:13

Kaatu mansa ko le ko: “Ŋa a ke m bulu sembemaa le la, aniŋ ka bo n na ñaameŋo la, kaatu ŋa fahaamuroo soto le. Ŋa bankoolu la naanewolu bondi le, ŋa ì la naafuloolu kasaara. N keta le ko tuuraa saŋarariŋo, ŋa ì la mansoolu bee dimbaa faa.

Yeremiya 49:4

Muŋ ne ka i kibirindi i la wulumbaŋolu la, i la wulumbaŋ yiriwaariŋolu, ite diŋ muritiriŋo meŋ jikita i la naafuloo la, ka a fo ko, ‘Jumaa le si naa nte kele?’

Esekiyeli 27:33

I ye i la marisandiisoolu kii duniyaa bankoolu bee kaŋ ne nuŋ, aduŋ i ka moo jamaa le balundi niŋ i la fanka baa la. Ka bo niŋ i la wo fanka baa la, aniŋ i la marisandiisoolu la, i ka duniyaa mansakee jamaa le fankamaayandi.

Daniyeli 5:11

Kewo doo be i la mansamarali bankoo kaŋ jaŋ ne, alloolu la nooroo be meŋ kono. I faamaa la mansayaa waatoo la, ñiŋ kewo ye londoo le yitandi, hakilidiyaa, aniŋ ñaameŋo meŋ be ko alloolu la ñaameŋo. Aduŋ i faamaa, Mansa Nebukanesa ye ate le tomboŋ ka a ke batuutaatiyolu la kuntiyo ti, juubeerilaalu, lonnaalu, aniŋ kumfanuntewolu.