Esekiyeli 27:31 - Mandinka Bible

³¹ Ì ye ì kuŋolu nunku, ì ye booto funtoolu duŋ, i la kuwo kamma. Ì kumboota i kunna baake le niŋ niikuyaa baa la.

Esekiyeli 27:31 ပူးပေါင်းရင်းမြစ်များ

Esekiyeli 7:18

Ì be booto funtoolu le duŋ na ka ì la niikuyaa yitandi, kijafara baa le be duŋ na ì la. Malu kuwo le be moo bee ñaadaa muuri la, ì be ì kuŋolu nunku la maloo kamma le.

Yesaya 22:12

Yaawe Alihawaa Maariyo be lafi la le, ali ye woosii ka kumboo wo luŋo la kuwo la, ali ye ali kuŋo lii ka booto funtoo duŋ, ka ali la niikuyaa yitandi.

Yesaya 16:9

Bituŋ n niŋ Yaserinkoolu kumboota ñoo la, n kumboota Sibuma wayini yirisuŋo le ye. Hee Hesiboni, hee Eleyale, ali la kuwo le ye n ñaajiyo siyandi. Kabiriŋ ali la yiridiŋo menta, aniŋ ali la katirifeŋolu siita, kele maakaŋo warata.

Yesaya 15:2

Diboninkoolu taata ì la batudulaa to le, ì la batudulaa tintiŋolu* to ka woosii, Mowabinkoolu lembata Nebo niŋ Medeba la kuwo la. Ì ye ì kuŋolu bee nunku le, ì ye ì booraalu bee lii niikuyaa kamma.

Yesaya 22:4

Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Mika 1:16

Yahuuda moolu, ali ali kuŋolu lii sunoo kamma la, ì ye nunku ko duwoo, ali kanudiŋolu la kuwo kamma. Kaatu ì be bo la ali bala le, ì ye tara mutoo kono.

Mika 1:8

Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Amosi 8:10

N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”

Yeremiya 48:37

Ì bee ye ì kuŋo nunku le, ì ye ì booraa lii, ì ye ì buloolu bala bee nama, ì ye booto funtoolu duŋ ka ì la niikuyaa yitandi.

Yeremiya 47:5

Kuŋ nunkoo siita Kaasa ma le, ka ì la niikuyaa yitandi, Asikeloni taata deyoo kono yem. Alitolu Anaki koomalankoolu, ali be tu la faŋ bala namoo la fo muŋ tuma?

Yeremiya 16:6

Moo baa moondiŋ, ì bee le be faa la ñiŋ bankoo kaŋ jaŋ. Moo te soto la ka ì baadee waraŋ ka ì la saŋo kumboo, sako moo si a faŋ nama waraŋ ka a kuŋo lii ì la kuwo sunoo kamma la.

5 Musa 14:1

Musa ko Banisirayilankoolu ye ko: Alitolu mu Yaawe* ali la Alla la dindiŋolu le ti, wo to niŋ ali be saŋakumboo la, ali kana ali faŋ nama waraŋ ka ali fondaalu lii.

3 Musa 21:5

Piriisoolu kana ì kuŋ kara kiliŋo lii, waraŋ ka ì booraa dandaŋo mesu, waraŋ ka ì faŋ baloo ñenje, ka a yitandi ko ì be saŋakumboo le la.

Yesaya 3:24

Sunkaŋo le be seeroo la palaasoo taa la, teesitiraŋ ñiimaa be yelema la julu kotoo le ti, kuŋ ñarandoo ye yelema kuŋ nunkoo ti, paree ñiimaa ye yelema booto funtu duŋo ti, muluŋ ñiimaa si yelema maloo ti.

Esekiyeli 29:18

“Hadamadiŋo, Babiloni mansakewo Nebukanesa wulita Tire saatee baa le kamma. A ye a la kelediŋolu diyaakuyaatoo ñundi kelejooraŋ kuliŋolu le la fo ì kuŋolu niŋ ì dabakunkuŋolu bee buusita. Bari hani wo, ì maŋ Tire saatewo muta noo.”

Yunusa 3:6

Kabiriŋ Ninewe mansa ye ñiŋ kiilaariyaa moyi, a wulita a la mansasiiraŋo kaŋ, a ye a la mansa dendikoo bondi a ye booto funtoo siti, a siita seebuutoo kono ka a la tuuboo yitandi.

Yoweli 1:13

Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.