Esekiyeli 27:30 - Mandinka Bible

³⁰ Ì kumboota le ka lemba i kunna. Ì ye i la kuwo kumboo baake le. Ì ye bankumunkoo sari ì kuŋolu to aniŋ ka i bidibidi sewo kono.

Esekiyeli 27:30 ပူးပေါင်းရင်းမြစ်များ

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Niikuyaa Suukuwolu 2:10

Kooroo keta, Siyoni saatewo alifaalu siita bankoo le to deyoo kono, ka buutoo fayi ì kuŋolu kaŋ, ì ye booto funtoolu duŋ niikuyaa kamma. Yerusalaamu sunkutoolu ñoyita, ì ye ì foŋo loo bankoo to.

2 Samuweli 1:2

Tili sabanjaŋo luŋo la, kewo doo bota naŋ Sawulu la kelediŋolu la daakaa to. A ye a la dendikoo fara, aduŋ a ye bankumunkoo ke a kuŋo to, ka a la sunoo yitandi. Kabiriŋ a futata Dawuda yaa, a ñoyita a ye.

Yunusa 3:6

Kabiriŋ Ninewe mansa ye ñiŋ kiilaariyaa moyi, a wulita a la mansasiiraŋo kaŋ, a ye a la mansa dendikoo bondi a ye booto funtoo siti, a siita seebuutoo kono ka a la tuuboo yitandi.

Esekiyeli 26:17

Moolu be niikuyaa denkiloo le laa la i ye. Ì be a fo la i ye le ko: Tire, ite saatee too boriŋ baa le kasaarata teŋ baakono dookuulaalu be sabatiriŋ daameŋ to. Ite meŋ semboo warata baa kono, i niŋ i siilaalu, i dandanna moolu bee silata i la le nuŋ.

1 Samuweli 4:12

Wo luŋ kiliŋo Benjamini kee kiliŋ borita naŋ ka bo kele wuloo kono, a taata Silo saatewo to. A la dendikoolu be farariŋ, aduŋ kankaŋo tarata a kuŋo to ka a la sunoo yitandi.

Mika 1:10

Ali kana a kuwo fo Kati, ali kana a kuwo kumboo jee muumeeke. Alitolu Beti-Ofurankoolu, ali birimintiŋ buutoo kono, ka ali la niikuyaa yitandi.

Yeremiya 25:34

Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.

Yuuba 42:6

Wo kamma la, m maluta baake m fokumoo la le. M be m boyi la buutoo kono le, aniŋ seebuutoo ka tuubiseyi.”

Yuuba 2:12

Kabiriŋ ì ye a hayinaŋ, ì maŋ lafi la a suutee noo la. Bituŋ ì kumboota ka lemba. Ì ye ì la duŋ feŋolu fara niikuyaa kamma la ka buutoo sari ì kuŋolu kaŋ.

Yuuba 2:8

Yuuba ye fenkeŋ teleŋo taa, a siita seebuutoo kono, ka a faŋ suusaa.