Esekiyeli 27:2 - Mandinka Bible

² “Saayiŋ, ite hadamadiŋo, niikuyaa kumoo fo Tire saatewo ma,

Esekiyeli 27:2 ပူးပေါင်းရင်းမြစ်များ

Esekiyeli 28:12

“Hadamadiŋo, niikuyaa kumoo fo Tire mansakewo ma, i ye a fo a ye, Maarii Yaawe ye ñiŋ ne fo ko: Ite le mu nuŋ moo timmariŋolu bee misaaloo ti, meŋ be faariŋ niŋ ñaameŋo la. I la ñiiñaa maŋ ñoŋo soto.

Esekiyeli 19:1

Yaawe* ko n ye ko, “Ite hadamadiŋo, niikuyaa suukuwo laa Banisirayila maralilaa ye,

Yeremiya 9:10

M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.

Amosi 5:16

Yaawe Alihawaa Maariyo ye ñiŋ ne fo ko: “Jamaa bendulaa daa-wo-daa, lemboo le be tara la jee. Mbeedi-wo-mbeedi kaŋ, saŋakumboo le be tara la jee. Hani samaadoolaalu, ì si ì kili ka naa saŋakumboo la, aniŋ saŋawoosiilaa baalu ka lemba.

Amosi 5:1

Ali ñiŋ kumakaŋo moyi, alitolu Banisirayilankoolu, m be meŋ woosii la teŋ ali la kuwo to,

Esekiyeli 32:2

Ite hadamadiŋo, niikuyaa kumoo fo Misira mansakewo Firawoona ye ko: “Ite ye i faŋ ke jatoo le ti duniyaa bankoolu bee kono, bari i ka muluŋ ne ko bamba baa meŋ be baa kono. I ka punsaŋ i la baa kono ka jiyo bee duundi niŋ i siŋo la.”

Esekiyeli 27:32

Ì naata niikuyaa kumoo fo i ma. Ì ye niikuyaa kumoo fo i kunna teŋ ne ko, ‘Jumaa le ka munta ko Tire, saatewo meŋ yeemanta baa kono yem?

Esekiyeli 26:17

Moolu be niikuyaa denkiloo le laa la i ye. Ì be a fo la i ye le ko: Tire, ite saatee too boriŋ baa le kasaarata teŋ baakono dookuulaalu be sabatiriŋ daameŋ to. Ite meŋ semboo warata baa kono, i niŋ i siilaalu, i dandanna moolu bee silata i la le nuŋ.

Yeremiya 7:20

“Wo kamma la, nte Yaawe Alla ye ñiŋ ne fo ko: A juubee, m be n na kamfaa niŋ jusukandoo jindi la ñiŋ batudulaa kaŋ ne, ka taa moolu niŋ beeyaŋolu kaŋ, yiroolu, aniŋ senebankoo fiifeŋolu. A dimbaamaa le be mala la, aduŋ moo te a faa noo la.”

Esekiyeli 27:1

Yaawe* la kumoo naata n kaŋ ko:

Yeremiya 9:16

M be ì janjandi la banku koteŋolu kaŋ ne taariŋ, itolu niŋ ì mumuñolu nene maŋ mennu loŋ. M be keloo le naati la ì kaŋ niŋ hawusaroo* la, fo ŋa ì baŋ kasaara la.”