Esekiyeli 27:19 - Mandinka Bible

¹⁹ “I niŋ Dani lasili moolu niŋ Yawaninkoolu mennu bota Wusali ka julayaa ke le. Ì ka nee tunkandiŋolu, sinnamoni fata seera diimaa, aniŋ kalamusi tuloo, faliŋ niŋ i la marisandiisoolu le la.

Esekiyeli 27:19 ပူးပေါင်းရင်းမြစ်များ

Jabuuroolu 45:8

I la dendika baalu bee seerandita niŋ seerandi feŋolu le la. Kontiŋ kosilaalu ka i seewondi mansabuŋolu le kono, mennu kono ñarandita niŋ samañiŋolu la.

Kiitindirilaalu 18:29

Ì ye jee toolaa ì la alifaa foloo doo le la, meŋ too mu Dani ti, meŋ mu Yaakuba dinkewo ti. Dani saatewo too foloo mu Layisa le ti.

Esekiyeli 27:12

“Ite Tire, i niŋ Tarisinkoolu ka julayaa ke le, kaatu i fankabaata le. Ì ka kodiforoo, newo, fuyuŋo aniŋ kurudoo faliŋ niŋ i la marisandiisoolu le la.

Esekiyeli 27:13

“I niŋ Yawaninkoolu, Tubalinkoolu, aniŋ Mesekinkoolu ka julayaa le ke. Ì ka joŋolu niŋ jaawaloolu faliŋ i la marisandiisoolu la.

Esekiyeli 27:18

“I niŋ Damasikunkoolu ka waafiroo ke le, kaatu i ye marisandiisi siifaa jamaa le soto, aduŋ i fankabaata le. Ì ka Heliboni doloo aniŋ Sahari tundoo saajiitii bayi koyoolu samba naŋ i ye le ka ì faliŋ niŋ i la marisandiisoolu la.

Esekiyeli 27:20

“I niŋ Dedaninkoolu ka julayaa ke le. Ì ka kirikee faanoolu waafi i ma le.

Kuma Kotoomaalu 7:17

Ŋa n na laaraŋo seerandi niŋ miiri* munkoo la, alowe munkoo, aniŋ sinnamoni munkoo.