Esekiyeli 27:12 - Mandinka Bible

¹² “Ite Tire, i niŋ Tarisinkoolu ka julayaa ke le, kaatu i fankabaata le. Ì ka kodiforoo, newo, fuyuŋo aniŋ kurudoo faliŋ niŋ i la marisandiisoolu le la.

Esekiyeli 27:12 ပူးပေါင်းရင်းမြစ်များ

Esekiyeli 38:13

Sebankoolu niŋ Dedaninkoolu niŋ juloolu mennu be Tarisi aniŋ a saateeriŋolu bee to, be a fo la ite Kooki ye le ko, ‘Fo i naata le ka tiñaaroo ke baŋ? Fo i ye i la ñiŋ kelediŋ kafu baa bendi ñoo kaŋ ne ka naa ñapi i jawoolu kaŋ, ka ì la feŋolu buusi ì la? Fo i be ì la sanoo niŋ kodiforoo taa la le, ka ì la beeyaŋolu niŋ ì la sotofeŋolu bee buusi ì la?’

Yesaya 23:10

Alitolu Tarisinkoolu, ali taa ali la bankoo sene ko Nayili Boloŋo to senelaalu. Tendaa te ali bulu kotenke.

1 Mansoolu 10:22

A ye safaari kuluŋolu le soto nuŋ baa to, aniŋ Hiramu la kuluŋolu kafuriŋo. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

1 Musa 10:4

Yawani dinkewolu, wolu le mu: Elisa, Tarisi, Kitimu aniŋ Rodanimu.

Yunusa 1:3

Yunusa wulita, a maŋ taa, bari a borita Yaawe ma, a ye a kuŋo tiliŋ Tarisi saatewo to. A taata fo Yopa, daameŋ a ye kuluŋo tara jee, meŋ ka taa Tarisi. Kabiriŋ a ye paasoo joo, a bulata kuluŋo kono ka taa Tarisi, fo a si bori noo Yaawe ma.

Esekiyeli 27:18

“I niŋ Damasikunkoolu ka waafiroo ke le, kaatu i ye marisandiisi siifaa jamaa le soto, aduŋ i fankabaata le. Ì ka Heliboni doloo aniŋ Sahari tundoo saajiitii bayi koyoolu samba naŋ i ye le ka ì faliŋ niŋ i la marisandiisoolu la.

Esekiyeli 27:16

“Edomunkoolu fanaa ka waafiroo ke i yaa le, kaatu i ye marisandiisi siifaa jamaa le soto. I ka ñarandiri feŋolu, borodeelu, soobayi faani ñiimaalu, aniŋ bere ñiimaalu, mennu mu kuloori siifaa jamaa ti, faliŋ niŋ i la marisandiisoolu la le.

Yeremiya 10:9

Ì ka kodiforo tunkandiŋo le bondi naŋ Tarisi, ì ye sanoo bondi naŋ Ufasi. Bulukalaŋ dookuulaa le ye ì dookuu, sani tunkannaa la bululadookuwo. Ì ka duŋ feŋolu le duŋ ì la, bayi daa jawu kuloori ñiimaalu, wolu bee mu dookuunoolaalu la bululadookuwo le ti.

Yesaya 60:9

Safaari kuluŋolu le mu, ì be naa la le ka i la moolu seyindi naŋ. Ì niŋ ì la sanoo niŋ kodiforoo le be naa, aduŋ wo be horoma baa le naati la nte i Maarii Yaawe ye, Banisirayila la Senuŋ Baa, kaatu ŋa i fandi niŋ horomoo le la. Tooñaa-tooñaa, banku jamfariŋolu ka nte le juubee.

Yesaya 23:14

Hee Tarisi kulunkononkoolu, ali lemba, kaatu ali la saatee tatariŋo kasaarata le.

Yesaya 23:6

Alitolu baadaa borindoo siilaalu, ali woosiitoo ye teyi ka taa Tarisi.

Yesaya 2:16

A be safaari kuluŋolu tunendi la le, aniŋ kuluŋ ñiimaalu bee.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

1 Mansoolu 22:48

Yehosafati ye safaari kuluŋ sapoolu dadaa le mennu ñanta taa la Ofiri ka sanoo ñini, bari ì nene maŋ wuli ka teyi, ì tiñaata baa kono Esiyoni-Keberi saatewo daala.

Lankenemoo 18:12

Ì ye fiirifeŋolu mennu samba, wolu mu sanoo le ti, kodiforoo, bere ñiimaalu, pemoolu, fulaari ñiimaalu, bayi wuluyeloo, soyoolu, bayi wuleŋolu, babara seera diimaa siifaa bee, jooraŋo siifaa bee mennu dadaata samañiŋo waraŋ babara daa koleŋolu la, jaawaloo, newo aniŋ bere daa jawoo.

Esekiyeli 27:11

Ariwadi aniŋ Heleki kewolu le ka tara kantaroo la i tata sansaŋo karoo bee la. Kammadi kewolu le ka tara i tatoolu kaŋ santo. Ì ka ì la koteeroolu deŋ i tata sansaŋo karoo bee la. Wo le ka i la ñiiñaa timmandi.

Esekiyeli 27:13

“I niŋ Yawaninkoolu, Tubalinkoolu, aniŋ Mesekinkoolu ka julayaa le ke. Ì ka joŋolu niŋ jaawaloolu faliŋ i la marisandiisoolu la.

Esekiyeli 27:33

I ye i la marisandiisoolu kii duniyaa bankoolu bee kaŋ ne nuŋ, aduŋ i ka moo jamaa le balundi niŋ i la fanka baa la. Ka bo niŋ i la wo fanka baa la, aniŋ i la marisandiisoolu la, i ka duniyaa mansakee jamaa le fankamaayandi.

Esekiyeli 28:5

Ka bo niŋ i la ñaameŋ baa la, julayaa to, i ye i la fankoo lafaa le ka wara. I naata ke kibiri moo niŋ faŋ wara moo ti, i la fankoo kaŋ.”

Esekiyeli 28:16

I niŋ banku jamaa niŋ moo jamaa le ka julayaa ke. I la jawuyaa naata lafaa-lafaa laalaa. I ka tu junube kewo doroŋ ne la. Wo kamma la, ŋa i bayi le ka bo Alla la konko senuŋo* kaŋ, ka i malundi. Ite meŋ keta wo kantarilaa malaayikoo ti nuŋ, ŋa i bayi wo bere dimbaamaalu kono le.

2 Taarika 9:21

A ye safaari kuluŋolu le soto nuŋ baa to, Hiramu la moolu ka mennu dookundi. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.