Esekiyeli 26:20 - Mandinka Bible

²⁰ Wo waatoo la m be i samba la fureeduu le, i ye taa ka kafu wo moolu ma mennu faata i ñaa. M be i samba la laakira le, i ye taa sabati kasaara dulaalu to, aduŋ i te muru noo la naŋ kotenke ka naa dulaa soto bankoo to, moo baluuriŋolu be daameŋ.

Esekiyeli 26:20 ပူးပေါင်းရင်းမြစ်များ

Jabuuroolu 27:13

N dankeneyaata le ko, m be Yaawe la beteyaa je la le, ñiŋ duniyaa baluwo to.

Luka 10:15

Aduŋ alitolu Kapanawumunkoolu, fo alitolu be duŋ na Arijana kono le baŋ? Hanii, alitolu be fayi la Jahannaba le kono!

Jakariya 2:8

Yaawe Alihawaa Maariyo*, ate Mansa Kallankewo ye n kii bankoolu kaŋ ne, mennu ye ali ñapinkaŋ. Kaatu a ko, moo-wo-moo meŋ ye alitolu maa, wo maarii ye a buloo bula ate le ñaa kono.

Yunusa 2:6

N taata fo baa duumoo to, n dunta banku le to, meŋ bundaalu ka tu sorondiŋ fo abadaa. Bari ite, hee Yaawe m Maariyo i ye m bondi naŋ ñiŋ diinoŋo to le, m baluuta.

Yunusa 2:2

A ko: “N na bataa kaŋ ŋa ite Yaawe kumandi le, aduŋ i ye n danku le. Ka bo kaburu dinkoolu to, ŋa i la maakoyiroo daani, aduŋ i ye n kalamuta le.

Amosi 9:2

Hani niŋ ì ye dinkoo le siŋ fo laakira, n si ì fintindi naŋ a kono. Hani niŋ ì seleta le fo saŋ fatoo to, n si ì jindi naŋ duuma.

Esekiyeli 39:7

N na moolu Banisirayilankoolu bee be n too jankuriŋo loŋ na le, aduŋ n te soŋ na bantala bankoolu* ye jutu n too jankuriŋo la kotenke. Ì bee be a loŋ na le ko, nte le mu Yaawe ti, Banisirayila la Senuŋ Baa.

Niikuyaa Suukuwolu 3:6

Badaa-badaa diboo, a ye m bulandi wo le kono, ko mennu meeta fureeduu.

Yesaya 59:10

Ǹ ka moomooroo ke bumbaloo bala le ko finkintewolu, ǹ ka taama ko moolu mennu maŋ ñaalu soto. Tiloo ñaa la ǹ ka taki le ko niŋ m̀ be suutoo le kono. Moo bambandiŋolu kono, ntolu ka munta le ko furewo.

Yesaya 4:5

Bituŋ Siyoni Konkoo kunto, jamaa moolu bendiŋo jee, Yaawe be minaayoo le daa la ka tara jee tiloo la, dimbaa maloo aniŋ siisiyo suutoo la. Ì be tara la wankariŋ a taradulaa kallankeeyaariŋo* bee le kunto.

Jabuuroolu 28:1

Hee Yaawe*, n ka ite le kumandi, n semberaŋ beroo, kana i tulu faa m ma, kaatu niŋ i maŋ i danku m ma, m be ke la le ko moolu mennu taata saayaa dinkoo kono.

4 Musa 16:33

Bankoo soronta ì fee, ì niŋ ì la sotofeŋolu bee kende saarinta bankoo kono ka taa laakira. Ì kasaarata ka bo ì la jamaa moolu kono.

4 Musa 16:30

Bari niŋ Yaawe ye kuu kuta fintindi, ka bankoo yele ì fee, ì niŋ ì la sotofeŋolu bee ye kunuŋ, ì ye kende saareŋ ka taa laakira, wo to ali si a loŋ ko, ñiŋ kewolu, ì maŋ Yaawe la kuwo le muta feŋ ti.”

Matiyu 11:23

Aduŋ alitolu Kapanawumunkoolu, fo alitolu be duŋ na Arijana kono le baŋ? Hanii, alitolu be fayi la Jahannaba le kono, kaatu kaawakuwolu mennu keta nuŋ alitolu yaa, niŋ a ye a tara, wolu keta nuŋ Sodomu le, tennuŋ a be tara la looriŋ ne fo bii.

2 Pita 2:5

Aduŋ Nuha la waatoo la, Alla ye duniyaa kiitindi nuŋ wo le ñaama. A maŋ allantaŋolu kaari, bari a ye Tuufaani Waamoo bula ì kaŋ. A ye Nuha doroŋ ne tanka, meŋ keta sila tilindiŋo kawandilaa ti, a niŋ moo woorowula koteŋ.

Yesaya 14:9

Kaburu dinkoo maamanta ka i benduŋ, Laakirankoolu wulita ka i kontoŋ. Mennu keta duniyaa ñaatonkoolu ti, mennu keta mansoolu ti bankoolu kaŋ, ì bee wulita ì la mansasiiraŋolu kaŋ.

Yesaya 14:10

Ì bee be i danku la le, ì ye a fo i ye ko, “I fanaa lamfuta le ko m̀ be ñaameŋ, i keta le ko ntolu.”

Yeremiya 33:9

Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Esekiyeli 31:14

Wo kamma la, yiroolu mennu bee falinta jii daala, a ye wolu bali le ka jaŋayaa waraŋ ka ì buloolu fayi ka jamfa fo ka sutiyaa minaayoolu ma. Kaatu saayaa le be ì ñaato ka taa kaburoo kono, ka taa kafu doolu ma mennu faata ì ñaa, ì be kaburoo le kono.”