Esekiyeli 26:17 - Mandinka Bible

¹⁷ Moolu be niikuyaa denkiloo le laa la i ye. Ì be a fo la i ye le ko: Tire, ite saatee too boriŋ baa le kasaarata teŋ baakono dookuulaalu be sabatiriŋ daameŋ to. Ite meŋ semboo warata baa kono, i niŋ i siilaalu, i dandanna moolu bee silata i la le nuŋ.

Esekiyeli 26:17 ပူးပေါင်းရင်းမြစ်များ

Yesaya 14:12

Hee, Subaalooloo, Fanikewo Dinkewo, a juubee, i jolonta ñaameŋ ka bo saŋo santo! I la kuwo jiita le, i boyita duuma, ite meŋ nene ka bankoolu la kuwo jindi.

Esekiyeli 19:1

Yaawe* ko n ye ko, “Ite hadamadiŋo, niikuyaa suukuwo laa Banisirayila maralilaa ye,

Esekiyeli 32:16

“Ñiŋ niikuyaa kumoo ñanta fo la le. Duniyaa musoolu be a fo la Misira bankoo siilaalu bee le kunna. Ì be ñiŋ niikuyaa kumoo le fo la.” Maarii Yaawe le ye a fo.

Esekiyeli 32:2

Ite hadamadiŋo, niikuyaa kumoo fo Misira mansakewo Firawoona ye ko: “Ite ye i faŋ ke jatoo le ti duniyaa bankoolu bee kono, bari i ka muluŋ ne ko bamba baa meŋ be baa kono. I ka punsaŋ i la baa kono ka jiyo bee duundi niŋ i siŋo la.”

Esekiyeli 19:14

Dimbaa le ye a juwo muta, a ye a diŋolu niŋ a buloolu bee jani. Hani bulu bambandiŋ kiliŋ ne maŋ tu a bala, meŋ si ke noo mansa dokoo ti.” Ñiŋ mu niikuyaa suukuwo le ti, aduŋ a ka laa niikuyaa le kono.

Yesaya 23:4

Sidoni, baa daala tata bambandiŋo, malu, kaatu baajiyo le diyaamuta, fankaasoo ye i bo i to le, a ko: “I maŋ ke n diŋ ti! Tiŋ maŋ m maa sako n si wuluu, n nene maŋ kambaane kuluu, sako sunkutundiŋ ye tara m bulu.”

Sefaniya 2:15

Ñiŋ ne mu wo saatee taamaayaariŋo ti, meŋ tarata tankoo kono. A ko a faŋ ma ko, “Nte doroŋ ne mu, doo koteŋ maŋ soto.” A juubee a naata ke tumbuŋo ti ñaameŋ, a keta wulakono daafeŋolu taradulaa ti. Moo-wo-moo tambita niŋ jee la, a si foofooroo ke, a ye a kuŋo jiijaa.

Mika 2:4

Ñiŋ luŋo la, moolu si ali ke jelefeŋo ti. Ì si ñiŋ teelindiri denkiloo laa, ì ye ì faŋ ke woosiilaalu ti ko, ‘Ntolu kasaarata le fereŋ. Yaawe ye ǹ na moolu la keetaabankoo duŋ bulu koteŋolu bulu, a buusita ǹ na. A ye ǹ na kunkoolu talaa ǹ jawoolu teema.’ ”

Obadiya 1:5

“Niŋ sikarilaalu naata ali kaŋ, suŋolu ye naa ali kaŋ suutoo, fo ì te feŋolu doroŋ ne sika la baŋ, ì be suula la mennu na? Niŋ wayini* yiridiŋ katilaalu naata ali kaŋ, fo ì te feefeetaa tu la jee baŋ? Bari alitolu, ali bee le be kasaara la.

Yoweli 1:18

Beeyaŋolu ŋuntaŋñaa! Ninsi koorewolu ka yaayi, kaatu ì maŋ daañini dulaa soto, hani saajii koorewolu faŋo be toorariŋ.

Niikuyaa Suukuwolu 1:1

Ayiwaalii, ñiŋ saatewo le kiideeriŋo be siiriŋ teŋ, meŋ be faariŋ nuŋ moolu la tep! A naata ke furuyaamusoo ti teŋ, meŋ na kuwo warata nuŋ bankoolu kono! Ate meŋ keta saatewolu kono musumansoo* ti, a naata ke jommusoo ti.

Yeremiya 9:20

Yeremiya ko: “Silaŋ, alitolu musoolu, ali ali tuloo loo Yaawe la kumoo la, ali tuloo ye a la kumakaŋo moyi. Ali ali dimmusoolu karandi saŋa lembañaa la, moo-wo-moo si a siiñoo karandi saŋawoosiyo la.

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Yesaya 23:8

Jumaa le ye ñiŋ feere Tire kamma, saatewo meŋ ka mansoolu toloo? A la safaarilaalu mu mansariŋolu le ti, a la juloolu keta buuñaa moolu ti duniyaa kono.

2 Samuweli 1:19

A ko: Banisirayilankoolu, ali la ñaatonkoolu be laariŋ konkoolu kaŋ, ali a juubee, ǹ na kelejawaroolu boyita ñaameŋ!

Yosuwa 19:29

Bituŋ naanewo ñiŋ muruta naŋ Rama maafaŋo la ka taa wo la Tire saatee baa tatariŋo to, a muruta naŋ wo la ka taa Hosa, bituŋ a naata daŋ Baa Baa* to Akisibu tundoo la.

Yeremiya 48:39

“Ayiwaalii, Mowabi teyita! A kumboo kaŋo moyi baŋ! A maluta le, a muruta a koo la! Saayiŋ Mowabi keta jelefeŋo le ti, aniŋ kooroo bankoo, a dandanna bankoolu ye.”

Yeremiya 50:23

Babiloni bankoo, duniyaa bee keleraŋ maritoo, wo le katiŋ-katinta teŋ! Babiloni le kenseŋyaata teŋ ka ke bankoolu ye kijaboo ti!

Esekiyeli 32:23

Ì la kaburoolu be dinka jaŋ baa kono duuma le. Asiriya kelediŋolu la kaburoolu le be a dandaŋo la. Itolu le ye silaŋo dundi nuŋ moolu la, bankoo kaŋ moo baluuriŋolu be daameŋ.

Esekiyeli 32:27

Ì maŋ ì baadee ko ì ka kelejawaroolu baadee ñaameŋ buuñaa kono. Ì niŋ kelejawaroolu mennu maŋ Alla loŋ ne be laariŋ dulaa kiliŋ laakira, ì niŋ ì la kelejooraŋolu le be kaburoo kono. Ì ye ì la hawusaroolu ke ì ye kullaaraŋo le ti, aduŋ ì la kuu jawoolu le tooroo be laariŋ ì kuloolu kaŋ, hani a ye a tara ñiŋ kelejawaroolu la silaŋo dunta wo bankoo kaŋ, baluuriŋolu be daameŋ.