Esekiyeli 26:15 - Mandinka Bible

¹⁵ Maarii Yaawe ye ñiŋ ne fo Tire ma ko: “Wo moolu mennu be siiriŋ baadaa borindoo la, kijafaroo le be kupi la ì kaŋ, niŋ ì ye a moyi, ite Tire boyita ñaameŋ, niŋ i baramatoolu niŋ dimiŋo be ŋuntaŋ kaŋ, faaroo be ke kaŋ i kono.

Esekiyeli 26:15 ပူးပေါင်းရင်းမြစ်များ

Esekiyeli 27:35

Moolu mennu bee be siiriŋ wo baadaa borindoo la, bee be silaŋo le kono. Ì la mansoolu bee be silandiŋ baake le. Hani ì ñaadaalu faŋolu ye ì la silaŋo yitandi le.

Yeremiya 49:21

Ì busandikaŋo be bankoo jarajarandi la le, ì wuurikaŋo ye moyi hani Kulunjumbe Baa to.

Esekiyeli 31:16

M be kijafara baa le laa la bankoolu kaŋ, ka bo niŋ a boyi kaŋo la, niŋ ŋa a fayi duuma, ka taa laakira, aniŋ moo doolu mennu taata a ñaa kaburoo kono. Aduŋ Edeni naakoo kono yiri ñiimaalu bee, mennu mu Libanooni yiri betoolu ti, woyoo daala yiroolu bee, ì ye mennu jiiboŋ kendeke, a be ke la wolu ye jusu ñaburaŋo le ti, laakira jee.

Esekiyeli 26:18

Saayiŋ wo baadaa borindoo siilaalu bee be sila la le, niŋ i boyita luŋo meŋ na. Wo baakono jooyoolu bee be jaakali la, ì la kuwo baŋñaa la le.”

Esekiyeli 32:10

Niŋ ŋa n na hawusaroo* finjaŋ moolu ñaalu koto, m be ì bee le jaakalindi la i la kuwo la, aduŋ silaŋ baa be duŋ na ì la mansoolu la. Silaŋo be ì futufaa la le, moo bee le be ì kunkedulaa ñini la luŋo meŋ na i be boyi la duuma.”

Esekiyeli 27:28

I la kuluŋ borindilaalu wuurikaŋo keta wo baa daala siilaalu bee ye kijateyoo le ti.

Yesaya 2:19

Moolu be bori la le, ka i maabo berehuwolu aniŋ dinkoolu kono, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 41:5

Banku jamfariŋolu moolu ye a je le, aduŋ ì silata le. Duniyaa daŋo to moolu ka jarajara. Ì bee benta ñoo kaŋ.

Esekiyeli 26:10

A la suwoolu be siyaa la le fo labaŋo la kankaŋo meŋ wulita, wo be ite Tire muuri la le. A la suwoolu niŋ sareetoolu kumakaŋo be i la saatee tata sansaŋo jarajarandi la le. Niŋ a dunta i la saatee bundaalu la, a be ke la le ko niŋ ì dunta saatee tumbundiŋo le kono.

Esekiyeli 26:21

Meŋ keta i la, a be ke la moolu bee ye silaŋo le ti. Wo le be ke la i labaŋo ti. Moolu si i ñini, ì te i je la.” Maarii Yaawe le ye a fo.