Esekiyeli 25:7 - Mandinka Bible

⁷ Wo kamma la, m buloo be naa laa la ali kaŋ ne, m be ali duŋ na banku koteŋolu le bulu ka ke ì ye ñapinkaŋ feŋo ti, m be ali bondi la moolu kono le, ŋa ali kasaara. Niŋ wo keta, ali be a loŋ na le ko, nte le mu Yaawe ti.”

Esekiyeli 25:7 ပူးပေါင်းရင်းမြစ်များ

Sefaniya 1:4

M bulu be laa la Yerusalaamunkoolu kaŋ ne, aniŋ Yahuuda bankoo moolu bee. M be Baali* jalambatoo bee daŋ na ñiŋ dulaalu to le. M be jalambatu kuntiyolu toolu bo la le, ŋa piriisoolu* kasaara mennu ye ì koo dii n na.

Esekiyeli 25:16

Wo kamma la, Yaawe, m̀ Maariyo ye ñiŋ ne fo ko: “A fele, m buloo be laa la Filisitinkoolu kaŋ ne. M be Keretinkoolu bee buruka la le, aniŋ m be wo moo toomaalu mennu be siiriŋ baadaa borindoo la, bee kasaara la le.

Esekiyeli 25:13

Wo kamma la, Yaawe m̀ Maariyo ye ñiŋ ne fo ko: “M buloo be laa la Edomu bankoo kaŋ ne ka a moolu niŋ a daafeŋolu bee buruka ka a kenseŋyandi. Ka bo Temani hani ka taa fo Dedani, ì be faa la keloo le to.

Esekiyeli 35:3

Nte Maarii Yaawe ye ñiŋ ne fo ko: M maŋ tara ali la kuwo to, aduŋ m bulu be sii la ali ma le. M be ali kasaara la le, ali ye kenseŋyaa.

Esekiyeli 14:9

“Niŋ annabiyomoo marisata fo a ye kiilaariyaa kuma fo meŋ keta faniyaa ti, nte Yaawe faŋo le ye a tinna, a ye wo fo. Wo to le, m buloo be sii la wo annabiyomoo ma, ka a kasaara ka a bondi n na moolu kono.

Esekiyeli 6:14

“M buloo be laa la ì kaŋ ne, ŋa ì la bankoo kenseŋyandi, a ye ke tumbuŋo ti, ka bo keñewuloo*, bulubaa karoo la, ka taa fo Ribula saatewo to, maraa karoo la. Niŋ wo keta le, ì be a loŋ na ko, nte le mu Yaawe ti.”

Yeremiya 49:2

Wo kamma la, luŋolu be naa le, nte Yaawe le ye a fo, tuma meŋ m be kele wuuroo maamandi la Raba kamma, Ammoninkoolu la saatee baa. A be ke la tumbuŋ tuŋo le ti, ì ye dimbaa duŋ a saateeriŋolu la. Wo to le Banisirayila be moolu la banku kenoolu taa la, mennu ye a la bankoo taa.” Yaawe le ye a fo.

Yesaya 33:4

Niŋ wo keta, ì si ñapi jawoolu la feŋolu kaŋ komeŋ kuntiŋ ñatoolu. Feŋ-wo-feŋ keta ì taa ti, ì si a bee buusi ì bulu.

Niikuyaa Suukuwolu 1:14

“Ñok, a ye m muta, ka n na junuboolu siti n ye yookoo* ti, a faŋo buloo le ye ì siti, fo ì nakita n kaŋo bala, a ye a tinna n korita las. Maariyo ye n duŋ moo bambandiŋolu le bulu, n te n loo noo la ì fee.

Esekiyeli 21:31

M be n na kamfaa kupi la i kaŋ jee le to ka n na kamfaa fijoo jindi i kaŋ. M be i duŋ na moo kuruŋolu le bulu mennu ye kasaaraloo noo baake.

Esekiyeli 21:32

I be ke la dimbaa malaraŋo le ti, aniŋ i be faa la wo bankoo le kaŋ. Moo hakiloo te bula la i la jee kotenke. Nte Yaawe faŋo le ye a fo.”

Esekiyeli 26:5

A jooyimaa ye tara baa kono ka ke jalafayilaalu ye jala jaa dulaa ti. Nte Yaawe Alla faŋo le ye a fo. A be ke la bantala bankoolu* ye ñapinkaŋ feŋo le ti.

Esekiyeli 25:10

M be Ammoninkoolu niŋ ñiŋ dulaalu bee dii la tilibolankoolu le la, ka ke ì taa ti. I si a je, moo hakili te bula la jee la kotenke duniyaa bee kono.