Esekiyeli 25:4 - Mandinka Bible

⁴ Wo kamma la, m be ali duŋ na tilibolankoolu le bulu ka ali ke ì taa ti. Ì be ì la daakaalu loo la ali la bankoo kaŋ ne ì ye sabati jee. Ì be ali la neemafeŋolu bee domo la le, ì ye ali la beeyaŋolu keekewo miŋ.

Esekiyeli 25:4 ပူးပေါင်းရင်းမြစ်များ

Kiitindirilaalu 6:33

Saayiŋ Midiyaninkoolu bee, Amalekinkoolu aniŋ moo koteŋolu, mennu be tiliboo la, kafuta ñoo ma. Ì ye Yoridani Boloŋo teyi, ì ye daakaa loo Yesireeli Wulumbaŋo to.

5 Musa 28:51

Ì be ali la beeyaŋolu niŋ ali la siimaŋolu bee le domo la, ì te feŋ tu la ali ye, biriŋ siimaŋ kesoo to, wayini kutoo, olifu tuloo, ali la ninsoolu, saajiyolu niŋ baalu, ì be ì bee le taa la ali bulu, ali ye labaŋ kasaara la.

5 Musa 28:33

Ali la senefeŋolu aniŋ ali la dookuu koteŋo tinewo, banku koteŋo moolu le be ì domo la, ali maŋ mennu loŋ. Aduŋ niitooroo niŋ tilimbaliyaa le be tara la ali kaŋ, daŋ te ke la meŋ na.

Yesaya 1:7

Jawoolu ye ali la bankoo kasaara, ì ye ali la saatewolu jani. Ì ye ali la katirifeŋolu bee domo ali ñaa koto, ali la kunkoolu kenseŋyaata, ko niŋ ñapinkannaalu ye dulaa meŋ boyinkaŋ.

1 Mansoolu 4:30

Sulemani la ñaameŋo le warata ka tambi moolu bee la mennu be bankoo tiliboo la, aniŋ ka tambi Misira bankoo la ñaameŋo bee la.

Yesaya 65:22

Ì te buŋo loo la kotenke, doolu ye tara sabatiriŋ jee, waraŋ ka tuturoo ke, doolu ye a domo. Kaatu yirisuŋo siyo ka jamfa ñaameŋ, n na moolu siyo be jamfa la wo le ñaama. N na tomboŋ moolu be diyaa soto la ì faŋo la dookuwo to le, fo a ye mee.

Yesaya 41:2

“Jumaa le ye mansa kumandi ka bo naŋ tiliboo la, fo a si naa n na tiliŋo taamandi daa-wo-daa? Nte le ye a saabu, a ye banku jamaa noo keloo la, ka ì la mansoolu bee jindi. A la hawusaroo* ka ì farafara le, ì ye tii ko kankaŋo. A la beñoo ka ì janjandi le ko niŋ foñoo be fuufulewo tindi la.

2 Samuweli 12:26

Yowabu tententa Raba keloo la le, meŋ keta Ammoni la saatee baa ti, aduŋ a ye mansa la saatewo taa le.

Kiitindirilaalu 8:10

Saayiŋ Seba niŋ Salimunna niŋ ì la kelediŋ kafoo be Karikori le, meŋ si taa fo kee wuli taŋ niŋ luulu. Ñinnu le mu moolu ti, mennu kanata tilibolankoolu la kelediŋ kafoo moolu kono. Hawusaritii wuli keme wuli muwaŋ, wolu le faata ì kono.

Kiitindirilaalu 7:12

Midiyaninkoolu, Amalekinkoolu aniŋ tilibo maafaŋ na moo doolu ye wulumbaŋo karoo bee fandi. Ì be siyaariŋ ñoo kaŋ ko kuntiŋolu. Ì la ñonkomoolu buka yaatee noo, ì be siyaariŋ ko bankumunkoo.

4 Musa 23:7

Balaamu naata a la kiilaariyaa kumoolu bankee ko: “Mowabi mansa Balaki, wo le ye m bondi naŋ ka bo Aramu, ka bo tilibo konkoolu to. A ko n ye ko, ‘Naa i ye Yaakuba koomalankoolu danka n ye. Naa i ye Banisirayila tiñaa.’

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

1 Musa 29:1

Bituŋ Yaakuba tententa a la taamoo la, a naata futa tilibo maafankoolu la bankoo kaŋ.

Niikuyaa Suukuwolu 1:14

“Ñok, a ye m muta, ka n na junuboolu siti n ye yookoo* ti, a faŋo buloo le ye ì siti, fo ì nakita n kaŋo bala, a ye a tinna n korita las. Maariyo ye n duŋ moo bambandiŋolu le bulu, n te n loo noo la ì fee.

Esekiyeli 25:10

M be Ammoninkoolu niŋ ñiŋ dulaalu bee dii la tilibolankoolu le la, ka ke ì taa ti. I si a je, moo hakili te bula la jee la kotenke duniyaa bee kono.