Esekiyeli 24:22 - Mandinka Bible

²² Saayiŋ, ali ye n je le ŋa a ke ñaameŋ, ali fanaa ñanta a ke la wo le ñaama. Ali maŋ ñaŋ na ali daa niŋ ali tamadaalu muuri la aniŋ ka sunutoo domoroo domo.

Esekiyeli 24:22 ပူးပေါင်းရင်းမြစ်များ

Yeremiya 47:3

niŋ ì ye suubori sinkaŋolu moyi naŋ, keleraŋ sareetoolu* maakaŋo, ì siŋolu borikaŋo, faalu te ì kooma fele la ì diŋolu la, ì buloolu ye lamfu.

Jabuuroolu 78:64

Ì ye ì la piriisoolu* faa hawusaroo la le, ì la furuyaamusoolu maŋ saŋakumboo ke noo.

Yuuba 27:15

Moo-wo-moo baluuta a diŋolu kono, kuuraŋo maasiiboo le be wo faa la, aduŋ hani ì la furuyaamusoolu te ì la saŋo woosii la.

3 Musa 13:45

Moo meŋ ye balafata kuuraŋo soto meŋ ka sawuŋ, a maarii ñanta ka feŋ farariŋolu le duŋ, a ye a kuntiñoo bula, a ye janjaŋ, aduŋ a si kali a buloo ke a daa to ka wuuri ko, “Nte maŋ seneyaa de! Nte maŋ seneyaa de!”

Esekiyeli 24:21

“Hadamadiŋo, i si a fo Banisirayilankoolu ye, nte Yaawe, ì Maariyo ye ñiŋ ne fo ko: A fele m be a ke la le n na Batudulaa Senuŋo ye koso, ali be tuukuriŋ meŋ na ko, wo le mu ali semboo ti, ali ñaa be looriŋ meŋ kaŋ, aniŋ meŋ ka ali niyo seewondi. Ali dinkewolu niŋ ali dimmusoolu ali ye mennu tu kooma, be faa la keloo le to.

Esekiyeli 24:23

Ali la naawoolu ñanta tu la ali kuŋolu to le, ali la samatoolu ye tu ali siŋolu to. Ali maŋ ñaŋ na sunu la waraŋ ka kumboo. Ali la junuboolu kamma la, ali si labara, ali ye tara ŋuntaŋ na ñoo kaŋ.”