Esekiyeli 24:16 - Mandinka Bible

¹⁶ “Hadamadiŋo, a fele m be naa i jusukuŋo taa la, ka a jamfandi i la. A be i barandi la le, bari hani wo i maŋ ñaŋ na sunu la waraŋ ka kumboo fo i ñaajiyo ye bo.

Esekiyeli 24:16 ပူးပေါင်းရင်းမြစ်များ

Yeremiya 22:10

Alitolu Yahuuda moolu, ali kana mansa la saŋo kumboo, meŋ faata, sako ka a woosii. Bari ali kumboo kendeke wo doo la kuwo la, ì ye meŋ samba mutoo kono, kaatu a te muru la naŋ kotenke, ka a wuluu bankoo je.

Yeremiya 13:17

Niŋ ali maŋ soŋ ka i lamoyi, m be kali kullootoo kumboo la le, ali la faŋ waroo kamma la. N si kumboo baake, n ñaa ye jiyo buruntu, kaatu Yaawe la koorewo be taa mutoo kono le.

1 Tesalonikankoolu 4:13

Baadiŋolu, m maŋ lafi ali ye tu lombaliyaa kono ǹ na moolu la kuwo to, saayaa ye mennu muta, i si a je, ali te sunu la ko doolu mennu maŋ jikoo soto.

Esekiyeli 24:18

Wo to le, n niŋ moolu diyaamuta soomandaa, aduŋ wo wulaaroo le mu, m musu faata. Wo saamoo soomandaa ŋa a ke le ko Yaawe ye n yaamari ñaameŋ.

Suukuwo 7:10

M mu n jusukuŋo taa le ti, nte le mu a ŋaniyoo ti.

Niikuyaa Suukuwolu 2:18

Rip, a duuta le! Moolu ka wuuri santo Maariyo ye. Hee, Siyoni tata sansaŋo, i ñaajiyo ye woyi ko baajiyo, suutoo niŋ tiloo! Kana i foño fereŋ, sako i ñaakesoo si dahaa.

Yeremiya 16:5

“Nte Yaawe be ñiŋ ne fo la ite ye ko: Kana duŋ saŋabuŋ kono, waraŋ ka taa woosii jee, waraŋ ka ì la saŋo kumboo. Kaatu ŋa n na kayiroo niŋ n na kanu bambaloo, aniŋ n na balafaa bondi ñiŋ moolu kaŋ ne. Nte Yaawe le ye a fo.

Yeremiya 9:18

Ì ye i tariyaa naŋ, ì ye naa lemba ali ma, fo ali ñaalu ye faa niŋ ñaajiyo la, ñaajiyo ye buruntu ali ñaasiŋolu la.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Kuma Kotoomaalu 5:19

kanumusoo, musu ñiimaa. Allamaa waati-wo-waati i ye i diyaŋñe futuwo soto a la karoo la. Allamaa waati-wo-waati a la kanoo ye tara i sondomoo kono.

Yuuba 36:18

Kana soŋ kamfaa ye i duŋ tooñeeroo kono, kana soŋ dukoo kodi baa ye i jenkendi.

Yeremiya 22:18

Wo kamma la Yaawe ye ñiŋ ne fo Yosiya dinkewo Yehoyakimu, Yahuuda mansakewo la kuwo to ko: “Ì te a la saŋo kumboo la ka a fo ñoo ye ko: ‘Ayiwaalii! Ayiwaalii!’ Ì te a la saŋo kumboo la ka a fo ko: ‘Ayiwaalii, m̀ maariikewo! A la mansayaa be ñaameŋ!’

Yuuba 23:2

Hani bii nte la balaŋo be bambandiŋ m bulu le. M be ŋuntaŋ kaŋ ñaa-wo-ñaa, Alla le be n jarabi kaŋ.

Esekiyeli 24:15

Yaawe la kumoo naata n kaŋ ko:

3 Musa 21:4

A kana a faŋo kosondi moolu la kuwo la a niŋ mennu keta baadiŋo ti futuwo siloo la, wo ye a tinna a ye a faŋo dooyaa.