Esekiyeli 22:6 - Mandinka Bible

⁶ “A juubee baŋ, Banisirayila maralilaalu mennu be sabatiriŋ ite Yerusalaamu kono, ka ì semboo taa ñaameŋ ka tu moolu faa la ka ì yeloo boŋ i kono taariŋ.

Esekiyeli 22:6 ပူးပေါင်းရင်းမြစ်များ

Nehemiya 9:34

Ǹ na mansoolu, maralilaalu, piriisoolu, aniŋ m̀ mumuñolu, maŋ i la luwaa muta. Ì maŋ i lamoyi i la yaamaroolu la, aniŋ dandalaaroolu, i ye mennu dii ì la.

Kuma Kotoomaalu 30:14

Doolu be jee, mennu ñiŋolu mu hawusaroolu* ti, aniŋ mennu ŋaaŋaalu ka munta ko muroolu, ka fuwaaroolu bondi duniyaa kono, aniŋ mennu ka fentaŋolu bondi moolu kono.

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

Yeremiya 32:32

M be wo le ke la, ñiŋ kamma la Banisirayilankoolu niŋ Yahuuda moolu ye kuu jawoo meŋ bee ke ka n kamfandi. Ì niŋ ì la mansoolu kafuriŋo le mu, ì la maralilaalu, ì la piriisoolu*, ì la annabiyomoolu, ka taa Yahuuda niŋ Yerusalaamu saatewo moolu.

Yeremiya 5:5

Wo to m be taa ñaatonkoolu le yaa, ŋa diyaamu ì ye, bayiri itolu le ye Yaawe la siloo loŋ, tiliŋo, ì la Alla ye meŋ kaniŋ.” Bari ì bee le kafuriŋo ye a la yookoo* kati ka balaŋ a ma, ì ye i kuntu a la pat.

Esekiyeli 21:12

“Wo to, ite hadamadiŋo, kumboo fo i ye lemba, kaatu ñiŋ mantooroo meŋ ka naa teŋ, a be laa la n na moolu le kaŋ. Banisirayila maralilaalu niŋ moo toomaalu bee be faa la keloo le to. Wo kamma la, kumboo fo i ka sikisiki, niikuyaa kamma la.

Esekiyeli 22:27

Ì la ñaatonkoolu ka muluŋ ne ko suluwolu mennu ka ì la suboolu faraŋ-faraŋ. Ì ka moolu faa le, ì ye ì fondi ì la baluwo la, fo ì si wolu la naafuloolu taa nakaroo kono.

Esekiyeli 22:3

A fo wo saatewo ye, nte Yaawe a Maariyo ye ñiŋ ne fo ko: Ite Yerusalaamu, yeleboŋo ka ke daameŋ. I ye i faŋ kosondi niŋ i la wo jalaŋolu le la, i ye mennu dadaa. I la waatoo siita le.

Esekiyeli 45:8

Banisirayila bankoo kaŋ, ñiŋ kenoolu be ke la mansa le taa ti, i si a je, n na mansoolu te n na moolu batandi la ka ì la kenoolu buusi ì bulu. Lasili-wo-lasili be a fansuŋ kenoo soto la le, mansa fanaa ye a fansuŋ kenoolu soto.”

Daniyeli 9:8

Yaawe, ntolu niŋ ǹ na mansoolu, ǹ na maralilaalu, aniŋ m̀ mumuñolu ye maloo le laa m̀ faŋolu kaŋ, aduŋ ŋà junube kuwo le ke i la.

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.

Sefaniya 3:3

Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

Sefaniya 3:4

A annabiyomoolu ka kibiri, ì be jamfantuŋyaariŋ. A piriisoolu* ye Alla la feŋ buuñaariŋo dooyaa, ì ye Alla la yaamaroolu faliŋ.

Jakariya 3:3

Yosuwa be looriŋ malaayikoo ñaatiliŋo la, sitifeŋ nooriŋolu be dundiŋ a la.