Esekiyeli 22:30 - Mandinka Bible

³⁰ “Wo to le, n naata moo ñini ì kono meŋ si saatewo tata sansaŋo lookuu, aniŋ ka a faroolu suki, fo meŋ si a tinna n te jee moolu kasaara la. Bari hani moo kiliŋ maŋ soto ì kono meŋ si wo ke.

Esekiyeli 22:30 ပူးပေါင်းရင်းမြစ်များ

2 Mansoolu 14:26

Kaatu Yaawe ye a je le ko, Banisirayilankoolu la mantooroo jawuyaata baake le, biriŋ foro fo joŋ. Moo maŋ soto ka Banisirayilankoolu maakoyi.

Yuuba 35:8

I la kuruŋyaa kuwo ye i ñoŋolu doroŋ ne toora. I ye kuu kendoo meŋ ke, wo ye hadamadiŋolu doroŋ ne maakoyi.

Jabuuroolu 106:23

Bituŋ a naata a fo a be ì kasaara la, bari a la tomboŋ moo Musa le loota a niŋ ì teema, ka a daani, a kana a la kamfaa jindi ì kaŋ ka ì kasaara.

Jabuuroolu 94:16

Jumaa le ka loo nte ye moo kuruŋolu kamma? Jumaa le ka loo m fee kuu jawu kelaalu kamma?

Yesaya 59:16

Moo maŋ soto meŋ ka moolu maakoyi. A jaakalita le ka a je ko, moo maŋ soto, bituŋ a faŋo la semboo ye kiisoo saabu ì ye, aduŋ a faŋo la tiliŋo le ye semboo dii a la ka a ke.

Yesaya 63:5

Ŋa juubeeroo ke le, bari m maŋ moo je meŋ si m maakoyi. N jaakalita le ka a je ko moo maŋ m maakoyi, m faŋo semboo le ye nooroo saabu m ma, n na kamfaa ye m bambandi.

Yesaya 64:7

Moo buka i too kumandi waraŋ ka a fo i ye a maakoyi, kaatu i ye i koo dii ǹ na le. I ye m̀ bula fo ǹ na junuboolu ye ǹ kasaara.

Yeremiya 15:1

Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

Yeremiya 5:1

Yaawe* ko: “Ali Yerusalaamu mbeedoolu muruŋ-muruŋ baŋ, ka juubeeroo ke, ali ye i miira. Ali ñinindiroo ke a bantabaalu to, fo ali be moo le je la meŋ ka taama tiliŋo kono, aniŋ ka foroyaa tooñaa kaŋ. Niŋ wo sotota, n si yamfa saatewo ye.

Yeremiya 8:6

Ŋa n lamoyi ì la le famfaŋ, bari ì buka kuma fo meŋ tilinta. Hani moo kiliŋ ne buka tuubiseyi a la kuruŋyaa la, ka a fo ko, ‘Nte ye muŋ ne ke teŋ?’ Moo-wo-moo ka taa a fansuŋ siloo le la, ko suwoo ka i seyiŋ keloo kono ñaameŋ.

Esekiyeli 13:5

Wo annabiyomoolu maŋ Banisirayila tata sansaŋo dulaa laamaariŋolu wulindi, waraŋ ka a tatoo faroo suki, fo moolu si tanka noo keloo kono Yaawe la luŋo la.