Esekiyeli 21:6 - Mandinka Bible

⁶ “Wo kamma la, ite hadamadiŋo loo ì bee ñaatiliŋo la, i ye kumboo fo i ka sikisiki, niikuyaa kamma la.

Esekiyeli 21:6 ပူးပေါင်းရင်းမြစ်များ

Esekiyeli 6:11

Wo to le, Maarii Yaawe ye ñiŋ fo n ye ko: “Hadamadiŋo, i buloo kosi, i ye i siŋo tuu bankoo to, ka lemba ñiŋ tooroo kamma la, kaatu Banisirayilankoolu ye kuu jawu baa le ke. Wo le be a tinna la, ì doolu be faa la keloo niŋ konko jawoo kono, aduŋ alibalaa kuuraŋo le be doolu faa la.

Yesaya 22:4

Wo to saayiŋ nte ko, “Ali bo m bala, ŋa kumboo kendeke n na moolu la kasaaroo kaŋ. Ali kana a fo ko, ali be n sabarindi la.”

Habakuki 3:16

Kabiriŋ ŋa ñiŋ moyi, n kija le bota. N daaturoolu ka fadi ñoo la, maakaŋo ñiŋ kamma la. M baloo bee le lamfuta, n siŋolu faata n koto. Bari hani wo, m be muñariŋ ne ka luŋo batu, luŋo meŋ, maasiiboo be boyi la moolu kaŋ, mennu ñapita ǹ kaŋ.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Daniyeli 8:27

Nte Daniyeli korita le, aduŋ n saasaata le fo tili dantaŋ. Bituŋ n naata kendeyaa saasaa to, m muruta dookuwo la, mansa ye m bula meŋ na. Bari jeroo ñiŋ ye n jaakali le, aduŋ m maŋ a fahaamu noo.

Daniyeli 5:6

Mansa ñaadaa yelemata wo loodulaa to. A silata baake, fo a suufoolu korita, a kumbaliŋolu ka busa ñoo la.

Esekiyeli 37:20

“I ye safeeroo ke wo dokoolu mennu bala, i si ì londi moolu ñaatiliŋo la,

Esekiyeli 21:12

“Wo to, ite hadamadiŋo, kumboo fo i ye lemba, kaatu ñiŋ mantooroo meŋ ka naa teŋ, a be laa la n na moolu le kaŋ. Banisirayila maralilaalu niŋ moo toomaalu bee be faa la keloo le to. Wo kamma la, kumboo fo i ka sikisiki, niikuyaa kamma la.

Esekiyeli 9:4

a ko a ye ko, “Duŋ Yerusalaamu kono, i ye taamanseeroo ke moolu foŋolu to, mennu niyo be toorariŋ, aniŋ ì be sunuriŋ wo kuu haraamuriŋ kewolu la mennu be saatewo kono.”

Esekiyeli 4:12

I be mbuuroo meŋ domo la moolu bee ñaatiliŋo la, i be a jani la niŋ moo buu jaaroo le la.”

Yeremiya 30:6

Ali ñininkaaroo ke, ali ye a juubee baŋ, muna kewo si deenaanoo wuluu noo? Wo to muŋ ne ye a tinna ŋa kee kanaŋ-wo-kee kanaŋ je, a buloo be a konoo to, ko tiŋ ye musu maa? Muŋ ne ye moo bee ñaadaa yelemandi, ko saata kuurantoo?

Yeremiya 19:10

“Bituŋ ite Yeremiya, niŋ i ye wo baŋ fo la doroŋ, i si daa dumboo ñiŋ teyi duuma, moolu ñaa koto, i niŋ mennu taata jee ñoo la.

Yeremiya 4:19

Hee, nte la niitooroo! Nte la niitooroo! M be wiriji kaŋ dimiŋo le kono. Hee, dimiŋo meŋ be nte jusoo to! N jusoo ka sawuŋ n kono jawuke le! N te tu noo la deyiriŋ. Ŋa binoo feekaŋo moyi le, kele wuuroo.

Yesaya 21:3

Ñiŋ jeroo le ye a tinna dimiŋo dunta m balajaatoo la, dimiŋo ye m muta ko niŋ musoo be tiŋo to. Ŋa meŋ moyi, a ye m bondi n noo to le, ŋa meŋ je, a ye n jaakalindi.

Yesaya 16:11

N kumboota Mowabi ye le ko suusaa kumakaŋo, Kiri-Hareseti saatewo la kuwo ye m baloo bee futufaa.

Esekiyeli 21:5

Wo le to moolu bee be a loŋ na ko, nte Yaawe faŋo le ye n na hawusaroo bondi a laa kono ka faaroo ke a la, aduŋ n te a murundi la a laa kono kotenke.

Esekiyeli 21:7

Niŋ ì ye i ñininkaa i ka muŋ ne kumboo fo i ka sikisiki teŋ, i si a fo ì ye ko, i ye kibaaroolu mennu moyi, wolu silaŋo warabaata le. Niŋ a waatoo siita, a kijateyoo be doolu ketundi la le, doolu ye tu jarajara la, silaŋo niŋ dewuŋo kamma la, aduŋ moo bee kumbaliŋo be kori la le las. Waatoo ñiŋ siita naŋ ne, a te baayi la muk!” Maarii Yaawe le ye a fo.

Esekiyeli 32:18

“Hadamadiŋo, kumboo i ye lemba Misira jamaa moolu kunna. Kaatu ì niŋ wo moolu mennu bota banku sembemaa baalu to be faa la ñoo la le ka taa laakira, kaburoo kono duuma.