Esekiyeli 21:5 - Mandinka Bible

⁵ Wo le to moolu bee be a loŋ na ko, nte Yaawe faŋo le ye n na hawusaroo bondi a laa kono ka faaroo ke a la, aduŋ n te a murundi la a laa kono kotenke.

Esekiyeli 21:5 ပူးပေါင်းရင်းမြစ်များ

Esekiyeli 21:30

Yaawe ko: “Ite Mansa, i la hawusaroo murundi a laa kono. M be i kiitindi la i wuluu bankoo le kaŋ, dulaa to i bonsuŋo be daameŋ.

Nahumu 1:9

Muŋ ne ye a tinna feere jawoo be siti la Yaawe kamma? A be a jawoolu la kuwo daŋ na le, ì te wuli la kotenke.

Esekiyeli 20:48

Niŋ wo keta le, duniyaa bee be a loŋ na ko, nte Yaawe le ye ñiŋ dimbaa mala, moo te meŋ dubeŋ noo la.’ ”

Yeremiya 23:20

Yaawe la kamfaa te sumayaa la, fo niŋ a ye a la lafoo bee timmandi, mennu be a sondomoo to. Wo luŋolu la, labandulaa to, ali be a kuwo fahaamu la le kendeke.

1 Samuweli 3:12

Wo waatoo le m be kuwolu taamandi la, ŋa mennu bee fo Eli la dimbaayaa la jawuyaa to, ka bo foloodulaa fo labaŋo to.

Yesaya 55:11

N ka n na kumoo meŋ fo, be wo le ñaama, a te muruŋ na n kaŋ kensenke, bari n lafita meŋ na, a be wo le timmandi la, ŋa a bula ka meŋ taamandi, a ka wo le ke.

Yesaya 45:23

N kalita m faŋo too le la ko, ŋa feŋ-wo-feŋ fo, tooñaa le mu, aduŋ n na kumoo te faliŋ na. N ko, moolu bee be ñoyi la n ñaatiliŋo la le, ì ye i kali n too la.

5 Musa 32:40

Ko a be koyiriŋ ñaameŋ, ko nte le mu Alla baluuriŋo ti, ŋa m buloo wulindi ka n kali ali ye ko:

Yeremiya 25:27

Yaawe ko: “A fo ì ye ko, nte Yaawe Alihawaa Maariyo, Banisirayila la Alla ye ñiŋ ne fo ko: Ali i miŋ, ali ye siira ka foonoo. Ali boyi, ali te wuli la kotenke, ñiŋ kamma m be keloo meŋ naati la ali kaŋ niŋ hawusaroo la.”

Esekiyeli 21:6

“Wo kamma la, ite hadamadiŋo loo ì bee ñaatiliŋo la, i ye kumboo fo i ka sikisiki, niikuyaa kamma la.

Esekiyeli 17:2

“Hadamadiŋo, mansaaloo fo Banisirayilankoolu ye niŋ ñiŋ misaaloo la,