Esekiyeli 21:12 - Mandinka Bible

¹² “Wo to, ite hadamadiŋo, kumboo fo i ye lemba, kaatu ñiŋ mantooroo meŋ ka naa teŋ, a be laa la n na moolu le kaŋ. Banisirayila maralilaalu niŋ moo toomaalu bee be faa la keloo le to. Wo kamma la, kumboo fo i ka sikisiki, niikuyaa kamma la.

Esekiyeli 21:12 ပူးပေါင်းရင်းမြစ်များ

Esekiyeli 21:6

“Wo kamma la, ite hadamadiŋo loo ì bee ñaatiliŋo la, i ye kumboo fo i ka sikisiki, niikuyaa kamma la.

Yoweli 1:13

Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.

Mika 1:8

Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Esekiyeli 30:2

“Hadamadiŋo, kiilaariyaa kumoo fo Misirankoolu ma. I si a fo ì ye, nte Yaawe, i Maariyo ye ñiŋ ne fo ko: Ali si kumboo fo ali ka lemba.

Esekiyeli 21:14

“Wo kamma la, ite hadamadiŋo, kiilaariyaa kumoo fo moolu ye, i ye ì dandalaa, ka i buloo kosi, niikuyaa kamma la. Hawusaroo be naa moolu kaŋ ne waati niŋ waati. Ñiŋ hawusaroo mu moofaaraŋo le ti. A mu hawusaroo le ti meŋ be moo jamaa faa la, aduŋ ñiŋ hawusaroo be ì ye, karoo bee le la.

Esekiyeli 9:8

Ì be faaroo la waati meŋ na, nte dammaa le tuta looriŋ jee. Bituŋ ŋa m fayi bankoo to, m bitita n ñaadaa kaŋ, n wuurita, n lembata niikuyaa kamma la, n ko, “Hee Maarii Yaawe, fo i kamfaata Yerusalaamu kamma ñaameŋ, wo le be a tinna la i be maasiiboo kupi la naŋ ì kaŋ baŋ, ka moo bee turutumbuŋ?”

Esekiyeli 6:11

Wo to le, Maarii Yaawe ye ñiŋ fo n ye ko: “Hadamadiŋo, i buloo kosi, i ye i siŋo tuu bankoo to, ka lemba ñiŋ tooroo kamma la, kaatu Banisirayilankoolu ye kuu jawu baa le ke. Wo le be a tinna la, ì doolu be faa la keloo niŋ konko jawoo kono, aduŋ alibalaa kuuraŋo le be doolu faa la.

Yeremiya 31:19

Biriŋ n jenketa, n tuubiseyita n na jenkoo la le, aniŋ biriŋ ŋa m faŋ kalamuta, niikuyaa ye a tinna le fo n ka n sisoo lipa. M maluta, m bulata dooyaaroo kono. Kaatu n na fondinkeeyaa malu kuwolu le tarata laariŋ n kaŋ.’ ”

Yeremiya 31:12

Ì be naa le ì seewootoo niŋ suukuwo ye wuuri Siyoni Konkoo kaŋ, aduŋ nte Yaawe ye beteyaa meŋ yitandi ì la, wo be ì faramansandi la le, i la fiifeŋolu la karoo la, siimaŋo, wayini* yiridiŋ jiyo, aniŋ olifu* tuloo, ka taa saajiyolu niŋ ninsoolu la jiidoo. Ì la baluwo be ke la le ko naakoo meŋ jiibonta kendeke, aduŋ ì niyo te toora la kotenke.

Yeremiya 25:34

Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.

Esekiyeli 21:11

Ŋa n na hawusaroo duŋ moo le bulu ka a muu tuloo la fo a ye malamala. A ye a daa diyaa le, fo a ka malamala, a ka naa ì bee le faa.

Esekiyeli 21:13

“Tooñaa, n ka n na moolu kotobo le. Muŋ ne be ke la niŋ a ye a tara mansa faŋo la mansayaa maŋ a balundi noo.” Maarii Yaawe le ye a fo.

Esekiyeli 21:25

“Aduŋ ite Banisirayila mansakewo, i la kuruŋyaa landatambita le. I maŋ jari ka loo n ñaatiliŋo la. Waatoo siita le ka mantooroo laa i kaŋ, i la junuboo la siyaa kamma la.”

Esekiyeli 22:6

“A juubee baŋ, Banisirayila maralilaalu mennu be sabatiriŋ ite Yerusalaamu kono, ka ì semboo taa ñaameŋ ka tu moolu faa la ka ì yeloo boŋ i kono taariŋ.

Yesaya 13:7

Ñiŋ be a tinna le, moolu bee buloo ye lamfu, ì kijoo ye ì fara.

Esekiyeli 7:17

Moo bee buloo be lamfu la le, ì kumbaliŋolu bee ye baabaa.

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.