Esekiyeli 20:32 - Mandinka Bible

³² “Ali ka meŋ miira, wo nene te ke la ali ye. Ali ka ñiŋ ne fo ko, ‘M̀ be ke la le ko bantala banku moolu, ì ka yiroolu niŋ beroolu dadaa ñaameŋ, ka ì batu.’ ”

Esekiyeli 20:32 ပူးပေါင်းရင်းမြစ်များ

Esekiyeli 11:5

Wo to le, Yaawe la Nooroo jiita naŋ n kaŋ, a ko n ye ko: “A fo Banisirayila ye, nte Yaawe ye ñiŋ ne fo ì ye ko: Alitolu Banisirayilankoolu, ŋa ali fokumoolu niŋ ali la miira kuwolu bee loŋ ne.

Yeremiya 44:17

Bari m̀ be kuu-wo-kuu ke la le ŋa meŋ tawoo taa. M̀ be cuuraayoo siisindi la Saŋo Santo Musumansoo* ye le, ŋà miŋ feŋ sadaalu* boŋ ko ǹ dalita a la ñaameŋ, ǹ niŋ ǹ na alifaa foloolu kafuriŋo, ǹ na mansoolu, aniŋ ǹ na maralilaalu, Yahuuda saatewolu kono taariŋ, aniŋ Yerusalaamu mbeedoolu kaŋ. Wo waatoo la ŋà domoroo jamaa soto le, m̀ firinta, aduŋ ǹ ñaa maŋ kasaara kuu je.

Lankenemoo 9:20

Hani ñiŋ mantooroolu koolaa, moo koteŋolu mennu tuta baluuriŋ, wolu maŋ soŋ ka batufeŋolu bula, ì ye mennu dadaa ì fansuŋ buloolu la. Ì maŋ i foño seetaani jawoolu batoo la, aniŋ jalaŋolu, mennu dadaata sanoo niŋ kodiforoo la, jaawaloo, beroo aniŋ babaroo. Ì tuta ñiŋ feŋolu le batu kaŋ, mennu buka jeroo ke, sako moyiroo waraŋ ka taama.

Daniyeli 5:4

Ì ye wayinoo miŋ, ì ye ì la jalaŋolu jayi, mennu dadaata sanoo la, kodiforoo, jaawaloo, newo, babaroo, aniŋ beroo.

Jabuuroolu 139:2

I ye n siitoo niŋ n lootoo loŋ ne. I niŋ n teemoo jamfata ñaa-wo-ñaa, i ye n na miiroolu bee kalamuta le.

5 Musa 4:28

Jee to, ali be jalaŋolu batu la le, hadamadiŋo buloo ye mennu dadaa yiroo niŋ beroo la. Ì buka moyiroo ke waraŋ ka jeroo ke, ì buka feŋ domo noo waraŋ ka feŋ seeroo taa.

Roomankoolu 12:2

Ali kana ali faŋolu tembendi ñiŋ duniyaa kuwolu fee, bari ali si yelema ka bo niŋ hakili kutayandiroo la. Wo to le ali be Alla la lafoo loŋ na kuwolu to, mennu beteyaata, ì timmata, aniŋ ì ka a seewondi.

Esekiyeli 38:10

Maarii Yaawe ye ñiŋ ne fo ko: “Wo luŋo la le miira jawoolu be duŋ na i la, aniŋ i be feere jawoolu siti la,

Niikuyaa Suukuwolu 3:37

Niŋ a maŋ ke Maariyo la keroo ti, jumaa le si kumakaŋo dii, a ye ke?

Yeremiya 44:29

Yaawe ko: “Fo n si ali kuluu ñiŋ dulaa to doroŋ, ñiŋ kamma ali si a loŋ ko, ŋa kumoo meŋ fo ali kamma, a koyita le ko, a be loo la le. Ñiŋ ne be ke la ali ye taamanseeroo ti:

Yesaya 37:19

Ì ye ì la jalaŋolu jani dimbaa kono le ka ì kasaara. Kaatu wo jalaŋolu mu yiroolu niŋ beroolu doroŋ ne ti, ì maŋ ke Alla ti. Moolu le ye ì dadaa ì buloolu la.

1 Samuweli 8:5

Ì ko a ye ko, “Ite kotoota le, aduŋ i dinkewolu buka taama niŋ i la siloo la. Saayiŋ ǹ lafita le i ye mansa tomboŋ ǹ ye, a ye ǹ ñaatonkayaa, ko banku koteŋolu bee ye a ke ñaameŋ.”

5 Musa 29:17

Ali ye a je le wo banku moolu ka jalaŋ ñewundiŋolu mennu batu, ì faŋolu ye mennu dadaa ka bo niŋ yiroo la, beroo, kodiforoo aniŋ sanoo la.

5 Musa 28:64

Bituŋ a si naa ali janjandi bankoolu bee kaŋ taariŋ, biriŋ duniyaa tonkoŋ fo tonkoŋ, aduŋ ali si alla koteŋolu batu jee, ì ye mennu dadaa yiroo niŋ beroo la, ali niŋ ali mumuñolu nene maŋ alloolu mennu loŋ nuŋ.

5 Musa 28:36

Yaawe si naa ali niŋ ali la mansa taa, ali faŋo ye meŋ tomboŋ ka ali mara, a ye ali niŋ a samba mutoo kono wandi bankoo kaŋ, ali niŋ ali mumuñolu nene maŋ daameŋ loŋ. Ali si alla koteŋolu batu jee, ì ye mennu dadaa yiroo niŋ beroo la.

Kuma Kotoomaalu 19:21

Moo ka kuu jamaa feere a sondomoo kono le, bari Yaawe taa le ka ke kuu looriŋo ti.

Yeremiya 2:25

Banisirayila, kana i sinto samatoo baŋ yaayoo la, waraŋ i kaŋo ye jaa mindoo la! Bari i ko wo mu kuma kenseŋo le ti, ite ye banku koteŋ jalaŋolu le kanu nte ti, fo i si bula wolu nooma doroŋ.”

Jabuuroolu 33:10

Yaawe le ka duniyaa bankoolu la natoolu ke ì ye kenseŋo ti. A ka ì la feeroolu janjaŋ ne.

Hoseya 4:12

N na moolu ka yaamaroo ñini jalaŋ yiroo le bulu, ì la taamaraŋ dokoo le mu ì la juubeerilaŋo ti, cakayaa maañaa le ye ì filindi. Ì ye ì koo dii ì la Alla la, ì bulata jalaŋolu nooma, wo mu cakayaa le ti.