Esekiyeli 20:22 - Mandinka Bible

²² Bari n naata wo baayi le, kaatu wo be ke la n ye tookuyaa le ti. Wo bantala bankoolu bee ye a je le, ŋa Banisirayilankoolu bondi Misira bankoo kaŋ ñaameŋ.

Esekiyeli 20:22 ပူးပေါင်းရင်းမြစ်များ

Esekiyeli 20:14

Bari m maŋ naa wo ke, kaatu wo be ke la n ye tookuyaa le ti. Wo bantala bankoolu* bee ye a je le ŋa Banisirayilankoolu bondi naŋ Misira bankoo kaŋ ñaameŋ.

Esekiyeli 20:9

“Bari niŋ ŋa wo ke nuŋ, wo be ke la n ye tookuyaa le ti bankoolu ye mennu be ì dandaŋolu la, kaatu wolu ye a je le ŋa m faŋ yitandi Banisirayilankoolu la ñaameŋ ka ì bondi naŋ Misira bankoo kaŋ.

Yeremiya 14:21

I too la kuwo kamma la, kana m̀ muta jutunna moolu ti. Kana maloo naati ñiŋ dulaa kaŋ, daameŋ to mu i la mansasiiraŋ buuñaariŋo ti. I hakili murundi kambeŋo kaŋ i ye meŋ siti ǹ niŋ i teema, i kana a tiñaa.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Esekiyeli 20:17

Bari m balafaata ì ye le, m maŋ naa ì kasaara keñewuloo kono ka ì turoo baŋ.

Yeremiya 14:7

Yahuuda moolu ko, “Ǹ na junuboolu ye jalayiroo laa ǹ kaŋ ñaa-wo-ñaa, Yaawe, kuu ke i too la kuwo kamma la. Ŋà ǹ koo dii i la le siiñaa jamaa, aduŋ ŋà junube kuwo le ke i la.

Yuuba 13:21

I buloo jamfandi n na fereŋ, aniŋ i ye i dahaa ka n silandi.

Daniyeli 9:19

Yaawe, i lamoyi ǹ na, i ye yamfa ǹ ye. Ǹ na duwaa muta, i ye kuu ke ǹ ye. M̀ Maarii Alla, kana kuwo mendi, i faŋo too kamma la. Ñiŋ moolu mu i fansuŋ moolu le ti, aduŋ i too le be saatewo ñiŋ kunna.

Daniyeli 9:17

M̀ Maarii Alla, dukaree n na duwaa jaabi, aduŋ ŋa i daani kuwolu mennu la, i si ì ke. I faŋo la kuwo kamma la, i la Batudulaa Buŋo* la kuwo buuñandi i ñaa koto, meŋ be tumbundiŋ.

Niikuyaa Suukuwolu 2:8

Ite Yaawe le hameta ñiŋ na, ka Siyoni saatee tata sansaŋolu boyi. I ye a sumaŋ wo kamma le, i maŋ hani i buloo talaa ka a kasaara, i ye a boyinkaŋ. Hani a tatoolu niŋ a sansaŋolu bee le kumboota, ì bee koririŋo ye i laa ñoo ti.

Jabuuroolu 115:1

Yaawe*, ite le too ñanta kuliyaa la, a maŋ ke ntolu ti, i la kanu bambaloo niŋ i la tiliŋo kamma la.

Jabuuroolu 25:11

Yaawe, i too kamma la yamfa n na kuu jawoolu la, ì siyaata le.