Esekiyeli 19:4 - Mandinka Bible

⁴ Bankoolu ye a kibaaroo moyi, ì ye jaloo laa a ye, a dunta ì la jaloo kono. Ì ye a kuruntu niŋ dooliŋo le la ka taa Misira bankoo kaŋ.

Esekiyeli 19:4 ပူးပေါင်းရင်းမြစ်များ

2 Taarika 36:4

Misira mansa ye Yehohasi kotoomaa Eliyakimu sindi a noo to ka ke Yerusalaamu niŋ Yahuuda bee mansa ti. A ye Elikiyamu too faliŋ ka a ke Yehoyakimu ti. A ye Yehohasi muta ka a samba Misira.

2 Taarika 36:6

Bituŋ Babiloni mansa Nebukanesa wulita a kamma, a ye a siti jaawali joloolu la, a ye a samba Babiloni bankoo kaŋ.

Yeremiya 22:18

Wo kamma la Yaawe ye ñiŋ ne fo Yosiya dinkewo Yehoyakimu, Yahuuda mansakewo la kuwo to ko: “Ì te a la saŋo kumboo la ka a fo ñoo ye ko: ‘Ayiwaalii! Ayiwaalii!’ Ì te a la saŋo kumboo la ka a fo ko: ‘Ayiwaalii, m̀ maariikewo! A la mansayaa be ñaameŋ!’

2 Mansoolu 23:31

Yehohasi siyo be sanji muwaŋ niŋ saba le kabiriŋ a be mansayaa dati la, aduŋ a ye kari saba le ke mansayaa la Yerusalaamu kono. A baamaa too mu Hamutali le ti, Yeremiya dimmusoo, meŋ bota Libuna saatewo to.

Esekiyeli 19:3

A ye a diŋ kiliŋ karandi a keta jata kamaliriŋo ti, a jarinteeyaata, A ka daafeŋolu muta, ka ì faa, aniŋ a ka hadamadiŋolu domo.

Esekiyeli 19:5

Kabiriŋ jatamusoo ye a je ko, jikoo maŋ tara a la kuwolu to kotenke, a jikilateyita, a ye a diŋ doo tomboŋ ka a karandi ka ke jata kamaliriŋo ti.