Esekiyeli 19:3 - Mandinka Bible

³ A ye a diŋ kiliŋ karandi a keta jata kamaliriŋo ti, a jarinteeyaata, A ka daafeŋolu muta, ka ì faa, aniŋ a ka hadamadiŋolu domo.

Esekiyeli 19:3 ပူးပေါင်းရင်းမြစ်များ

Esekiyeli 22:25

Ì la bankoo maralilaalu mulunta le ko jatoolu mennu ka bumbuŋ beeyaŋ suboo kunna aniŋ ì ka ì la suboolu faraŋ-faraŋ. Ì boyita a kewolu kaŋ ne ì ye ì faa, ì ye ì la musu jamaalu ke furuyaamusoolu ti. Ì ye doolu faa, ì naata wolu la sotofeŋolu niŋ ì la feŋ kummaayaariŋolu taa.

Esekiyeli 19:6

A ka yaayiŋ-yaayiŋ jatoolu kono, bayiri saayiŋ a kamalita le. A jarinteeyaata, a ka daafeŋolu muta, ka ì faa, aniŋ a ka hadamadiŋolu domo.

5 Musa 33:22

A ko Dani lasiloo la kuwo to ko, “Dani lasiloo ka muluŋ ne ko jatandiŋo, meŋ ka podi naŋ ka bo Basani tundoo kaŋ.”

2 Mansoolu 23:34

Firawoona Neko ye Eliyakimu ke a faamaa Yosiya noo to mansa ti, aduŋ a ye a too faliŋ ka a ke Yehoyakimu ti. A naata Yehohasi samba Misira, bituŋ Yehohasi faata jee.

Esekiyeli 19:2

ka a fo ko: I baamaa keta nuŋ jatamusoo le ti jatoolu kono. A ka i laa jatandiŋolu le kono, ka a diŋolu topatoo jee.

Esekiyeli 19:4

Bankoolu ye a kibaaroo moyi, ì ye jaloo laa a ye, a dunta ì la jaloo kono. Ì ye a kuruntu niŋ dooliŋo le la ka taa Misira bankoo kaŋ.

Esekiyeli 32:2

Ite hadamadiŋo, niikuyaa kumoo fo Misira mansakewo Firawoona ye ko: “Ite ye i faŋ ke jatoo le ti duniyaa bankoolu bee kono, bari i ka muluŋ ne ko bamba baa meŋ be baa kono. I ka punsaŋ i la baa kono ka jiyo bee duundi niŋ i siŋo la.”

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.