Esekiyeli 19:14 - Mandinka Bible

¹⁴ Dimbaa le ye a juwo muta, a ye a diŋolu niŋ a buloolu bee jani. Hani bulu bambandiŋ kiliŋ ne maŋ tu a bala, meŋ si ke noo mansa dokoo ti.” Ñiŋ mu niikuyaa suukuwo le ti, aduŋ a ka laa niikuyaa le kono.

Esekiyeli 19:14 ပူးပေါင်းရင်းမြစ်များ

Esekiyeli 19:11

A buloolu bambanta le ì ka ke noo mansa dokoo ti le faŋ. A suŋo jamfata fo a be naa saŋo maa la, a buloolu warata. A la jamfoo niŋ a yiribuloolu la siyaañaa, moo bee le ka a je noo.

Esekiyeli 19:1

Yaawe* ko n ye ko, “Ite hadamadiŋo, niikuyaa suukuwo laa Banisirayila maralilaa ye,

2 Mansoolu 24:20

Yaawe kamfaata Yerusalaamu niŋ Yahuuda moolu kamma le, fo a ye ì bayi ka bo a ñaatiliŋo la. Sedekiya ye balaŋo le tiliŋ Babiloni mansa la.

Yohana 19:15

Bari ì sarita ko, “A samba! A samba! A pempeŋ!” Bituŋ Payileti ko ì ye ko, “Fo ŋa ali la mansakewo pempeŋ baŋ?” Wo to le piriisi ñaatonkoolu ye a jaabi ko, “M̀ maŋ mansakee doo soto fo Rooma bankoo la mansa dammaa!”

Luka 19:41

Kabiriŋ Yeesu sutiyaata Yerusalaamu la, aduŋ a ye ñiŋ saatee baa je, a kumboota a la kuwo la.

Amosi 9:11

“Luŋo be naa le, m be Dawuda la mansayaa lookuu la meŋ na, meŋ kasaarata ko buŋ tiñaariŋo. M be a faroolu bee suki la le, ŋa a dulaa tiñaariŋolu lookuu. M be a lookuu la le ko a be nuŋ ñaameŋ,

Hoseya 10:3

Bituŋ ì si naa ñiŋ fo ko, “M̀ maŋ sila Yaawe la, wo le ye a tinna m̀ maŋ mansa soto. Bari mansa faŋo si muŋ ne ke noo ntolu ye?”

Hoseya 3:4

Banisirayilankoolu la kuwo be wo le ñaama: Ì te mansa soto la fo waati jaŋ, ì te maralilaa soto la, waraŋ bere samasiŋ, efodi* waraŋ bunkono jalaŋ, aduŋ ì te beeyaŋ sadaa bo la.

Esekiyeli 20:47

A fo sutukononkoolu ye ko, ì ye i lamoyi nte Yaawe la kumoo la. Nte Yaawe, ali Maariyo ye ñiŋ ne fo ko: ‘A fele m be dimbaa le duŋ na sutoo ñiŋ na, meŋ be yiri kitiŋolu niŋ yiri jaaroolu bee jani la, a te feŋ tu la jee. Aduŋ moo te a dimbaa dubeŋ noo la. A be janjaŋ na karoo bee le la. A be niilamaa feŋolu bee le jani la ka bo tonkoŋ ka taa fo tonkoŋ, a te feŋ kaari la.

Esekiyeli 15:4

A maŋ nafaa-wo-nafaa soto, fo ka a ke dimbaa malaraŋo ti doroŋ. Niŋ dimbaa ye a buloo neŋolu muta, a bee si hilihili fo teema, a ye fiŋ. Fo wo ye nafaa soto le baŋ?

Niikuyaa Suukuwolu 4:20

Teŋ neŋ, ì ye ǹ na baluwo topatoolaa muta, Yaawe la tomboŋ mansakewo, ì la dinkoolu kono, ǹ ka a fo meŋ ye nuŋ ko, banku koteŋolu si a je, a ye ke ǹ ye dubeŋo ti, aniŋ ǹ tankadulaa.

Yeremiya 52:3

Yaawe la kamfaa le ye a tinna ñiŋ kuwolu bee laata Yerusalaamu kaŋ, aniŋ Yahuuda, fo labaŋo la a ye ì bayi ka bo a ñaatiliŋo la. Sedekiya naata balaŋo le tiliŋ Babiloni mansakewo la.

Yeremiya 38:23

N tententa ko, “Ì be ali la musoolu niŋ ali diŋolu bee samba la Babiloninkoolu ye le, aduŋ ite faŋo te kana la ì ma. Babiloni mansakewo be i muta la le, aduŋ ì be ñiŋ saatewo jani la le.”

Jabuuroolu 79:7

Kaatu ì ye Yaakuba koomoo kasaara le, ì ye ǹ na bankoo tumbuŋ.

Nehemiya 9:37

Ǹ na junuboolu le ye a tinna bankoo senefeŋo jamaa bee ka taa mansoolu yaa, i ye mennu marandi m̀ ma. Itolu le marata ǹ jaatoolu ma, aniŋ ǹ na beeyaŋolu, ko a diyaata ì ye ñaameŋ. M̀ be niitoora baa le kono.”

2 Taarika 36:13

Aduŋ fanaa, a ye balaŋo tiliŋ Mansa Nebukanesa la, meŋ ye a kalindi nuŋ Alla too la ka foroyaa a ma. A ye a faŋo kaŋo jandi, aduŋ a ye a jusoo fanaa jandi, a maŋ soŋ na muru la Yaawe kaŋ, Banisirayila la Alla.

Kiitindirilaalu 9:15

“Ŋaniŋ suŋo ko yiroolu ye ko, ‘Niŋ a ye a tara ali lafita nte le toloo la ka ke ali la mansa ti, wo to ali naa ali faŋ karafa n dubeŋo koto. Niŋ wo nte, dimbaa si bo m bala, a ye Libanooni sedari* yiroolu bee mala!’

1 Musa 49:10

Yahuuda niŋ mansayaa te fata la ñoo ma, a koomalankoolu be tu la maraloo la le, fo janniŋ maralilaa kuntiyo faŋo be naa la, meŋ, duniyaa moolu la buuñaa be tara la a ye.

Jabuuroolu 110:2

Yaawe be i la maraloo konoo fanundi la le ka bo Siyoni*. I be maraloo ke la i jawoolu kaŋ ne.

Esekiyeli 17:10

Hani niŋ a ye a tara, ì ye a tutu kotenke le, fo a be baluu noo la le ka yiriwaa baŋ? Niŋ tilibo foño kandoo ye a maa, fo a bee te noro la baŋ, ka a fee a ye noro wo kankaŋo kono a falinta daameŋ?”

Esekiyeli 20:48

Niŋ wo keta le, duniyaa bee be a loŋ na ko, nte Yaawe le ye ñiŋ dimbaa mala, moo te meŋ dubeŋ noo la.’ ”

Esekiyeli 26:17

Moolu be niikuyaa denkiloo le laa la i ye. Ì be a fo la i ye le ko: Tire, ite saatee too boriŋ baa le kasaarata teŋ baakono dookuulaalu be sabatiriŋ daameŋ to. Ite meŋ semboo warata baa kono, i niŋ i siilaalu, i dandanna moolu bee silata i la le nuŋ.