Esekiyeli 19:12 - Mandinka Bible

¹² Bari ì naata a wutu kamfaa le kono, ka a fayi duuma, tilibo foño kandoo ye a norondi. Ì ye a diŋolu bee wafu a bala. A juu bambandiŋo norota, dimbaa ye yiroo bee buruburu.

Esekiyeli 19:12 ပူးပေါင်းရင်းမြစ်များ

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.

Esekiyeli 17:10

Hani niŋ a ye a tara, ì ye a tutu kotenke le, fo a be baluu noo la le ka yiriwaa baŋ? Niŋ tilibo foño kandoo ye a maa, fo a bee te noro la baŋ, ka a fee a ye noro wo kankaŋo kono a falinta daameŋ?”

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Esekiyeli 19:11

A buloolu bambanta le ì ka ke noo mansa dokoo ti le faŋ. A suŋo jamfata fo a be naa saŋo maa la, a buloolu warata. A la jamfoo niŋ a yiribuloolu la siyaañaa, moo bee le ka a je noo.

Esekiyeli 15:4

A maŋ nafaa-wo-nafaa soto, fo ka a ke dimbaa malaraŋo ti doroŋ. Niŋ dimbaa ye a buloo neŋolu muta, a bee si hilihili fo teema, a ye fiŋ. Fo wo ye nafaa soto le baŋ?

Yeremiya 31:28

Bayiri koomanto ŋa ì juubee le, ŋa ì wutu, ka ì boyindi duuma, ka ì bondi ì noo to, ka ì kasaara, ka maasiiboo naati ì kaŋ. Bari m be a je la le ko, ŋa ì loo, ka ì tutu. Nte Yaawe le ye a fo.

Yohana 15:6

Niŋ moo meŋ maŋ tu nte kono, wo ka fayi banta le ko yiribuloo, a ye jaa. Ì ka wo yiribuloolu kafu ñoo ma le ka ì fayi dimbaa kono ka jani.

Matiyu 3:10

Saayiŋ teeraŋo be laariŋ yirisuloolu to le fokabaŋ. Wo kamma la yiri-wo-yiri meŋ maŋ diŋ betoo diŋ, wo be kuntu la le, aduŋ a be fayi la dimbaa kono le ka jani.

Esekiyeli 28:17

I naata i faŋ wara baake i la ñiiñaa kaŋ. I la ñaameŋo bee keta i ye kenseŋ ne ti i la sembe waroo kaŋ. Wo to le ŋa i fayi naŋ duuma. Ŋa i tu wo mansoolu ñaatiliŋo la, fo i si ke ì ye felefeŋo ti.

Yeremiya 22:30

Yaawe ye ñiŋ ne fo ko: “Ñiŋ kewo safee ko diŋ sotobaloo ti, kewo meŋ te ñaatotaa soto la a baluu tiloolu kono, kaatu a koomalanka kiliŋ te ñaatotaa soto la, ka ke Yahuuda mansa ti, Dawuda la mansasiiraŋo kaŋ.”

Jabuuroolu 80:16

Jawoolu ye a kuntu duuma le, ì ye dimbaa duŋ a la. Allamaa i kamfaatoo ye ì juubee, i ye ì kasaara.

Jabuuroolu 52:5

Bari Alla be i kasaara la le fereŋ, a ye i wafati ka i bondi i la suwo kono. A be i suloo wutu la le ka bo duniyaa baluwo to. S

2 Mansoolu 24:6

Bituŋ Yehoyakimu naata faa, a kafuta a mumuñolu ma, aduŋ a dinkewo Yehoyahini keta a noo to mansa ti.

2 Mansoolu 23:34

Firawoona Neko ye Eliyakimu ke a faamaa Yosiya noo to mansa ti, aduŋ a ye a too faliŋ ka a ke Yehoyakimu ti. A naata Yehohasi samba Misira, bituŋ Yehohasi faata jee.

2 Mansoolu 23:29

Yosiya la mansayaa waatoo kono Misira mansa Firawoona Neko naata le ka keloo ke Asiriya mansa ye Yufurati Boloŋo to. Bituŋ Mansa Yosiya wulita ka taa a benduŋ keloo la, bari Firawoona Neko niŋ a benta le, a ye a faa Mekido.

5 Musa 32:22

N na kamfaa be mala la naŋ ne ko dimbaa, ka duniyaa jani fo fureeduu to, ka duniyaa niŋ a fiifeŋolu bee domo, ka taa wo la fo konkoolu fondamaŋolu to.

5 Musa 29:28

Yaawe jusubojawuta ì kamma, a kamfaatoo ye ì wutundi ì la bankoo kaŋ, a ye ì fayi bankoo doo kaŋ, ko a be ñaameŋ saayiŋ.”

Yesaya 27:8

Hanii, Yaawe ye ì jarabi le ka ì bayi ka tara mutoo kono. A ye ì bayi a la kamfaa le kono, ko niŋ foño kandoo ka bo tiliboo la.

Niikuyaa Suukuwolu 2:1

Ayiwaalii! Maariyo la kamfaa kamma la, a ye tawali dibiriŋo le wanka Siyoni* moolu kunto. A ye Banisirayila darajoo jindi bankoo to le, ka bo naŋ saŋo santo. A ye Siyoni muta le ko, a siŋ looraŋo le mu nuŋ, bari saayiŋ a ye a hakiloo bo a kaŋ ne, a la kamfaa waatoo la.

Yunusa 4:8

Kabiriŋ tiloo wulita, Alla ye foño kandoo bondi naŋ tilibo karoo la fo Yunusa lafita ketu la, feŋ teŋ fo tiloo la finjaloo meŋ be tilindiŋ a kuŋo to. Bituŋ feŋ ne maŋ diyaa a ye nuŋ fo saayaa. A ko, “Ŋa faa, wo le fisiyaata n ye baluwo ti.”

Esekiyeli 15:2

“Ite hadamadiŋo, fo wayini* yiribulu jaaroo kummaayaata yiri doolu ti le baŋ? Fo a buloolu fisiyaata yiribulu doolu ti le baŋ?