Esekiyeli 19:10 - Mandinka Bible

¹⁰ “I baamaa ka muluŋ ne ko yiri kendoo yiri kankaŋo kono, jiyo siyaata daameŋ. A ka diŋ jamaa le diŋ, bulu jamaa ka soroŋ a bala, feŋ teŋ fo jiyo la siyaa kamma.

Esekiyeli 19:10 ပူးပေါင်းရင်းမြစ်များ

5 Musa 8:7

Yaawe be ali samba kaŋ banku kendoo le kaŋ, boloŋolu niŋ baalu be daameŋ to, ì jiyo ka woyi naŋ konkoolu santo le, ka jii wulumbaŋolu kono.

Hoseya 2:5

Kaatu ì baamaa ye cakayaa le ke, ate, meŋ ye ì konoo taa, a ye malubaliyaa le ke. A ka a fo le ko, ‘M be bula la n kanuntewolu nooma le. Itolu le ka domoroo niŋ jiyo dii n na, sitifeŋolu, olifu* tuloo aniŋ wayinoo*.’

Hoseya 2:2

“Ali ali baamaa jalayi, a maŋ ke n na musu ti kotenke, m maŋ ke a kee ti. Ali a jalayi, fo a si i dahaa cakayaa la, a ye jeenoo bula.

Esekiyeli 19:2

ka a fo ko: I baamaa keta nuŋ jatamusoo le ti jatoolu kono. A ka i laa jatandiŋolu le kono, ka a diŋolu topatoo jee.

Esekiyeli 17:6

A soronta, a keta yiri woyilaa ti, a woyita duuma, ka janjaŋ karoo bee la. A ye a buloolu fayi ka ì tiliŋ sontiŋo maafaŋo la, a suloolu tuta a be tuturiŋ daameŋ. Bituŋ a keta yiri kendoo ti, buloolu niŋ jamboolu soronta a bala.

5 Musa 8:9

Konkoo te ali muta la jee muumeeke, waraŋ ka dasa feŋ na. Jee beroolu ye newo soto ì kono le, aduŋ ali si jaawaloo siŋ noo a konkoolu to le.

Yohana 15:1

“Nte le mu wayini* yiri tooñaa ti, aduŋ m Faamaa le mu kankaŋ dookuulaa ti.

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.

Jabuuroolu 128:3

I la musoo be ke la i la suwo kono le, komeŋ yiri dinnaa baa. I diŋolu be ke la i la domori miraŋo dandaŋo la le, komeŋ yiri faliŋ kutoolu.

Esekiyeli 19:13

Saayiŋ ì ye a tutu keñewuloo* le kono, bankoo meŋ be jaariŋ, jii te jee.