Esekiyeli 17:3 - Mandinka Bible

³ a fo ì ye, nte Yaawe ì Maariyo ye ñiŋ ne fo ko: Sontiŋ baa doo le sotota nuŋ. A dampaŋolu warata, a ye semboo soto. A tiyolu siyaata, ì jaŋayaata, aduŋ kuloori siifaa jamaa le be a bala. A naata Libanooni. A tiita fo sedari* yiroo turoo to,

Esekiyeli 17:3 ပူးပေါင်းရင်းမြစ်များ

Yeremiya 24:1

Yaawe* ye n jerindi sooto diŋ sinsiŋ fula le la, ì tarata looriŋ a Batudulaa Buŋo* ñaatiliŋo la. Wo tumoo ye a tara le Babiloni mansakewo Nebukanesa ye Yahuuda mansakewo Yehoyahini, Yehoyakimu dinkewo samba mutoo kono ka bo Yerusalaamu. A ye a niŋ Yahuuda maralilaalu le samba ñoo la Babiloni, ka taa bulukalaŋ dookuulaalu, aniŋ tunkannaalu.

Yeremiya 4:13

A juubee, jawoolu be naa kaŋ ne komeŋ saŋ tawaloolu, ì la keleraŋ sareetoolu* ka munta ko saafoñotoo, ì la suwoolu tariyaata ka tambi seeliŋolu la. Kooroo boyita ǹ kaŋ ne, ǹ kenseŋo tuta.

Yeremiya 48:40

Yaawe ye ñiŋ ne fo ko: “A juubee, jawoolu tariyaariŋo be tii la naŋ ne ko seeliŋo, ì ye ì dampaŋolu waree Mowabi kamma.

Niikuyaa Suukuwolu 4:19

Seeliŋo tiitoo, m̀ bayindilaalu le tariyaata wo faŋo ti. Ì ye m̀ bayindi konkoolu kaŋ, ì bitita ǹ kamma keñewuloo kono.

Esekiyeli 17:4

a ye a turoo kuntu, a ye a samba juloolu la bankoo kaŋ, a ye a tutu safaarilaalu la saatewo le to.

Esekiyeli 17:7

“Bari sontiŋ baa doo le fanaa be jee, a dampaŋolu warata, a tiyolu siyaata. Saayiŋ ñiŋ yiroo yelemata, a ye a suloolu tiliŋ wo sontiŋ doo maafaŋo la, ka bo wo kankaŋo kono, ì ye a fii daameŋ, a ye a buloolu fayi ka tiliŋ a la fo a si jiyo soto noo a bulu.

Esekiyeli 31:3

A fele, m be i misaali la le ko Libanooni sedari* yiroo meŋ buloolu niŋ a jamboolu ñiiñaata, ì ñukuñukuta ka dubeŋo dii sutoo kono, a suŋo jaŋayaata santo, fo a turoo be naa minaayoolu maa la.

Daniyeli 2:38

A ye i ke maralilaa le ti moolu bee kunna, daafeŋolu, aniŋ kunoolu, duniyaa daa-wo-daa. Ite le mu wo sani kuŋo ti.

Daniyeli 4:22

“M maarii Mansa, wo yiroo mu ite le ti. I warata le, i bambanta. I la mansayaa warata le, fo a futata saŋo ma, aduŋ i la semboo futata duniyaa karoo bee la le.

Daniyeli 7:4

Daafeŋ foloo ka munta le ko jatoo, aduŋ seeliŋ dampaŋolu le be a la. Kabiriŋ m be juubeeroo la, feŋ ne ye a dampaŋolu wutu, aduŋ ì ye a sikandi ka bo bankoo to, ì ye a londi a siŋ fuloo la, komeŋ hadamadiŋo. Ì ye hadamadiŋ hakiloo ke a la.

Hoseya 8:1

Yaawe* ko, “Binoo ye fee! Jawoolu ka jii n na bankoo kaŋ ko seeliŋo, kaatu n na moolu ye n niŋ ì la kambeŋo tiñaa le, ì balanta n na yaamaroolu la.

Habakuki 1:8

Ì la suwoolu le tariyaata ka tambi soloo la, aduŋ itolu le ñamoo fatiyaata ka tambi suluu konkoriŋo la. Ì la suu borindilaalu si bo naŋ dulaa jaŋ, ì la suwoolu sinkaŋo be kuma la bankoo kaŋ. Ì tariyaatoo si ì jawoolu waliŋ keloo la ko niŋ seeliŋo be jii la suboo kaŋ duuma.

Matiyu 24:28

Feŋ furewo be daa-wo-daa to, duwoolu ka jii jee le to.

Matiyu 4:24

A la kuwo kibaaroo janjanta Siriya tundoo bee kaŋ. Bituŋ moolu naata ka kuurantoolu bee samba a ye naŋ, mennu ye saasaa siifaa jamaa soto waraŋ dimoo, ì niŋ seetaanitoolu, wayitoolu aniŋ namatoolu, aduŋ a ye ì kendeyandi le.

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.