Esekiyeli 17:20 - Mandinka Bible

²⁰ “M be n na jaloo laa la a ye le, aduŋ a be duŋ na n na jaloo daa le. M be a samba la Babiloni le, n niŋ a ye kiitii jee, kaatu a ye foroyaabaliyaa le ke n na.

Esekiyeli 17:20 ပူးပေါင်းရင်းမြစ်များ

2 Samuweli 18:9

Saayiŋ Abusalomu terenta Dawuda la kewolu ma. A be a la bahalewo* le borindi kaŋ nuŋ. Bituŋ kabiriŋ bahalewo dunta yiri baa bulu dibiriŋolu koto, Abusalomu kuntiñoo sakita yiribuloo bala. A tuta sakiriŋ foñoo kono, wo ye a tara bahalewo kenseŋo be bori la ka taa.

2 Taarika 33:11

Bituŋ Yaawe ye Asiriya mansa la kelediŋ kuntiyolu bula naŋ ì kaŋ. Ì ye Manase muta, ì ye dooliŋo bula a nuŋo la, ì ye a siti jaawali joloo la ka a samba Babiloni.

Yuuba 10:16

Niŋ ŋa n sañoo wulindi, i ye tara n deema kaŋ komeŋ jatoo, i ye n toorandi kotenke i sembe kaawakuwo la.

Kawandilaa 9:12

Moo le buka a loŋ a la waatoo be sii la waati meŋ na: Ko ñewo ka saŋara duŋ jaloo daa ñaameŋ, waraŋ ko kunoo ka duŋ ŋaliŋo daa ñaameŋ, maasiiboo fanaa ka barambarantoo boyi hadamadiŋo kaŋ wo le ñaama.

Yeremiya 2:35

i ka a fo ko i maŋ kuu ke. I ko a be koyiriŋ ne ko, nte Yaawe maŋ tara kamfaariŋ i kamma. Bari a juubee, m be i kiitindi la le, bayiri i ko i maŋ junube ke.

Yeremiya 2:9

Yaawe le ye ñiŋ fo ko: “Wo to nte niŋ ali be janjuŋ na le. Janjuŋo, n niŋ ali diŋolu, aniŋ ali mamariŋolu be wo le ke la.

Yeremiya 34:21

Aduŋ Yahuuda mansakewo Sedekiya wo, aniŋ a la maralilaalu, m be ì duŋ na ì jawoolu bulu le mennu be ì niyolu nooma. M be ì duŋ na Babiloni mansakewo la kelediŋolu bulu le, hani niŋ ì ye keloo baayi fo waatindiŋ.

Yeremiya 37:17

Mansa Sedekiya naata kiilaa kii, ì ye n samba a ye naŋ a la mansasuwo kono. Jee to, a ye n kullootoo ñininkaa ko, “Fo i ye kuma le soto Yaawe bulu baŋ?” Ŋa a jaabi ko, “Haa, ŋa kumoo soto le.” N tententa ka a fo a ye ko, “I be duŋ na Babiloni mansakewo bulu le.”

Yeremiya 50:44

Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, kantari kene kendoolu to, m be a moolu bayi la bankoo kaŋ wo ñaama le, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Niikuyaa Suukuwolu 1:13

“Nte Yerusalaamu saatee senuŋo! Yaawe ye dimbaa le kupi n kaŋ, a la janoo dunta fo n kuloo kono. A ye kutindiŋo le laa n ñaato, a ye n yelemandi n koo la, a ye n kenseŋo tu, a ye n tu keturiŋ las.

Niikuyaa Suukuwolu 4:20

Teŋ neŋ, ì ye ǹ na baluwo topatoolaa muta, Yaawe la tomboŋ mansakewo, ì la dinkoolu kono, ǹ ka a fo meŋ ye nuŋ ko, banku koteŋolu si a je, a ye ke ǹ ye dubeŋo ti, aniŋ ǹ tankadulaa.

Esekiyeli 12:13

Wo to le m be n na jaloo fayi la a kaŋ. M be a muta la wo le la, ŋa a samba naŋ Babiloni saatewo to, Babiloni bankoo kaŋ. A te a taa dulaa je la, aduŋ a be faa la jee le to.

Esekiyeli 15:8

M be wo bankoo ke la tumbuŋo le ti, baawo jee moolu foroyaabaliyaata m ma le.” Maarii Yaawe le ye a fo.

Esekiyeli 17:19

Maarii Yaawe ye ñiŋ ne fo ko: “A be koyiriŋ ñaameŋ ko nte be baluuriŋ ne, m be mantooroo le laa la a kaŋ, kaatu a ye n na kambeŋo le tiñaa, a ye i kali n ye meŋ na.

Esekiyeli 18:24

“Bari niŋ moo tilindiŋo ye i foño a la kuu tilindiŋ kewo la, a ye a dati ka kuu jawoolu niŋ kuu haraamuriŋolu ke, ko moo kuruŋolu ka a ke ñaameŋ, fo a ñanta baluu la le baŋ? A ye kuu kendoolu mennu bee ke, n hakiloo te bula la hani kiliŋ na. Kaatu a la tilimbaliyaa le ye a la boyoo saabu, a ye kuu jawoolu mennu ke, wo le be a faa la.

Esekiyeli 32:3

Maarii Yaawe ye ñiŋ ne fo ko: “M be n na kuruntu jaloo fayi la i kaŋ ne, ŋa i muta, kafu baa ye i saba naŋ tintoo la

Esekiyeli 38:22

A ko: “M be wo kiitiyo le laa la Kooki kaŋ. M be alibalaa kuuraŋo niŋ yeleboŋ jawu le naati la Kooki niŋ a la kelediŋ kafu baa aniŋ a deŋñoolu bee kaŋ. M be samaajiyo waamemaa le jindi la naŋ ì kaŋ, saŋ beroolu, dimbaa aniŋ solifa munkoo*.

Hoseya 2:2

“Ali ali baamaa jalayi, a maŋ ke n na musu ti kotenke, m maŋ ke a kee ti. Ali a jalayi, fo a si i dahaa cakayaa la, a ye jeenoo bula.

Hoseya 7:12

Ì la ñiŋ taa niŋ naa kono, m be n na jaloo fayi la ì kaŋ ne, ŋa ì jindi naŋ ko kunoo. Ŋa ì jarabi, ko a kankulaata ì la bendulaa to ñaameŋ.

Mika 6:2

Ali i lamoyi, alitolu konkoolu, alitolu duniyaa fondamaŋolu mennu be tu la fo abadaa. Ali i lamoyi Yaawe la kiitiyo la, a ye meŋ landi a la moolu kamma, Banisirayilankoolu, a niŋ ì ka taa loo kiitii kenoo le to.

Luka 21:35

A be naa la moo bee le kaŋ, mennu be baluuriŋ ñiŋ duniyaa kono.