Esekiyeli 16:8 - Mandinka Bible

⁸ “N naata tambi i maafaŋo la kotenke, a fele, ŋa a je ko, i siita futuwo ma le. Ŋa n na waramboo tuloo muuri i kaŋ ka i sutura. Ŋa m faŋo londi i ye, n niŋ i ye kambeŋo siti, i keta n taa ti.” Maarii Yaawe le ye a fo.

Esekiyeli 16:8 ပူးပေါင်းရင်းမြစ်များ

1 Musa 22:16

a ko a ye ko, “Yaawe ye ñiŋ ne bankee ko, ‘N kalita m faŋo le la i la ñiŋ kuwo kewo kaŋ: bayiri i maŋ i dinkee kiliŋo siyaa n ye sadaa ti,

2 Musa 15:16

kija kuntoo aniŋ silaŋo le be boyi la ì kaŋ. Hee, Yaawe, kabiriŋ i la moolu be tambi kaŋ, i la moolu, i ye mennu bondi joŋyaa kono, ì jawoolu tuta tenkundiŋ ne komeŋ beroo.

2 Musa 32:13

I hakiloo si tara i la dookuulaalu kaŋ, mennu keta Iburayima, Isiyaaka, aniŋ Yaakuba ti, i faŋo kalita mennu ye, ka a fo ì ye ko, ‘M be ali koomalankoolu siyandi la le komeŋ looloolu, aduŋ ŋa ali laahidi bankoo meŋ na, m be a bee dii la ali koomalankoolu la le. A be ke la ì taa le ti fo abadaa.’ ”

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.

Yesaya 43:4

M be moolu ke la ali ye jooroo ti le, ka banku koteŋo moolu ke ali ye kumakaaraŋo ti, kaatu ali kummaayaata m fee le, ali keta n na horoma moolu ti, ŋa ali kanu le famfaŋ.

Yeremiya 31:3

Yaawe ye a faŋ lankenemayandi Banisirayila ye le biriŋ koomanto, a ko: “Ŋa ali kanu niŋ badaa-badaa kanoo le la, aduŋ n tententa n na kanu bambaloo kaŋ ali ye le.

Yeremiya 31:32

A te ke la ko ŋa kambeŋo meŋ siti n niŋ ì mumuñolu teema, kabiriŋ ŋa ì tambindi ka ì bondi naŋ Misira bankoo kaŋ. N keta ì ye le komeŋ ì keemaa le mu n ti, bari hani wo ì ye n na kambeŋo tiñaa le.” Yaawe le ye a fo.

Esekiyeli 16:6

“Biriŋ m be tambi la, ŋa i je i be yelemaŋ-yelemaŋ na i faŋo yeloo kono. Biriŋ i be laariŋ i yeloo kono, n ko i ye ko, ‘Baluu.’

Hoseya 11:1

Yaawe* ko: “Biriŋ Banisirayila la dindiŋyaa waatoo le mu, ŋa a kanu. Ka bo Misira, ŋa n dinkewo kili naŋ.

Hoseya 2:15

Wo koolaa, m be a la wayini yiri kankaŋolu murundi la a ma le, ŋa Akori Wulumbaŋo ke jikoo bundaa ti. Jee to, a be soŋ na m ma le, ko a la fondinkeeyaa waatoo la, ko waatoo meŋ, a bota naŋ Misira.”

Hoseya 2:7

A si a tuluŋñoolu bayindi, bari a te ì soto noo la, a si ì ñini, bari a te ì je noo la. Bituŋ a si a fo ko, ‘M be taa le, ŋa muru n kee foloo kaŋ, n wo waatimaa le fisiyaata n saayimmaa ti.’

Malaki 1:2

Yaawe ye ñiŋ ne fo ko, “Alitolu Banisirayilankoolu, ali a loŋ ko ŋa ali kanu le.” Bari ali ye ñiŋ ne fo ko, “I ye ntolu kanu ñaadii le?” Wo to le Yaawe ko ì ye ko, “Fo Esawu maŋ ke Yaakuba kotoomaa ti baŋ? Bari ŋa Yaakuba le kanu.

Roomankoolu 5:8

Bari Alla ye a yitandi le, a ye ǹ kanu ñaameŋ: M̀ mu junubelaalu ti tumoo meŋ na, Kiristu faata ǹ ye.

5 Musa 4:31

Yaawe le mu Alla ti meŋ hiinanteeyaata. Wo kamma la, a te i bo la ali to, waraŋ ka ali kasaara. A te ñina la kambeŋo la, a ye i kali ali mumuñolu ye meŋ na.

Ruti 3:9

A ko a ye ko, “Jumaa le mu ite ti?” Ruti ye a jaabi, “Nte le mu Ruti, i la dookuulaa. I la waramboo tuloo fayi n kaŋ, baawo i fanaa mu ǹ niimoosaatalaa* le ti.”

1 Samuweli 12:22

Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.