Esekiyeli 16:60 - Mandinka Bible

⁶⁰ “Hani wo n hakiloo be bula la kambeŋo la le, n niŋ i ye meŋ siti, kabiriŋ i la fondinkeeyaa waatoo, aduŋ n niŋ i be kambeŋ bambandiŋo le siti la fo abadaa.

Esekiyeli 16:60 ပူးပေါင်းရင်းမြစ်များ

Hiburunkoolu 12:24

Ali naata Yeesu le kaŋ, meŋ mu kanjurilaa ti kambeŋ kutoo ye, a niŋ a yeloo meŋ sariŋ-sarinta. Wo le ka hiinoo la kumoolu fo ka tambi Haabiila yeloo la.

Hiburunkoolu 8:10

“M be kambeŋ kutoo meŋ siti la n niŋ Banisirayila teema, niŋ wo luŋolu tambita, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.” Maariyo le ye a fo.

Esekiyeli 16:8

“N naata tambi i maafaŋo la kotenke, a fele, ŋa a je ko, i siita futuwo ma le. Ŋa n na waramboo tuloo muuri i kaŋ ka i sutura. Ŋa m faŋo londi i ye, n niŋ i ye kambeŋo siti, i keta n taa ti.” Maarii Yaawe le ye a fo.

Yeremiya 50:5

Ì be Siyoni* siloo ñininkaa la le, ì ye ì kuŋ tiliŋ jee la. Ì be naa le ka ì faŋ seyi nte Yaawe ma, ka bo niŋ badaa-badaa kambeŋo la, ì te ñina la meŋ na.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Jabuuroolu 106:45

Ì la kuwo kamma la a ye i miira a la kambeŋo la le a niŋ ì teema, aduŋ a sabarita le, a la kanu bambaloo la waroo kamma la.

3 Musa 26:42

Wo to le n hakiloo si muru n na kambeŋo kaŋ, meŋ be n niŋ Yaakuba teema, Isiyaaka, aniŋ Iburayima, aduŋ n hakiloo be muru la bankoo fanaa la kuwo kaŋ ne.

Hiburunkoolu 13:20

Alla meŋ ka kayiroo dii, ŋa a daani ali ye le. Ate le ye m̀ Maarii Yeesu wulindi ka bo saayaa kono ka baluu kotenke. Ñiŋ Yeesu naata ke Kantarilaa Baa le ti ntolu ye, a la saajiyolu, ka bo niŋ a faŋo yeloo la, meŋ mu yeloo ti a la badaa-badaa kambeŋo ye.

Luka 1:72

A ye balafaa yitandi ǹ na, ko a ye a laahidi m̀ mumuñolu ye ñaameŋ. A hakiloo bulata a la Kambeŋ Senuŋo la le,

Hoseya 2:15

Wo koolaa, m be a la wayini yiri kankaŋolu murundi la a ma le, ŋa Akori Wulumbaŋo ke jikoo bundaa ti. Jee to, a be soŋ na m ma le, ko a la fondinkeeyaa waatoo la, ko waatoo meŋ, a bota naŋ Misira.”

Yeremiya 2:2

n si taa Yerusalaamu, ŋa kankulaaroo ke, ì tuloolu ye a moyi ko: “Yaawe hakiloo muruta le, Banisirayila foroyaata ñaameŋ biriŋ a be dindiŋ, a maañoo kutamaa ye Yaawe kanu ñaameŋ. A bulata a nooma keñewuloo* kono le, wo banku senebaloo.

Jabuuroolu 105:8

A ka tu a la kambeŋo mutariŋ ne fo abadaa. A ka a la laahidoolu muta le hani fo jamaani wuliwuloolu la.

2 Samuweli 23:5

Fo n na dimbaayaa maŋ tiliŋ Alla fee baŋ, kaatu a niŋ ŋa kambeŋo le siti fo abadaa, jikoo meŋ te buruka la. A be maakoyiri baa le ke la n ye. N lafita meŋ-wo-meŋ na, fo Alla te m maakoyi la, a ye ke baŋ?

3 Musa 26:45

Meŋ be beteyaa la ali to, m be wo le ke la ali ye, ka n hakiloo murundi n na kambeŋo kaŋ n niŋ ali mumuñolu teema, ŋa mennu bondi naŋ Misira bankoo kaŋ, banku koteŋ moolu bee ñaa ye a je. Ŋa wo ke le ñiŋ kamma la n si ke ali la Alla ti. Nte le mu Yaawe ti.

1 Musa 9:15

n hakiloo be bula la n na kambeŋo la, meŋ be n niŋ ali teema, aniŋ niilamaa feŋolu bee. Waamoo te ke la kotenke ka niilamaa feŋolu bee kasaara.

Esekiyeli 34:25

“N niŋ n na moolu be kayira kambeŋo le siti la. M be wulakono daafeŋ jawoolu bee bondi la ì ye bankoo kaŋ ne, i si a je n na moolu si tara kayiroo kono, ka i laa noo ka siinoo kayira kono wo keñewuloo* niŋ wula kaamaa kono.

Yesaya 14:1

Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.

Yesaya 61:8

Yaawe ko: “Nte ye kiitii tilindiŋo le kanu, ŋa suuñaaroo niŋ junube kuwo koŋ ne. M be n na moolu joo la niŋ tiliŋo siloo le la, n niŋ ì ye badaa-badaa kambeŋo siti.