Esekiyeli 16:29 - Mandinka Bible

²⁹ I ye i la cakayaa tentendi Babiloni, meŋ mu juloolu la bankoo ti, bari hani wo ñaa-wo-ñaa i maŋ wasa.”

Esekiyeli 16:29 ပူးပေါင်းရင်းမြစ်များ

2 Mansoolu 21:9

Bari Yahuuda moolu maŋ soŋ Yaawe ma, aduŋ Manase ye ì duŋ junube jawu baalu kewo to le, ka tambi bankoo moolu la, Yaawe ye mennu kasaara Banisirayilankoolu ye.

1 Musa 38:24

Kari saba ñaato, ì naata a fo Yahuuda ye ko, “I bitammusoo Tamara ye cakayaa le ke, fo a ye konoo soto a la.” Bituŋ Yahuuda kumata ko, “Ali a fintindi banta ka a jani.”

Esekiyeli 16:28

“I niŋ Asiriyankoolu fanaa ka cakayaa ke le, kaatu a buka i sii, bari hani wo bee koolaa i maŋ wasa.

Esekiyeli 16:30

Maarii Yaawe ye ñiŋ ne fo ko: “I ñoŋ moo kee landiyo! I ka caka malubaloolu maañaa le ke,

Yeremiya 3:1

A fota le ko: “Niŋ kewo ye a la musoo bula, musoo bota a bulu, a naata ke kee doo la musoo ti, fo a si muru noo a kamma baŋ? Fo wo kuu siifaa te bankoo bee le kosondi la baŋ? Bari ite Banisirayila niŋ jamaa le be cakayaa kanoo la, silaŋ i si muru noo nte Yaawe* kaŋ ñaadii le?” Yaawe le ye a fo.