Esekiyeli 16:24 - Mandinka Bible

²⁴ ka caka buŋolu loo i faŋo ye, aniŋ ka jalaŋ batudulaalu loo saatee bantabaalu bee to.

Esekiyeli 16:24 ပူးပေါင်းရင်းမြစ်များ

Esekiyeli 16:39

Bituŋ ŋa i duŋ i laañoolu bulu, ì ye i la caka buŋolu bee boyi, aniŋ ka i la jalaŋ batudulaalu bee kasaara. Ì be i la duŋ feŋolu wura la i bala le, ì ye i la ñara ñiimaalu bee buusi i la, ì ye i kenseŋo fili looriŋ.

Esekiyeli 16:31

kaatu i ye caka buŋolu le loo saatee mbeedi tonkoŋolu bee to, aniŋ i ye jalaŋ batudulaalu loo bantabaalu to. Hani wo i niŋ caka-wo-caka le maŋ muluŋ, kaatu i buka soŋ moo ye i joo.

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yesaya 57:7

Banisirayila, ite cakoo! I ye i la laaraŋo loo konko jaŋ baa le kaŋ. I taata jee le ka i la beeyaŋ sadaalu bondi.

Jabuuroolu 78:58

Ì ye a la kamfaa wulindi le, ka bo niŋ ì la jalaŋ batudulaa tintiŋolu* la. Ì la kuwo ye a kiiliyandi jawuke le, ì la jalaŋ leseriŋolu kamma la.

Yeremiya 3:2

A ko: “I ñaa wuli i ye konkoolu kaŋ juubee baŋ! Fo wo dulaa le be jee, ì maŋ i laañooyaa daameŋ? I ka sii sila dandaŋolu le la, ka tara baturoo la, i niŋ meŋ be kanoo ke la, i ka munta ñapinkannaa meŋ ka biti moolu kamma keñewuloo* kono. I ye bankoo kosondi le, ka bo i la cakayaa niŋ kuruŋyaa la.

Yeremiya 17:3

aniŋ konko baalu kaŋ, kene fanuŋolu to. M be ali la naafuloo niŋ ali la sotofeŋolu bee dii la ali jawoolu la ñapinkaŋ feŋo le ti, ka ke ali la junuboo joo ti, ali ye mennu ke ali la bankoo fannaalu bee la.

Yesaya 57:5

Ali ka tara jarabiriŋ jalaŋolu le nooma, yiri baalu niŋ yiri biireeriŋolu koto. Ali ka ali diŋolu kanateyi le ka ke sadaalu* ti, wulumbaŋolu niŋ berehuwolu kono.

3 Musa 26:30

M be ali la batudulaa tintiŋolu* buruka la le, ŋa ali la cuuraayi siisindidulaalu teyi, ka ì boyindi. M be ali furewolu jurumi la ñoo kaŋ ne, ali la jalaŋ kenseŋolu kaŋ, mennu maŋ nii soto, aduŋ m be ñewuŋ na ali la le.

1 Mansoolu 14:23

Itolu fanaa ye jalaŋ batudulaalu loo ì faŋolu ye, jalaŋ bere looriŋolu aniŋ Asera jalaŋ doko looriŋolu, konkoolu bee kaŋ aniŋ yirisuŋ biireeriŋolu bee koto.

Yeremiya 11:13

Ì la jalaŋolu be siyaariŋ ne ko ì la saatewolu. Wo Baali* jalaŋo meŋ na kuwo mu malu baa ti, ì ye cuuraayi siisindidulaalu mennu loo a ye, ì siyaata le ko Yerusalaamu mbeedoolu.”

Esekiyeli 16:23

Maarii Yaawe ye ñiŋ ne fo ko: “Kooroo le be boyi la i kaŋ. Kaatu i ye kuu jawu doolu le lafaa i la ñiŋ kuu kuruŋolu kaŋ,

2 Taarika 21:11

Ñiŋ bee koolaa, a ye jalaŋ batudulaa tintiŋolu* dadaa Yahuuda konkotundoo* kaŋ, aduŋ moolu mennu be sabatiriŋ Yerusalaamu, a ye wolu duŋ foroyaabaliyaa to, a ye Yahuuda filindi Alla la.

2 Taarika 28:25

Yahuuda saatee-wo-saatee, a ye jalaŋ batudulaa tintiŋolu* loo jee ka sadaalu bo alloolu ye jee. Wo ye Yaawe, a mumuñolu la Alla jusubondi le.