Esekiyeli 15:3 - Mandinka Bible

³ Fo moo si wo bulu jaaroolu dadaa noo feŋ ti le baŋ? Moo buka a ke, hani feŋ dendaŋo ti faŋ.

Esekiyeli 15:3 ပူးပေါင်းရင်းမြစ်များ

Maaka 9:50

Koo beteyaata le, bari niŋ a foota a la kuniyaa la, ali be wo ke noo la koo ti ñaadii le kotenke? Ali koo soto ali faŋolu kono, aduŋ ali si kayiroo soto ñoo ye!”

Matiyu 5:13

“Alitolu le mu duniyaa la koo ti. Bari niŋ koo foota a la kuniyaa la, a be ke noo la koo ti ñaadii le kotenke? A maŋ nafaa soto fo ka a fayi banta, daameŋ moolu siŋolu be dori la a kaŋ.

Yeremiya 24:8

Yaawe ko: “Bari ko wo sooto tiñaariŋolu be ñaameŋ, mennu te domo noo la, m be Yahuuda mansakewo Sedekiya ke la wo le ñaama, a niŋ a la maralilaalu, ka taa Yerusalaamu moo toomaalu mennu tuta Yahuuda bankoo kaŋ jaŋ, aniŋ mennu be siiriŋ Misira bankoo kaŋ.

Kiitindirilaalu 4:21

Bari Yaweli, Heberi la musoo ye tiriliisoo looraŋ pikaloo le sika, a ye maritoo taa. Kabiriŋ Sisera siinoota a bataariŋo, a yukuyukuta kuuke, a ye ñiŋ pikaloo pempeŋ a kuŋo kono, fo a nakita bankoo la. Bituŋ a faata.

Esekiyeli 15:2

“Ite hadamadiŋo, fo wayini* yiribulu jaaroo kummaayaata yiri doolu ti le baŋ? Fo a buloolu fisiyaata yiribulu doolu ti le baŋ?

Esekiyeli 15:4

A maŋ nafaa-wo-nafaa soto, fo ka a ke dimbaa malaraŋo ti doroŋ. Niŋ dimbaa ye a buloo neŋolu muta, a bee si hilihili fo teema, a ye fiŋ. Fo wo ye nafaa soto le baŋ?