Esekiyeli 14:3 - Mandinka Bible

³ “Ite hadamadiŋo, ñiŋ moolu sondomoolu be looriŋ ì la jalaŋolu le kaŋ, ì ka mennu batu, meŋ ka a tinna ì ka tilimbaliyaa kuwolu ke. Wo to, fo ì ye a miira, niŋ ì ye n ñininkaa feŋ na, m be ì danku la le baŋ?

Esekiyeli 14:3 ပူးပေါင်းရင်းမြစ်များ

2 Mansoolu 3:13

Elisa ko Banisirayila mansa Yoramu ye ko, “Nte niŋ ite maŋ kuu kafu. Taa i faamaa waraŋ i baamaa la annabiyomoolu yaa.” Bari Banisirayila mansa ko Elisa ye ko, “Hanii, wo nte. Yaawe le ye ntolu mansa saboo bee kafu ñoo ma, ka ǹ duŋ Mowabi bankoo moolu bulu.”

Jabuuroolu 101:3

N te soŋ na n ñaa ye tara kuu jawu kewo kaŋ. Ŋa moo badaliriŋolu kekuwolu koŋ ne, n te soŋ na wo la muk.

Jabuuroolu 66:18

Niŋ ŋa n ñaa laa n na junuboolu kaŋ nuŋ, tennuŋ Maariyo te i lamoyi la n na.

Kuma Kotoomaalu 15:29

Yaawe ka jamfa moo jawoolu la le, bari a ka moo kendoolu la duwaa jaabi le.

Kuma Kotoomaalu 15:8

Moo jawoo la sadaa* mu Yaawe tanoo le ti, bari a ka seewoo le, ka moo tilindiŋo la duwaa muta.

Kuma Kotoomaalu 21:27

Moo kuruŋo la beeyaŋ sadaa* konta le, sako niŋ a maŋ a bondi niŋ ŋaniya senuŋo la.

Kuma Kotoomaalu 28:9

Moo-wo-moo balanta ka luwaa nooma, hani a la duwaa faŋo konta le.

Yesaya 1:15

Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

Yesaya 33:15

Moo meŋ kekuwolu tilinta, aniŋ a fokumoolu ka ke tooñaa ti, meŋ buka sotoo ke tapaleeyaa kono, meŋ buka dukoo muta, meŋ ka a tuloo kaasi feeroolu la ka moo faa, aniŋ ka a ñaa kaasi kuu kuruŋ kewo la,

Yeremiya 11:11

Wo kamma la Yaawe ye ñiŋ ne fo ko, “A juubee, m be kuu jawoo le naati la ì kaŋ ì te kana noo la meŋ ma. Hani ì si kumboo n ye, n te n lamoyi la ì la.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Yeremiya 21:2

“Dukaree, Yaawe ñininkaa ǹ ye, kaatu Babiloni mansakewo Nebukanesa be pareeriŋ ne ka m̀ boyinkaŋ keloo la. Tumandoo Yaawe be kaawakuwo ke la ǹ ye le ko, a ye a ñoŋ jamaa ke ñaameŋ koomanto. Niŋ wo keta, a be muru la a koo la le ka fata m̀ ma.”

Esekiyeli 11:21

Bari moolu mennu sondomoolu be looriŋ jalambatoo niŋ kuu haraamuriŋ kewo kaŋ, m be wolu joo la ì la kebaaroolu la le.” Maarii Yaawe le ye a fo.

Esekiyeli 14:2

Wo to le Yaawe* la kumoo naata n kaŋ ko:

Esekiyeli 14:4

Wo kamma la, a fo ì ye, nte Yaawe ali Maariyo ye ñiŋ ne fo ko: Moo-wo-moo be Banisirayilankoolu kono, meŋ ye a sondomoo loo jalaŋolu kaŋ, a ka mennu batu, wo ka kuu jawoolu le ke mennu ka a boyindi junuboo kono, bari hani wo a ka naa n na annabiyomoo kaŋ. Nte Yaawe faŋo le be wo maarii jaabi la a la jalaŋ jamaa batoo kaŋ.

Esekiyeli 14:7

Kaatu Banisirayilanka-wo-Banisirayilanka waraŋ tumarankee-wo-tumarankee meŋ ye a koo dii n na, a ye a sondomoo loo jalaŋolu kaŋ, aniŋ ka kuu jawoolu ke mennu ka a boyindi junuboo kono, wo koolaa, a ka taa n na annabiyomoo yaa, ka n na kuwo ñininkaa, nte faŋo le be wo maarii jaabi la.

Esekiyeli 20:16

Ŋa n kali ì ye le, kaatu ì ye ì koo dii n na yaamaroolu niŋ n na saratoolu la le, ì maŋ soŋ ka bula ì nooma, ì maŋ naa n na Loobula Luŋo fanaa horoma. Ì ye ì ñaa tiliŋ jalaŋolu le la ka ì batu.

Esekiyeli 20:3

“Ite hadamadiŋo, a fo ñiŋ Banisirayila alifaalu ye ko, muŋ daliila le ye a tinna ì naata ka nte la lafoo ñininkaa? A be koyiriŋ ñaameŋ ko nte be baluuriŋ ne, hani feŋ, n te wo le fo la ì ye.” Maarii Yaawe le ye a fo.

Esekiyeli 20:31

Ali ka ali diŋolu ke jani sadaalu ti, ka ali faŋ kosondi ali la jalaŋolu la, fo ka naa bula bii la. Fo ali si naa noo ka n na lafoo ñininkaa baŋ, a ye a tara ali ka ñiŋ kuu haraamuriŋ siifaalu ke? A be koyiriŋ ñaameŋ ko nte Yaawe be baluuriŋ ne, n te ali jaabi la hani feŋ ne la, ali ka n ñininkaa mennu la.

Esekiyeli 3:20

“Wo ñaa kiliŋo la, niŋ moo tilindiŋo ye a la tiliŋo bula, a ye a dati ka kuu tilimbaloo ke, m be kalewo le laa la a ñaato, a ye boyi ka faa. Niŋ i maŋ a dandalaa, a la wo kuu kuruŋ kewo le be a tinna la a ye faa. A ye kuu betoolu mennu bee ke nuŋ, n hakili te bula la ì la. Aduŋ a la saayaa dunoo be tara la laariŋ ite le kaŋ.

Esekiyeli 33:30

“Ite hadamadiŋo, i la moolu ka beŋ ñoo kaŋ ne, ì ka i koomakuma, koridaa sansaŋolu daa la aniŋ bundaalu to. Ì ka a fo ñoo ye le ko, ‘Ali ŋà taa Esekiyeli yaa, ka n lamoyi a la, Yaawe be meŋ fo la ǹ ye bii.’

Esekiyeli 36:25

M be jii senuŋo le sari la ali kaŋ, i si a je ali si seneyaa ka bo ali la seneyaabaliyaa bee kono. M be ali seneyandi la ka bo kosoriŋ, ali la jalaŋolu ye ali kosondi mennu la.

Esekiyeli 44:12

Bari koomanto, waatoo meŋ na n na moolu be jalambatoo la, wo Lewi lasili moolu le ye ì maakoyi ka ke ì la jalaŋ batudulaa dookuulaalu ti. Wo le ye a tinna n na moolu boyita ì la junube jawoolu kono. Wo kamma la, ŋa n kali ko, Lewi lasili moolu be ì la junuboo kuluuroo soto la le.” Maarii Yaawe le ye a fo.

Esekiyeli 6:9

Aduŋ wo moolu mennu kanata keloo to, ì hakiloo be bula la n na, wo bantala bankoolu kaŋ ne, ì ye ì samba mutoo kono daamennu to. Ì hakiloo be bula la, ì ye niitooroo meŋ laa n kaŋ ì la m fulaŋ kafuñooyaa la ka bula jalaŋolu nooma aniŋ ka hame jalaŋolu la kuwo la. Labaŋo la ì be ì faŋ koŋ na, ì kekuwolu niŋ ì la kuu haraamuriŋ kewolu la le.

Esekiyeli 7:19

“Ì la kodiforoo te ì nafaa la feŋ na, ì be a fayi la mbeedoolu kaŋ ne, ì la sanoo be ke la ì ye le ko feŋ ñewundiŋo. Nte Yaawe la yankankatoo luŋo la, ì la kodiforoo niŋ sanoo te ì tankandi noo la. Ì la wo fankoo te konkoo bo la ì la waraŋ ka ì konoolu fandi, kaatu ì la wo fankoo le ye ì duŋ junube kewo to.

Hoseya 4:5

Suuto tili, ali niŋ annabiyomoolu ka boyi le, m be ali baamaa kasaara la le.

Sefaniya 1:3

Hadamadiŋ wo, beeyaŋ wo, kunu wo, ñee wo, m be ì bee le bondi la duniyaa kono, ŋa moo kuruŋolu la kuwo jindi. M be hadamadiŋolu bee le kasaara la. Nte Yaawe le ye a fo.

Jakariya 7:13

“A keta teŋ ne: Biriŋ n diyaamuta ì ye, ì maŋ n danku, ì fanaa ye n kili, m maŋ ì danku.

Luka 20:8

Wo to le Yeesu ko ì ye ko, “M fanaa te a fo la ali ye, n ka ñiŋ kuwolu ke kaŋo meŋ kaŋ.”

Efesusinkoolu 5:5

Ali si ñiŋ loŋ koyirinke ko, laañooyaa tulunnaa, moo seneyaabaloo waraŋ moo hadumeriŋo, wolu nene te kara soto la Kiristu niŋ Alla la mansabaayaa to. Moo meŋ hadumeta, ali si ñiŋ loŋ a la kuwo to ko, hadumoo mu jalambatoo le ti.

1 Pita 2:8

Aduŋ: “A mu beroo le ti, moolu be taki la meŋ na, bere baa meŋ be moolu boyindi la.” Tooñaa, ì ka boyi le, kaatu ì maŋ Alla la kumoo muta. Wo boyoo keta kuwo le ti, Alla ye meŋ londi ì ye.

Lankenemoo 2:14

Bari nte ye kuu dantaŋ ne soto ka i tuumi. Moo doolu le be ali kono jee, mennu be Balaamu la karandiroo nooma kaŋ. Ate le ye Balaki karandi ka Banisirayilankoolu dundi marisa kuwo kono ka ì boyindi. A ye ì duŋ feŋolu domoo to, mennu bota jalaŋolu ye sadaa* ti, aniŋ ka laañooyaa tuluŋo ke.

1 Samuweli 28:6

A ye Yaawe* ñininkaa, bari a maŋ a danku ka bo niŋ siiboolu la, waraŋ Urimu waraŋ a la annabiyomoolu.