Esekiyeli 14:19 - Mandinka Bible

¹⁹ “Niŋ a ye a tara, ŋa alibalaa kuuraŋo le jindi naŋ wo banku moolu kaŋ ka hadamadiŋolu niŋ beeyaŋolu bee kasaara ñoo la n na kamfaa baa kono,

Esekiyeli 14:19 ပူးပေါင်းရင်းမြစ်များ

Esekiyeli 38:22

A ko: “M be wo kiitiyo le laa la Kooki kaŋ. M be alibalaa kuuraŋo niŋ yeleboŋ jawu le naati la Kooki niŋ a la kelediŋ kafu baa aniŋ a deŋñoolu bee kaŋ. M be samaajiyo waamemaa le jindi la naŋ ì kaŋ, saŋ beroolu, dimbaa aniŋ solifa munkoo*.

Esekiyeli 7:8

M pareeta le ka n na kamfaa kupi ali kaŋ naŋ. M be ali kiitindi la ali maañaalu le la, m be ali kuluu la le, ali la kuu jawu kewolu kamma la.

Esekiyeli 5:12

Ali be talaa la kafu saba le ti. Kafu foloo, alibalaa kuuraŋo niŋ konko jawoo le be wolu faa la Yerusalaamu. Kafu fulanjaŋo, hawusaroo le be wolu faa la, ali la saatee tata sansaŋo banta la. M be kafu sabanjaŋo moolu caarindi la le, ì ye tara foñoo bulu, n niŋ hawusaroo ye bula ì nooma ka ì faa taariŋ.

Yeremiya 14:12

Hani ì si suŋ ka woosii n ye, n te ì lamoyi la. Hani ì si jani sadaalu* niŋ siimaŋ sadaalu bondi n ye, n te ì muta la ì ye. Bari m be meŋ ke la, wo le mu ka ì kasaara niŋ hawusaroo* la, konkoo, aniŋ alibalaa kuuraŋo.”

2 Samuweli 24:15

Bituŋ Alla ye alibalaa kuuraŋo boyi Banisirayilankoolu kaŋ, ka bo wo soomandaa la, fo a ye waatoo meŋ fo. Aduŋ moo wuli taŋ woorowula le faata ka bo bankoo tonkoŋ fo a tonkoŋ.

Matiyu 24:7

Bankoolu be wuli la le ka ñoo kele, mansakundaalu ye ñoo kele, aduŋ konko jawoo aniŋ banku jarajaroolu be ke la dulaa jamaa le to.

Amosi 4:10

“Ŋa alibalaa kuuraŋo jindi ali kaŋ, ko ŋa a jindi Misirankoolu kaŋ ñaameŋ. Ŋa ali la fondinkewolu faa niŋ hawusaroo* la, ŋa ali la suwoolu duŋ mutoo kono. Ŋa ali nuŋ huwolu fandi furewolu nooroo la ali la daakaalu to. Hani wo bee, ali maŋ soŋ muru la n kaŋ.” Yaawe le ye a fo.

Esekiyeli 36:18

Wo kamma la, ŋa n na kamfaa kupi ì kaŋ ne, kaatu ì ye moofaalu mennu ke ì la bankoo kaŋ, aniŋ ì ye bankoo kosondi ñaameŋ, ì la jalaŋolu la.

Yeremiya 24:10

M be hawusaroo* le naati la ì kamma, konkoo, aniŋ ka alibalaa kuuraŋo naati ì kaŋ, fo ŋa ì baŋ kasaara la ka bo bankoo kaŋ, ŋa meŋ dii ì niŋ ì la alifaa foloolu la.”

Yeremiya 21:9

Moo-wo-moo tuta siiriŋ ñiŋ saatewo kono, hawusaroo le be a faa la, waraŋ konkoo, waraŋ alibalaa kuuraŋo. Bari niŋ moo-wo-moo fintita banta, ka taa a faŋ seyi Babiloninkoolu ma, mennu be ali la saatewo suki kaŋ, wo maarii be baluu la le. A la baluwo be ke la le ko, ì ye meŋ kumakaa ka bo keloo kono. A niyo si kana, a ye baluu.

Yeremiya 21:6

M be ñiŋ saatewo moolu busa la le, hadamadiŋolu niŋ beeyaŋolu kafuriŋo. Alibalaa kuuraŋ jawoo le be ì faa la.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Jabuuroolu 91:6

waraŋ alibalaa meŋ ka boyi diboo la, waraŋ kuuraŋ jawoo meŋ ka faaroo ke tilibuloo la.

Jabuuroolu 91:3

A be i tanka la jawoo la kutindiŋo ma le, aniŋ alibalaa jawoo.

2 Taarika 20:9

‘Niŋ mantoora kuu jawoo naata ǹ kaŋ, keloo, alibalaa kuuraŋo waraŋ konkoo, ǹ si loo ñiŋ Batudulaa Buŋo* to, kaatu i too be jee le. Niŋ ǹ woosiita i ñaatiliŋo la ǹ na mantooroo waatoo la, i be i lamoyi la ǹ na le ka ǹ kiisa.’

2 Taarika 7:13

“N si saŋo bali noo ka samaa jindi, waraŋ ŋa kuntiŋolu yaamari ka fiifeŋolu kasaara bankoo kaŋ, waraŋ ka alibalaa kuuraŋo jindi n na moolu kaŋ.

2 Taarika 6:28

“A si ke noo konko baa waraŋ alibalaa kuuraŋo ye boyi bankoo kaŋ. Fiifeŋolu si jaa noo waraŋ kuuraŋo ye boyi ì kaŋ. Kuntiŋolu waraŋ tumbu koteŋolu si naa noo le ka ì domo. I la moolu jawoolu si naa noo le ka daakaa loo ì kamma ì la saatee-wo-saatee to. Kasaara kuwo waraŋ kuuraŋ siifaa-wo-siifaa si laa noo ì kaŋ ne.

1 Mansoolu 8:37

“A si ke noo konko baa waraŋ alibalaa kuuraŋo ye boyi bankoo kaŋ. Fiifeŋolu si jaa noo waraŋ kuuraŋo ye boyi ì kaŋ. Kuntiŋolu waraŋ tumbu koteŋolu si naa noo le ka ì domo. I la moolu jawoolu si daakaa loo noo ì kamma ì la saatee-wo-saatee to le. Kasaara kuwo waraŋ kuuraŋ siifaa-wo-siifaa si naa noo le.

2 Samuweli 24:13

Wo to le Kadu taata Dawuda yaa, a ko a ye ko, “Fo sanji saba konkoo ye boyi i la bankoo kaŋ baŋ? Waraŋ kari saba i ye bori i jawoolu la, ì ye i bayindi? Waraŋ tili saba alibalaa kuuraŋo ye naa i la bankoo kaŋ? Saayiŋ, i miira a kuwo la, i ye a fo n ye, m be meŋ fo la a ye, ate meŋ ye n kii.”

4 Musa 14:12

M be alibalaa kuuraŋo le jindi la ì kaŋ, ŋa ì kasaara, bari m be ite Musa yiriwandi la le ka ke banku baa ti meŋ be bambaŋ na itolu ti.”

Yesaya 34:3

Ì furewolu be tara la fayiriŋ ne, ì ye tara sunkaŋ na, konkoolu bee si tara faariŋ ì yeloo la.

Esekiyeli 14:18

a be koyiriŋ ñaameŋ ko nte Yaawe be baluuriŋ ne, hani niŋ a ye a tara ñiŋ annabiyomu saboo be sabatiriŋ wo bankoo kaŋ, m be itolu dammaa le tankandi la, bari n te hani ì wuluudiŋolu tankandi la.

Esekiyeli 14:20

a be koyiriŋ ñaameŋ ko nte Yaawe be baluuriŋ ne, hani Nuha, Daniyeli aniŋ Yuuba be wo bankoo kaŋ, m be itolu dammaa le tankandi la ì la tiliŋo kamma la, bari n te hani ì wuluudiŋolu tankandi la.”

Esekiyeli 14:21

Wo to Maarii Yaawe ye ñiŋ ne fo ko: “Niŋ ŋa Yerusalaamu mantoora niŋ keloo la, konko jawoo, daafeŋ saŋaroolu aniŋ alibalaa kuuraŋo ka jee moolu niŋ beeyaŋolu bee kasaara ñoo la niŋ ñiŋ mantoora naanoo la, Yerusalaamu alihaaloo be jawuyaa baa la le.

Esekiyeli 21:31

M be n na kamfaa kupi la i kaŋ jee le to ka n na kamfaa fijoo jindi i kaŋ. M be i duŋ na moo kuruŋolu le bulu mennu ye kasaaraloo noo baake.