Esekiyeli 13:3 - Mandinka Bible

³ Maarii Yaawe ye ñiŋ ne fo ko: “Kooroo be wo faniyaa annabiyomoolu ye, mennu ka bula ì fansuŋ miiroolu nooma. Ì ka ì fansuŋ kuwolu le bankee mennu maŋ soto.

Esekiyeli 13:3 ပူးပေါင်းရင်းမြစ်များ

Niikuyaa Suukuwolu 2:14

Ñiŋ loŋ ko, i la annabiyomoolu ko ì ye meŋ je, faniyaa kenseŋo niŋ neeneeri kumoolu le mu. Ì maŋ i la junuboo yita i la, ka i dandalaa, fo i kana taa mutoo kono, bari ì ye jeroo meŋ bankee i ye, faniyaa kenseŋo niŋ filindiroo le mu.

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Esekiyeli 34:2

“Ite hadamadiŋo, ñiŋ kiilaariyaa kumoo fo Banisirayila maralilaalu ye, nte Yaawe, ì Maariyo ye ñiŋ ne fo ko: Kooroo boyita ali kaŋ. Alitolu Banisirayila kantalaalu, ali be ali faŋolu dammaa le konoo fandi kaŋ. Aduŋ ali ñinata ali ka mennu kanta. Fo kantarilaa le maŋ ñaŋ na a la saajiyolu daañini la baŋ?

Yeremiya 23:1

Yaawe* ko: “Kooroo be maralilaalu ye le, mennu ka n na saajii koorewo janjandi ka a kasaara, aduŋ itolu le mu kantarilaalu ti ì kunna.”

Kuma Kotoomaalu 15:14

Hakilidiimaa ka lafi londi ñinoo le la, bari toolewo ka kontaanoo soto lombaliyaa kuwo doroŋ ne to.

1 Timoti 6:4

wo maarii mu faŋ wara moo le ti, meŋ maŋ feŋ-wo-feŋ loŋ. A ye hame jawoo le soto ka soosooroo ke, aniŋ ñoosaboo kumoolu to. Wolu le ka kiiliyaa saabu, talaaroo, tooñeeroo aniŋ sobi jawoo,

1 Korintinkoolu 9:16

Niŋ n ka kibaari betoo kawandi, wo te ke la kibiri kuwo ti n ye, kaatu a mu ñantoo le ti n kaŋ. Kooroo be n ye, niŋ m maŋ kibaari betoo kawandi!

Luka 11:52

“Kooroo be alitolu Luwaa lonnaalu ye! Ali ye londoo la caaboo le taa. Ali faŋolu maŋ duŋ a kono, ali ye moolu bali, mennu lafita ka duŋ.”

Luka 11:40

Alitolu toolewolu! Fo Alla meŋ ye banta dadaa, ate le maŋ konoto fanaa dadaa baŋ?

Jakariya 11:15

Yaawe ko n ye kotenke ko, “Kantarilaa nafantaŋo la kantarilaŋ jooraŋolu taa kotenke.

Esekiyeli 13:18

A fo ì ye ko, nte Yaawe ì Maariyo ye ñiŋ ne fo ko: Kooroo be wo musoolu le ye, mennu ka safoolu siti moolu bulukaŋolu to aniŋ ì kuŋolu to, fo dindiŋ to baŋ, waraŋ fo keebaa. Fo ì ñanta n na moolu deema la le baŋ, ka ì mara ì faŋolu la nafaa kaŋ?

Kuma Kotoomaalu 15:2

Moo ñaamendiŋo la kumoo ka londoo la kuwo diyandi moolu ye le, bari toolewo daakumoo ka ke kuu kuntaŋo doroŋ ne ti.

2 Timoti 3:9

Bari ì te jamfabaa la, kaatu ì la tooleeyaa be waañaari la moolu bee ye le, ko a keta Yannes niŋ Yamberes la ñaameŋ.

Yeremiya 23:16

Yaawe Alihawaa Maariyo ye ñiŋ ne fo ko: “Ali kana i lamoyi annabiyomoolu la, mennu ka ñaatokumoolu fo ali ye, ka ali faa jiki kenseŋo la. Ì ka ì faŋolu hakiloo la jeroo le fo, a maŋ ke nte Yaawe la kumoo ti.

Yeremiya 28:15

Wo le to n naata a fo Hananiya ye ko, “Hananiya, i lamoyi baŋ! Yaawe maŋ i kii, aduŋ i ye ñiŋ moolu landi faniyaa le la.

Esekiyeli 13:4

Alitolu Banisirayilankoolu, ali la wo annabiyomoolu ka muluŋ ne ko kunkuwuloolu mennu ka tara sabatiriŋ tumbuŋolu to.

Yeremiya 23:9

Ŋa ñiŋ ne fo faniyaa annabiyomoolu la kuwo to ko: N sondomoo toorata le, hani fo n kuloolu bee baabaata. N ka munta le siiratoo, ko doloo ye moo meŋ siira, Yaawe la kuwo kamma, a la kuma jankuriŋo kamma la.