Esekiyeli 13:11 - Mandinka Bible

¹¹ Wo kamma la, i si a fo wo moolu ye, mennu ka wo tata sansaŋo muu niŋ lasoo la ko, sansaŋo ñiŋ be boyi la duuma le. Kaatu turubaadi baa le be fee la, sanjiyo ye boŋ naŋ aniŋ saŋ bere baalu ye boyi a kaŋ.

Esekiyeli 13:11 ပူးပေါင်းရင်းမြစ်များ

Esekiyeli 38:22

A ko: “M be wo kiitiyo le laa la Kooki kaŋ. M be alibalaa kuuraŋo niŋ yeleboŋ jawu le naati la Kooki niŋ a la kelediŋ kafu baa aniŋ a deŋñoolu bee kaŋ. M be samaajiyo waamemaa le jindi la naŋ ì kaŋ, saŋ beroolu, dimbaa aniŋ solifa munkoo*.

Yesaya 28:2

Ali a juubee, Maariyo ye moo le tomboŋ meŋ ye semboo soto, aduŋ a bambanta komeŋ samberoo, aniŋ ko foñoo meŋ ka kasaaroo ke, komeŋ sanji baa niŋ waamoo. A be ali la saatewo foriseetoo busandi la bankoo to.

Matiyu 7:27

Sanjiyo naata busa wo buŋo kaŋ, waamoo woyita a kaŋ, aniŋ turubaadoo ye a fee, a naata boyi piram!”

Matiyu 7:25

Sanjiyo naata busa wo buŋo kaŋ, waamoo woyita a kaŋ, aniŋ turubaadoo ye a fee, bari hani wo a maŋ boyi, kaatu a be looriŋ beroo le kaŋ.

Nahumu 1:3

Yaawe semboo warata le, aduŋ a la kamfaa maŋ tariyaa. A la jarabiroo te kuu kuruŋ kelaa hani kiliŋ ne kaari la. Saafoñotoo le mu a taaraŋ siloo ti, aniŋ sanji foñoto baa. A siŋo ka tawaloolu wulindi le ko niŋ kankaŋo be tii la.

Yesaya 29:6

Wo loo to, Yaawe* Alihawaa Maariyo* si i kiisa. A niŋ saŋ feteŋ baa le be naa ñoo la, banku jarajara baa, foño saŋara baa, turubaadoo, aniŋ kasaarali dimbaa neŋolu.

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Jabuuroolu 32:6

Wo to moo-wo-moo mu i la moo ti, a si duwaa ka i daani, koleyaa waatoo la. Niŋ mantooroo waamemaa feeneeta naŋ, a te futa la a ma.

Jabuuroolu 11:6

A be dimbaa keñembu wuleŋo niŋ solifa* dimbaa le jindi la moo kuruŋolu kaŋ, komeŋ samaajiyo. A be ì jarabi la foño kandi jawu baa le la.

Yuuba 27:21

Tilibo foño baa si a sika santo, a ye a tindi jana, ka bo a la koridaa kono.

Yuuba 38:22

Fo i nene ka duŋ dulaa to le baŋ, n ka kalaasi dunkuliŋ feemaa maabo daameŋ, waraŋ fo i nene ka dulaa je le baŋ, n ka saŋ beroolu maabo daameŋ?

Esekiyeli 1:4

A fele, biriŋ ŋa santo juubee, ŋa turubaadi baa le je, a ka bo naŋ maraa karoo la, aniŋ minaayi fiŋ baa niŋ saŋ ŋalasoo, mala baa ye a murubeŋ. Dimbaa le tarata mala kaŋ a teema, aduŋ dimbaa ñiŋ kono, feŋ ne be ñeliñeli kaŋ jee meŋ ka muluŋ ko jaawaloo.

Esekiyeli 13:12

Niŋ tata sansaŋo ñiŋ bee boyita, moolu be annabiyomoolu ñininkaa la le ko, ‘Wo lasoo nafaa lee, ali be muuroo la meŋ na nuŋ?’ ”

Yuuba 38:23

N ka ì maabo mantoora waatoo le kamma, ì ye tara pareeriŋ keloo niŋ fitina waatoo ye.