Esekiyeli 13:10 - Mandinka Bible

¹⁰ “Ñiŋ annabiyomoolu le ka n na moolu filindi, ka a fo ì ye ko, ‘Kayira doroŋ,’ wo ye a tara kayira te keriŋ. A mulunta le ko niŋ moolu mennu ye tata sansaŋo loo kutukatoolu la, annabiyomoolu naata a muu lasoo la ka a ñiiñandi, a ye a tara a maŋ bambaŋ.

Esekiyeli 13:10 ပူးပေါင်းရင်းမြစ်များ

Esekiyeli 22:28

Moolu ye suuñaaroo niŋ nakaroo le ke jee. Ì ye fuwaaroolu niŋ moolu mennu be suuloo kono tilimbaliyaa, ì naata tumarankewolu la feŋolu nakari ì bulu. Ali la annabiyomoolu ka wo junube kuwolu maabo le, ñaatonkoolu ka mennu ke. Ì la jeri kuwolu niŋ ì la bitaaroolu bee mu faniyaa le ti. Ì ka naa a fo ko, ‘Maarii Yaawe le ye ñiŋ fo,’ wo ye a tara nte Yaawe maŋ feŋ-wo-feŋ fo ì ye. Ì la wo keñaa mulunta le ko kewo meŋ ye tata sansaŋ kotoo muu niŋ lasoo la ka a bantala ñiiñandi.

Esekiyeli 13:16

Wolu le mu annabiyomoolu ti, mennu ka kiilaariyaa kumoo fo Yerusalaamu la kuwo to ko, ì be tara la kayiroo doroŋ ne kono, wo ye a tara kayira te keriŋ jee.” Maarii Yaawe le ye a fo.

Yeremiya 14:13

Bari nte ye ñiŋ ne fo ko, “Hee Yaawe Alla, annabiyomoolu le ka ñiŋ kiilaariyaa kumoolu fo ì ye ko, ì ñaa te hani hawusari kele je la, waraŋ ka konko, kaatu Yaawe be a je la le ko, ì ye tu kayiroo kono jaŋ.”

Yeremiya 8:11

Ì ka n na kanu moolu la dimiŋo feeyaatoo jaara le, ko a maŋ ke feŋ ti, ì ka a fo ko, ‘Kayira, kayira,’ a ye a tara kayira te keriŋ.

Yeremiya 6:14

Ì ka n na moolu la dimiŋo feeyaatoo jaara le, ì ka a fo ko, ‘Kayira, kayira,’ a ye a tara kayira te keriŋ.

2 Mansoolu 21:9

Bari Yahuuda moolu maŋ soŋ Yaawe ma, aduŋ Manase ye ì duŋ junube jawu baalu kewo to le, ka tambi bankoo moolu la, Yaawe ye mennu kasaara Banisirayilankoolu ye.

Lankenemoo 2:20

Bari wo ñaa-wo-ñaa, kuu kiliŋ, ŋa i tuumi wo la le. Ite ka wo musoo Yesebeli bula le, meŋ ka a faŋ kumandi annabiyomu musoo la, a be n na dookuulaalu filindi kaŋ ka bo niŋ a la karandiroo la. A ka wolu duŋ laañooyaa tuluŋo to, aniŋ ka feŋolu domo, mennu bota jalaŋolu ye sadaa ti.

1 Yohana 2:26

Ŋa ñiŋ safee ali ye wo moolu le la kuwo kamma, mennu lafita ali filindi la.

2 Timoti 3:13

Bari moo jawoolu niŋ neeneerilaalu la kuruŋyaa ka tu jawuyaa la le doroŋ, ì ka tu doolu neenee la le, aduŋ ì faŋolu ka tu neeneeroo le kono.

1 Timoti 4:1

Noora Kuliŋo ye a fo seneyaarinke le ko, luŋ labaŋolu kono, doolu be lannoo bula la le, ì ye neeneeri nooroolu nooma, aniŋ seetaani jawoolu la karandiroolu.

Malaki 3:15

Bari saayiŋ a fele, faŋ wara moolu ǹ ka wolu le kumandi neema moolu la. Ì ka baara kuu kuruŋo la ñaa-wo-ñaa, ì ka ñaatotaa soto le. Ì ka tara Alla sooki kaŋ ñaa-wo-ñaa, ì ka kana le.’ ”

Mika 2:11

Niŋ a ye a tara moo le sotota, kuma kenseŋ folaa aniŋ faniyaa folaa, meŋ be ali kawandi la ko wayinoo* be siyaa la, aniŋ dolo koteŋo, ali be laa la wo maarii le la annabiyomuyaa la.”

Esekiyeli 7:25

Niŋ silaŋ baa naata ì kaŋ, ì be kayiroo ñini la le, bari ì te a je la.

Yeremiya 50:6

“N na moolu keta saajii filiriŋolu le ti, ì kantarilaalu ye ì filindi, ì ye ì caawundi konkoolu kaŋ taariŋ, ì tarata yaayi la ka bo konko ka taa konko, ì ñinata ì la koorewo be daameŋ.

Yeremiya 28:9

Bari silaŋ niŋ annabiyomoo meŋ ye kayiroo bankee fanaa, aduŋ a annabiyomoo la kumoo naata ke, wo to a be loŋ na le ko, tooñaa, Yaawe le ye wo annabiyomoo kii.”

Yeremiya 23:17

Ì ka tu la a fo la moolu ye le, mennu ka jutu nte Yaawe la kumoo la, ‘Kayira doroŋ ne be ke la ali ye.’ Moo-wo-moo kanjaaramaa ka bula a faŋo sondomoo la lafoo le nooma, ì ka a fo ì ye ko, ‘Tana te ali soto la.’ ”

Yeremiya 8:15

Ŋà n yillaa kayiroo le la, bari kuu kende maŋ naa ǹ ye, ŋà n yillaa jaaraloo la, bari a fele, maasiiboo doroŋ.

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Yeremiya 4:10

Wo to le nte Yeremiya ko, “Hee m Maarii Yaawe, tooñaa-tooñaa, ite ye ñiŋ moolu niŋ Yerusalaamu muumewo neenee le famfaŋ, ka a fo ko, ‘Ali be kayiroo soto la le,’ a ye a tara hawusaroo* be ǹ kaŋolu to!”

Yesaya 57:21

N na Alla ko: “Moo kuruŋolu te kayiroo soto la muumeeke.”

Yesaya 30:10

Ì ka a fo jerilaalu ye le ko, “Ali kana jeroo ke kotenke!” Ì ka a fo annabiyomoolu fanaa ye le ko, “Ali kana tooñaa fo ntolu ye! Ali kuma diimaalu fo ǹ ye, ali ka neeneeri kumoo bankee ǹ ye!

Kuma Kotoomaalu 12:26

Moo tilindiŋo ka a teeroolu yaamari kuu kendoo le la, bari moo kuruŋo ka taa niŋ siloo meŋ na, wo ka moo filindi le.

2 Taarika 18:12

Mansa la kiilaa meŋ taata Mikaya kumandi, a ko a ye ko, “A juubee, annabiyomoolu bee daa benta kuma kiliŋ ne to, aduŋ ì ka ñiŋ ne fo ko, niŋ mansa taata, a be nooroo ke la le. I la kumoo niŋ ì taa si ke kiliŋ ti, aduŋ i si kuma diimaa fo.”

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

Yeremiya 23:32

N loota moolu kamma le mennu ka faniyaa siiboolu ke kiilaariyaa kumoo ti. Ì ka wo siiboolu fo le ka n na moolu filindi niŋ ì la landatambi faniyaalu la, a ye a tara m maŋ ì kii waraŋ ka ì bula a la. Ì maŋ ñiŋ moolu nafaa hani feŋ na.” Yaawe le ye a fo.

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”