Esekiyeli 1:24 - Mandinka Bible

²⁴ Niŋ ì be taa kaŋ, ì dampaŋolu kumakaŋo ka muluŋ ne ko baa baliŋolu ka bumbuŋ ñaameŋ, waraŋ ko kelediŋ kafu baa maakaŋo ka kuma ñaameŋ, waraŋ niŋ Alla Tallaa faŋo be daali kaŋ. Niŋ ì loota, ì ka ì dampaŋo seyindi a ñaama le.

Esekiyeli 1:24 ပူးပေါင်းရင်းမြစ်များ

2 Mansoolu 7:6

Kaatu Yaawe ye a tinna le Aramu kelediŋolu tuloo ye keleraŋ sareetoolu* bori kaŋo moyi naŋ, aniŋ suwoolu niŋ kelediŋ kafu baa. Wo ye a tinna le ì ko ñoo ye ko, “Banisirayilankoolu la mansa ye Hitinkoolu la mansoolu le laa a faŋ kaŋ, aniŋ Misira mansoolu ka naa ǹ kele.”

Yuuba 37:2

Ali i lamoyi Alla kumakaŋo la, a ka muluŋ ne ko saŋ feteŋo, maakaŋ baa meŋ ka bo a daa kono.

Jabuuroolu 18:13

Yaawe sarita naŋ ka bo Arijana, Mansa Tallaa kaŋo moyita.

Jabuuroolu 68:33

Ali a laa ate ye, meŋ ka taama saŋ fatoolu kaŋ, mennu daata biriŋ foloodulaa to. A moyi baŋ, a ye a kumakaŋo bumbundi le, a la kumakaŋ sembemaa.

Esekiyeli 10:5

Wo malaayikoolu dampaŋo ka kuma le ko Mansa Tallaa diyaamukaŋo ka ke ñaameŋ. Hani meŋ be Batudulaa banta luwo to, a si ì dampaŋolu kumakaŋo moyi.

Esekiyeli 3:13

Ŋa daafeŋolu dampaŋolu moyi kosi la ñoo la, aniŋ sareeti siŋolu maakaŋ baa mennu be ì dandaŋo la.

Esekiyeli 43:2

Wo loodulaa to jee, ŋa Banisirayila la Alla la kallankeeyaa* je naa la n kaŋ ka bo naŋ tilibo maafaŋo la. A kumakaŋo ka munta le ko baa baliŋolu kumakaŋo. A la kallankeeyaa ye bankoo bee beŋ.

Daniyeli 10:6

A baloo ka munta le ko luuluwo, a ñaadaa ka munta ko saŋ ŋalasoo, a ñaakesoolu ka munta ko pacama dimbaa. A buloolu niŋ a siŋolu ka munta le ko niŋ i ye jaawaloo suusaa fo a malamalata, aduŋ a diyaamukaŋo ka munta le ko kafu baa maakaŋo.

Lankenemoo 1:15

A siŋolu be malamala kaŋ ko jaawaloo meŋ kuloorita dimbaa la, aduŋ a kumakaŋo be le ko jiibaliŋ baalu.

Lankenemoo 19:6

N naata kumakaŋo moyi, meŋ ka munta ko kafu baa, a maakaŋo be ko jiibaliŋ baalu niŋ saŋ feteŋolu. Ì be sari kaŋ santo ko: “Haleluyaa! Maariyo be maraloo kaŋ ne, ǹ na Alla Mansa Tallaa.